Read Medumba Yoshua 19 Bible Online

Yoshua 19 - Medumba bible

Yoshua 19

¹Tô fà mbatte bàa Siméon, ndaṅndaṅ mba tshob tunndà be là. Mub ntsi' na' mb'a netèt ntsi' bon Yuda.

²Tshù dù' tse bo ghù ntùm mub ntsi' li: Ber-Shéba, Molada,

³Hatsar-Shual, Bala, Atsém,

⁴Eltolad, Bétul, Horma,

⁵Tsiklag, Bét-Markabot, Hatsar-Susa,

⁶Bét-Lebaot bo Sharushén; njoṅ i fa ntusô ntshob tat gham boa ntaṅla' mube;

⁷Aïn, Rimmon, Eter bo Ashan; njoṅ i fa ntusô nkuà boa ntaṅla' mube;

⁸boa njoṅ ntaṅla' fa mi a be mbaṅ men ntusô là là tà nèn nkum Baalat-Béer z'a be Ramat z'a ntèn nà. Tshù mi ntsi' nzwit bon Siméon nà, ndaṅndaṅ mba tshob tunndà be là.

⁹Bo lo' mi ntsi' bon Siméon à num ze kam tsha' bon Yuda. Mbe ndùlal'a nummbe ze kam tsha' bon Yuda lo yàm neshu num bo. A netèt ntsi' bon Yuda là ze bon Siméon na' nkwé mub ntsi' là.

¹⁰Tô fà mbatte tat bon Zabulon, ndaṅndaṅ mba tshob tunndà be là.

¹¹Ndùnsi mub ntsi' lo nèn tà nkum Sarid. A lo ke nko' mbinyam nèn nze Maréala, nzin tà nsob tu i Dabbléshet, mba fub s'a ke nswe' naṅ mbwe Yoknéam nà.

¹²A lo ke ndo Sarid ntôg ntumnyam nèn nkum ndùnsi Kislot-Tabor, ndiaṅ nkum Daberat nko' ṅwag Yafia.

¹³Ndùnsi lo ke ndo ntumnyam ntshùa Guitta-Hefer, ntshùa Itta-Katsin, nèn nkum Rimmon, nèn kà nsob tu i Néa.

¹⁴Ndùnsi lo bwe ndam tu, nze Hannaton, nzin nkum tômbo' Yiftash-El.

¹⁵Ntôg ndùlala, Kattat, Nahalal, Shimron, Yidéala, Bétléhém. Njoṅ i fa b'a ntusô ntshob bàa gham boa ntaṅla' mube.

¹⁶Tshù mi ntsi' bon Zabulon nà, ndaṅndaṅ mba tshob tunndà be là, men ntusô là boa ntaṅla' mube.

¹⁷Tô fà mbatte kuà Isakar, bon Isakar, ndaṅndaṅ mba tshob tunndà be là.

¹⁸Yub ndùnsi ke ntôg a Yizréel, Kesullot, Sumén,

¹⁹Hafaraim, Shion, Anasharat,

²⁰Rabbuni, Kishjon, Abets,

²¹Rémet, En-Gannim, En-Hadda bo Bét-Passès.

²²Ndùnsi lo ke nkwag Tabor, Shasaïm, Bét-Shemesh nèn nsob tu i Yordan. Njoṅ i fa ntusô ntshob ntôg gham boa ntaṅla' mube.

²³Tshù mi ntsi' nzwit bon Isakar là, ndaṅndaṅ mba tshob tunndà be là, men ntusô là boa ntaṅla' mube.

²⁴Tô fà mbatte tàn nzwit bon Aser, ndaṅndaṅ mba tshob tunndà be là.

²⁵Yub ndùnsi ke ntshùa a Hélkat, Hali, Béten, Akshaf,

²⁶Allammélék, Améad bo Mishal; ndùnsi lo ke nkwag mbinyam, Karmél bo Shishor-Libnat;

²⁷ndo bwe ndiaṅ ntumnyam z'a Bét-Dagon nà, nèn nkum Zabulon bo tômbo' Yiftash-El z'a tu Bét-Amék bo Neil là, nswe' tà nkum Kabul, bu kwéb,

²⁸nkum Hébron, Rehob, Hammon bo Kana, tà nèn nkum Sidon ze ndùb.

²⁹Ndùnsi lo ke mbèn ntôg nze Rama tà nèn nkum neta ngô Tiro, mba nze Hosa, nèn nsob tu i dibantse, mbe ndù a tôg a bag ngô Akzib.

³⁰Ntôg ndùlala, Umma, Afék bo Rehob be. Njoṅ i fa be ntusô ntshob bàa ṅam mbàa boa ntaṅla' mube.

³¹Tshù mi ntsi' nzwit bon Aser là, ndaṅndaṅ mba tshob tunndà be là; men ni b'a ntusô boa ntaṅla' mube.

³²Tô fà mbatte ntôg bon Néftali, ndaṅndaṅ mba tshob tunndà be là.

³³Yub ndùnsi lo ke nto' fe Hélef, nto' fe Allon, ntshùa Tsaanannim, Adami-Nékeb bo Yabnéel, nèn nkum Lakkum, nèn nsob tu i Yordan.

³⁴Ndùnsi lo ke ndiaṅ mbinyam nze Aznot-Tabor, ndo bwe nèn nkum Hukkot; a ke nkwag Zabulon bag ntèn, nkwag Aser bo Yuda ntumnyam.

³⁵Ntusô neta mi a be bwe là na' mb'a: Tsiddim, Tser, Hamat, Rakkat, Kinnéret,

³⁶Adama, Rama, Hatsor,

³⁷Kédesh, Edrei, En-Hatsor,

³⁸Yiréon, Migdal-El, Horém, Bét-Shemesh. Njoṅ i fa ntusô ntshob bwe'e gham boa ntaṅla' mube.

³⁹Tshù mi ntsi' nzwit bon Néftali là, ndaṅndaṅ mba tshob tunndà be là; men nà b'a mub ntusô boa ntaṅla' mube.

⁴⁰Tô fà mbatte sammbàa nzwit bon Dan, ndaṅndaṅ mba tshob tunndà be là.

⁴¹Yub ndùnsi na' mb'a Tsoréa, Eshtaol, Ir-Shemesh,

⁴²Shaalabbin, Ajalon, Yitla,

⁴³Elon, Timmata, Ekron,

⁴⁴Eltéké, Guibbeton, Baalat,

⁴⁵Yéhud, Béné-Beak, Gat-Rimmon,

⁴⁶Mé-Yarkon bo Rakkon, bo tsha' ts'a be se Yafo là.

⁴⁷Tsha' bon Dan lo tum bo. Bon Dan ko' nèn ma' Léshém ntsho; bo lo' ngô, nzwite benntùn ṅwi. Bo tete ntùm yen ngô là, ntswi lén se Dan, num lén tà yub Dan.

⁴⁸Tshù mi ntsi' nzwit Dan nà, ndaṅndaṅ mba tshob tunndà be là; men ni b'a ntusô boa ntaṅla' mube.

⁴⁹Ndùse bo miagte neghabte ngô, ndaṅndaṅ mba ndùnsi ngô be là, bon Israél fà tse tsha' Yoshua nshum Nun netèt bo.

⁵⁰Bo ghù a ndaṅndaṅ mba Tshùaben na' ntshob là; bo fà tusô s'a na' mbètte là yi. Sen tusô là b'a Timnat-Sérak z'a num mbat Efraim nà. A bèn nkut ngô, nte ze dù'ntswe bwe.

⁵¹Tshù ntsi' mi ngale'te, Eléazar, Yoshua, nshum Nun boa fenfen tunndà nzwit bon Israél tam tô ndo' ngabte yi mbwe Tshùaben Silo là. A na' mb'a mbwe ntàb mbumte. Bo miagte neghabte ngô ndùlala.