Read Medumba 1 Timôtio 1 Bible Online

1 Timôtio 1 - Medumba bible

1 Timôtio 1

¹Me Paulo, ngantum Kristô Yésu, mba Nsi ngayôg be, mba Kristô Yésu ze be nenywinte,

²me kite yen ṅwa'ni li à Timôtio ko' mén àm ntùm bamntù, kondèn, nkôni, fite, se' njam Nsi Tà mba njam Kristô Yésu Tshùaben be.

³Kwimte ndù me lo be nèn Makédônia, nde't'o ndù o tù' Efésô, ndù o tshob tsemo' ben ndù kà bo tswite mo' ju ghua,

⁴ke fà wut tshob num nkùt mba num ndèn ts'a ke' ghù ndù i, nke nkag ntsha, ke ywimte fa' Nsi s'a be ntùm bamntù là.

⁵Tshob bo ndù bo diag nkôni z'a fe ntù nelàne, nzentù mebwô mba bamntù nenùn nà.

⁶Tsemo' ben tam i mvèn yub, mfàn manze ngwù ntùm tantshu banban,

⁷nke nkô nebe ghatswite ntshù', ke lèn tshu tse bo tshwèt ntshob là, ke ju' tshu tse bo tshwèt nta num bwe là.

⁸Là bag lèn ndù ntshù' bwô, a be ze mèn lo' i mb'a ku'ni,

⁹ndèn ndù ntshù' ke' b'a num mèn netsine, là num ben ketsin, ghatatu, ghakeghamte Nsi mba ben kebwô, ghawag tshu nelàne, ghazwi tà tshob mba mà tshobe, ghazwi benntùn,

¹⁰ba kattù, ghakô yôg ngùa, ghayi benntùn, ghatatte, ghakàn mfe ntatte, mba njoṅ tshu fa ts'a num mbàn netswite ze mebwô,

¹¹ndaṅndaṅ mb'a be ntùm nkùn mebwô nkuni, ze Nsi bwôntù na' mfà me là.

¹²Me labte mèn z'a fà neta me là, me labte Kristô Yésu Tshùaben be, nummbe a lo' àm mba mèn nenùn nà, njab àm num fa' se là,

¹³me ze me na' mb'a ngatshabte, ngatsho' nku kebàn, ngatshab ntshu là; là Nsi lo ko ndèn màm, nummbe me lo ghù yen n'a ke lèn, ngelaṅ me na' mbe ke yoṅ mbam nà.

¹⁴Là kondèn Tshùaben be dun num àm ntshùate boa bamntù mba nkôni z'a num Kristô Yésu là.

¹⁵Men ntshob li b'a nenùne, nku'ni ndù mèn bam i njoṅ ntù i fa ndù Kristô Yésu se' ntùm njù neyôg à ben kebwô, tse tu wul àm be mbwe mèn netèt bo là.

¹⁶A ndùlala z'a ko ndèn màm ndù me be mbwe mèn ze Yésu Kristô la'te njoṅ fènt'é fa num i là, ndùlala ndù me be mfi' ben tse bo nsi bam i num yôg matmat là.

¹⁷Ghamte mba nkuni ngu'ngu' be mfen njoṅ njù fa, Nsi z'a ke' be kwù, ze bo ke' be yen i, z'a be nda' tù' i là. Amén.

¹⁸Mén àm Timôtio, me lem men ntshob li wù ndaṅndaṅ mba ntshob ghatshob ntshob Nsi na' ntshob num o là, ndùlala ndù o tshùa num i, nde' mbwô ntsho,

¹⁹ngù bamntù mba nzentù mebwô, tsemo' ben lo ghua' i, ngwù nsi num nu bamntù.

²⁰Himènéô mba Aléksaṅdre num netèt tshen ben nà, me lo fà yub Satan num nela'te bo ndù a ke' bwô netshabte.