Read Medumba Héber 8 Bible Online

Héber 8 - Medumba bible

Héber 8

¹Tunu ze be lo netshob là b'a ndù: Be ghù lèn yen ngale'te Nsi ze ndùb là: A tswe num bag bu zwim mbaṅ ko'fen Nsi ndùb mfe kamànyam,

²a b'a ngafa' dù' nelàne, mba ngafa' ntàb z'a be kua' ze nenùne, ntàb ze Tshùaben be bèn nkut, ke b'a mènntùn nà.

³Nummbe, bo yab mba zit ngale'te Nsi ze ndùb lo à ndù a ke mfà tshu neghamte Nsi mba tshu nele'te Nsi, a ndùlala a lo mbwô ndù mba yi ghù ju z'a fà là.

⁴A lo mbe ndù a ke' ntùm njù, mb'a be a ke be ngale'te Nsi, nummbe benntùn num bwe tse bo num mfà tshu neghamte Nsi mb'a be ntùm ntshù' là.

⁵Tshen ben nà num mfà mfuni mba netshaṅ tshu ts'a be mfe kamànyam nà, be ndaṅndaṅ mba Nsi la'te Mosé, ngelaṅ z'a ke nkô nekut ntàb là. A lo tshob yi ndù: Tshù, ghù njoṅ i fa num mfuni ju ze me na' nda'te wù num mbat là.

⁶Là ndonni, Kristô kwé fa' s'a bwô ntshùate là, nummbe a b'a nganze kàn s'a bwô ntshùate là.

⁷A lo mbe ndù mbwe kàn lo be kelo'; mba ze dù' mbatte bàa lo ke bèn mbe.

⁸Nummbe, a lo be tshabte yub, ntshob ndù: Tshùaben tshob ndù: Tshù, tsemo' lé'njù tshwèt nse' tse me nsi wat kàn nswe num ndà Israél mba num ndà Yuda là,

⁹ke b'a mba kàn se me wat bag à tà tshob lé'njù ze me tshùb bu yub nsô yub ntùm ngô Egipto là. Tshùaben tshob ndù: Nummbe bo lo ke ghô ntùm kàn sàm, mba me yàm ghua' yube.

¹⁰Tshùaben tshob ndù: Tshù kàn se me nsi wat bag ndà Israél, ngelaṅ tshen lé'njù là nsi tôg là: Me nsi yab ntshù' màm ntùm nkwatenu mube, me nsi kit'é ntùm ntù tshobe; me nsi be Nsi yub, bo be nzwil àm.

¹¹Sàm mèn ke nsi bèn tswite ze la' bo, ke mfèl i lo, ntshob ndù: Lèn Tshùaben! Nummbe njoṅ yub fa nsi lèn àm, nto' num mônke' nèn nkum num ndùb,

¹²nummbe me nsi ko ndèn mfànnu mube, me ke nsi bèn kwimte nukebwô tshobe.

¹³A be z'a tshob ndù: Kàn nswe là, mb'a ghù mbwe i tù' se njwèn; là s'a b'a njwèn i là, s'a ywèn nà, ghebte nebi.