Read Medumba 1 Timôtio 3 Bible Online

1 Timôtio 3 - Medumba bible

1 Timôtio 3

¹Men ntshob li b'a nenùne: A be ze mèn kô fa' ngalôte là, mb'a diag à mbwô fa'.

²Ndùlala a bwô ndù ngalôte be ke lo, ndu ta' mènnzwi ntshù', zete mèn, nzenu mèn, nshun ghùn, nku'ni netswite,

³ke be mbum ndu', ke be nzwezwe', là, a be ngabwôntù, ke be ngazwentù, k'a kô nkàb,

⁴a lèn netshùb ko' ndà i kua' mebwô, ngù bon tse lèn nefà wut nsi mb'a ku'ni là,

⁵a be ze mèn ke' lèn netshùb ko' ndà i là, mb'a nsi tshagte ntse'te ben Nsi à ndùke?

⁶A ke' bwô ndù a b'a mèn nswe ntùm ntse'te benkristô, mbwôg ndù kà ko'tewut ma' fù miag i, a vù ntùm ntsha Satan.

⁷A bwô ndù ba njù kwé nta mi mebwô, mbwôg ndù k'a vù ntùm tshabte mba ntùm ywi' Satan.

⁸Be ndaṅndaṅ, a bwô ghafa' be ben tse bo ku'ni là, ke be ghatshob ntshob mbàa, kà bo fà wut tshob num ndu' yàme, kà bo jù nkàb banban,

⁹bo ghù tsham bamntù ntùm nzentù nelàne.

¹⁰A bwô bo bwôgmbwe ndaṅte yub kà bo mfa'a, a be ze bo ke' yen lo' num bo là.

¹¹Be ndaṅndaṅ, a bwô ndù bènnzwi be tse bo ku'ni là, a ke' bwô bo be ghatshabte, là bo be ghazete, ben nenùn ntùm njoṅ tshu fa.

¹²A bwô ndù ghafa' be ndu ta' mènnzwi ntshù', ntshùb bon tse mba ko' ndà yub mebwô.

¹³Nummbe ben tse bo fa' sob fa' mebwô là, nsi ghù dù' mebwô mba njoṅ nenywinte fa ntùm bamntù z'a be num Kristô Yésu là.

¹⁴Me tshwèt nkite yen nà wù, nke nywinte nese' la' o ndende,

¹⁵ndùlala, a be ze me ghubte là, o lèn mb'a bwô ndù o zin ntùm Ndà Nsi z'a be ntse'te ben Nsi z'a be ntùn nà, Ndà Nsi z'a be ntom mba diaṅ nenùn nà.

¹⁶Kua' nenùne, tsham neghamte Nsi b'a se ndùb: A lo tswite wul i ntùm mbàb wut, ntù' mèn netsin njam Ywèle, a lo la'te wul i ba Angél, bo lo tshob i netèt ghakelèn Nsi, bo lo bam i ntùm ntù, bo lo bù' i tù ntùm nkuni.