Read Medumba 2 Tésalônikà 1 Bible Online

2 Tésalônikà 1 - Medumba bible

2 Tésalônikà 1

¹Paulo, Silvanô mba Timôtio, kite yen ṅwa'ni li a ntse'te benkristô Tésalônikà z'a be num Nsi, Tà be mba num Tshùaben Yésu Kristô là.

²Kondèn mba fite z'a fe Nsi Tà mba Tshùaben Yésu Kristô là be bin.

³Fèt tshag, a bwô ndù bag labte Nsi njoṅ ngelaṅ fa num bin, mb'a ku'ni là, nummbe bamntù zin ku' ntshùate, nkôni ze bin ghù bin bin nà dun mba num we lo.

⁴Ndùlala, bag num nta' nsoṅ num bin netèt ba ntse'te ben Nsi, nke nta' nsoṅ num zin nefènntù mba bamntù zin ntùm netsho' nku kebàn mba ntùm nge' tse bin tshwèt mfènte là.

⁵A b'a lèn netsho'te ntsha Nsi ze netsine, z'a nsi ghù bo yen ndù bin ku'ni num nufen Nsi ze bin tshwèt njen nge' num bwe là.

⁶A b'a nunetsin mbwe Nsi ndù a ba' nge' ben tse bo tshwèt ngùtni zin nà,

⁷mfà fite bin tse bin tshwèt njen nge' là, mba bag, ngelaṅ Tshùaben Yésu nsi tswite wul i, swe' mfe kamànyam boa Angél neta i,

⁸ntùm mbwôg nekù là. A nsi yagte mba' ben tse bo ke' lèn Nsi, ke ke nju' ntshu nkùn mebwô Tshùaben Yésu là;

⁹nebagte ze yoṅ ntshù' nsi vù num bo, bo nsi b'a ngùanesà num miag Tshùaben, mba mbwe nkuni neta i,

¹⁰ngelaṅ z'a nsi se' ndù ben tse tse nelàn ghamt'é, mba bin tse bin bam kwénta mag là. A nsi b'a ndùlala ntùm sen lé'njù là.

¹¹A num ndùlala, bag num nde'te Nsi njoṅ ndù fa num tu bin, ndù Nsi be ghù bin ku'ni num netsiaṅ i, ngù zin nekô neghù numebwô mba fa' bamntù sin bumte ntùm neta;

¹²a nsi tshùa ndùlala, lén Tshùaben be Yésu be neghamte num bin, a ghamte zin num i, njam kondèn Nsi be mba Tshùaben Yésu Kristô.