Read Medumba Yoshua 21 Bible Online

Yoshua 21 - Medumba bible

Yoshua 21

¹Fenfen tunndà ben Lévi nèn mbaṅ Eléazar ngale'te, Yoshua nshum Nun boa fenfen tunndà nzwit bon Israél.

²Ntshob bo Silo ntùm ngô Kanaan ndù: Tshùaben lo tshob Mosé ndù bo fà ntusô bag num yag dù'ntswe boa dù' ts'a ghebte mbaṅ bwe là num tshag nyàm.

³Ndùlala, bon Israél fà men ntusô li boa dù' ts'a ghebte mbaṅ bwe là ben Lévi.

⁴Bo tam tô num tunndà ben Kéhat; ben Lévi, bon Aron ngale'te, tshùa njam tô ngù ntusô ntshob tat gham ntùm nzwit Yuda, nzwit Siméon, nzwit Benjamin;

⁵tô bèn mfà memo' ntusô gham tsemo' bon Kéhat ntùm tunndà nzwit Efraim, nzwit Dan bo kam nzwit Manasé.

⁶Tô lo fà ntusô ntshob tat gham bon Guershon ntùm tunndà nzwit Isakar, nzwit Aser, nzwit Néftali bo kam nzwit Manasé Basan.

⁷Tse bon Mérari ghù ntusô ntshob bàa gham ntùm nzwit Rubèn, nzwit Gad bo nzwit Zabulon. Njoṅ i fa b'a ndaṅndaṅ mba tshob tunndà be là.

⁸Bon Israél tshùa njam tô, mfà men ntusô là boa dù' ts'a ghebte bwe là, ndaṅndaṅ mba Tshùaben na' ntshob Mosé là.

⁹Ntùm nzwit bon Yuda bo nzwit bon Siméon, bo fà men ntusô li;

¹⁰men ntusô là b'a mi bon Aron netèt tunndà ben Kéhat boa bon Lévi tse bandum; nummbe bo lo tam tô, sob bùm tô bèn mbwôg jù.

¹¹Bo fà Kirjat-Araba z'a be Hébron, num mbat Yuda là bo boa dù' ts'a lam i mbum nà. Araba na' mb'a tà Anak.

¹²Bo lo fà tsha' tusô boa ngô ts'a bwe là Kaléb nshum Yéfoné, a be ze ju.

¹³Ndùlala bo fà Hébron bo dù' z'a ghebte bwe là, mfà Libna bo dù' z'a ghebte bwe là bon ngale'te Aron, mba tusô ndàlem nà,

¹⁴mfà Yattir bo dù' z'a ghebte bwe là, bo Eshtemoa;

¹⁵Holon bo dù' z'a ghebte là,

¹⁶Debir bo dù' z'a ghebte là, Aïn bo dù' z'a ghebte là, Shemesh bo dù' z'a ghebte là. Njoṅ i fa ntusô bwe'e ntùm tshen nzwit bàa là.

¹⁷Ntùm nzwit Benjamin, a be Gabaon bo dù' z'a ghebte là, Guéba bo dù' z'a ghebte là,

¹⁸Anatot bo dù' z'a ghebte là, Almon bo dù' z'a ghebte là; njoṅ i fa ntusô nkuà.

¹⁹Njoṅ ntusô fa mi ghale'te, bon Aron ghù là b'a ntusô ntshob tat gham boa dù' ts'a ghebte là.

²⁰Tsemo' ben Lévi tse bo tum à netèt tsemo' tunndà bon Kéhat là lo tshùa njam tô ngù ntusô netèt nzwit Efraim.

²¹Bo fà tusô ndàlem s'a b'a num ghazwi benntùn nà bo: Sikém bo dù' z'a ghebte là; a b'a num mbat Efraim; Guézer bo dù' z'a ghebte là.

²²Kibtsaim bo dù' z'a ghebte là, Bét-Horon bo dù' z'a ghebte là. Njoṅ i fa ntusô nkuà.

²³Ntùm nzwit Dan, bo ghù Eltéké bo dù' z'a ghebte là,

²⁴Guibbeton bo dù' z'a ghebte là, Ajalon bo dù' z'a ghebte là, Gat-Rimmon bo dù' z'a ghebte là. Njoṅ i fa ntusô nkuà.

²⁵Ntùm kam nzwit Manasé bo ghù: Taanak bo dù' z'a ghebte là, Gat-Rimmon bo dù' z'a ghebte là. Njoṅ i fa ntusô mbàa.

²⁶Njoṅ ntusô fa b'a gham boa dù' ts'a ghebte, num tunndà tsemo' bon Kéhat là.

²⁷Ntùm kam nzwit Manasé bo fà tusô ndàlem bon Guershon, tse bo tum a netèt tse tunndà ben Lévi là. Men ntusô là na' mb'a num ghazwi benntùn. Ntusô mbit na' mb'a Golan z'a Basan nà bo dù' z'a ghebte là. Beeshtra bo dù' z'a ghebte là. Njoṅ i fa ntusô mbàa;

²⁸ntùm nzwit Isakar bo fà Kishjon bo dù' z'a ghebte là, Daberat bo dù' z'a ghebte là,

²⁹Yarmut bo dù' z'a ghebte là, En-Gannim bo dù' z'a ghebte là. Njoṅ i fa ntusô nkuà,

³⁰ntùm nzwit Aser bo fà Mishal bo dù' z'a ghebte là, Abdon bo dù' z'a ghebte là.

³¹Hélkat bo dù' z'a ghebte là, Rehob bo dù' z'a ghebte là. Njoṅ i fa ntusô nkuà;

³²ntùm nzwit Néftali bo fà tusô ndàlem num ghazwi benntùn: Kédesh z'a Galiléa là bo dù' z'a ghebte là, Hammot-Dor bo dù' z'a ghebte là, Kartan bo dù' z'a ghebte là. Njoṅ i fa ntusô ntat.

³³Ntusô mi ben Guershon ghù là tamte mb'a ntshob tat gham boa dù' ts'a ghebte là, mb'a ndaṅndaṅ mba tshob tunndà be là.

³⁴Tshù ntusô mi bo fà tshé' ben Lévi tse bo tum a ntùm tunndà Mérari li: Ntùm nzwit Zabulon bo fà Joknéam bo dù' z'a ghebte là, Karta bo dù' z'a ghebte là;

³⁵Dimna bo dù' z'a ghebte là, Nahalal bo dù' z'a ghebte là; njoṅ i fa ntusô nkuà.

³⁶Ntùm nzwit Rubèn bo fà Betser bo dù' z'a ghebte là, Yahtsa bo dù' z'a ghebte là;

³⁷Kedémot bo dù' z'a ghebte là, Méfaat bo dù' z'a ghebte là. Njoṅ i fa ntusô nkuà.

³⁸Ntùm nzwit Gad, bo fà tusô ndàlem num ghazwi benntùn; men ntusô là b'a Ramot z'a Galad là bo dù' z'a ghebte là,

³⁹Hesbon bo dù' z'a ghebte là, Yazer bo dù' z'a ghebte là. Njoṅ i fa ntusô nkuà.

⁴⁰Ntusô mi tô na' mfà bon Mérari, ndaṅndaṅ mba tshob tunndà be là na' mb'a ntshob bàa gham. A b'a tshé' tunndà ben Lévi tse bo tù' là.

⁴¹Njoṅ ntusô mi ben Lévi ghù netèt tse dù' bon Israél là b'a ntshob fom ṅam nkuà boa dù' ts'a ghebte là.

⁴²Mba sit tusô lo lo ghù dù' z'a ghebte num i là, ndù a diaṅ i mbume. Njoṅ ntusô fa na' mb'a be ndùlala.

⁴³Tshù mba Tshùaben na' mfà njoṅ ngô fa z'a ntshob nsaṅlaṅ num bwe bon Israél là. A lo bwôgmbwe ntshob nsaṅlaṅ bwe tà tshob; bon Israél lo' ngô, ntete ntùm bwe;

⁴⁴Tshùaben ghù fite be bo bag bag mb'a na' ntshob nsaṅlaṅ bwe tà tshob là; sàm ngakeban yub ke bù' tu nsi num bo, nummbe mba Tshùaben nsi fà yub mum mbu bon Israél.

⁴⁵Njoṅ ntshob ntùn fa mi Tshùaben na' ntshob tunndà Israél là nsi bumte. Ta' i mba ntshù' ke nsi tôg banban.