Read Medumba Yakobo 1 Bible Online

Yakobo 1 - Medumba bible

Yakobo 1

¹Me Yakobo, ngafa' Nsi mba Yésu Kristô, kite yen ṅwa'ni li à tunndà ntshob bàa gham tse bo sate là, me tsha'te zine.

²Fèt tshàm, bin lo' yen nà mba tsiaṅte là, ngelaṅ ze nzenze laṅte vù num bin nà,

³ndèn ndù laṅte bamntù zin be njam fènntù.

⁴Là, a bwô ndù fènntù yam fa' s'a bwô miagte là, ndùlala ndù bin bwô miagte, ngù njoṅ zin bag i fa ke bwoṅ sàm ju.

⁵A be ze mo' mèn netèt bin bwoṅ zenu là, a bètte Nsi z'a be mfà njoṅ benntùn fa banban, ke kwate là, a nsi fà yi.

⁶Là, a bètte ntùm bamntù, ke magte, nummbe mèn z'a magte là ke mfut'a fetntse ze fetmbaṅ shùm i, nke ma' bag bag là.

⁷Kà lèn yen mèn nà kwate ndù a ghù nekwé ju Tshùaben,

⁸yen mèn nà ghù ntù bàa, a ke b'a tshùb nkwù ntùm njoṅ manze tse fa.

⁹A bwô ndù mfèt z'a fà wut nsi là ta' nsoṅ mba bo bù' i tù là,

¹⁰ngankàb ta' nsoṅ mba bo fà i nsi là; nummbe a nsi tôg mba nsàm nenà là.

¹¹Lagnyam lo tume, nyam tà neta, njum nenà, nsàm mi vù nsi, nebwô i bi; ngankàb nsi jum be ndaṅndaṅ ntùm nzin mi.

¹²Mènfen b'a mèn z'a be mfènte laṅte là, nummbe ngelaṅ a nsi tshùa laṅte là, a nsi kwé tshe' yôg se Tshùaben ka' ben tse bo kô i là.

¹³Kà sàm mèn ze bo laṅt'é là tshob ndù Nsi bèn ndaṅt'é. Nummbe Nsi ke' b'a ngalaṅte num nukebwô, tu wul i ke' be laṅte sàm mèn,

¹⁴là ze ghe'te mba we lo bèn nke ndaṅt'é, mbatt'é, nsoṅ i.

¹⁵Ghe'te be njùme, mbwe nukebwô, nukebwô ku', njam vù.

¹⁶Fèt tshàm tse nkôni, kà bin fùte wut tsine!

¹⁷Njoṅ nda' mebwô fa mba njoṅ ju kondèn fa z'a bwô miagte là ke mfe à mfe tù, ntum à num Tà ba nka', ze sàm nebate mba netshaṅ nebate ke' be num i là.

¹⁸A lo kô netshùa njam ntshob nenùn mbwe be, ndùlala ndù bag à bin be mbwe tse netèt ts'a nabte là.

¹⁹Fèt tshàm tse nkôni, bin lèn yen ni ndù: A bwô ndù mba zit mèn no ke nju' nu ndende, ndèt wut netshob nu, ndèt wut num nu yantù.

²⁰Nummbe yantù mènntùn ke' be ghù nunetsin Nsi.

²¹A ndùlala, bin ghua' njoṅ nesagte fa mba njoṅ nzenze nukebwô fa, ntshùa njam fitentù, nkwé ntshob mi bo ywit num bin, mi a ku'ni neyôg ntù tsin nà.

²²Bin tù' ghaze ntshobe, ke fà wut tsin nda' num neke nju'u, nke mfùte wut tsin zin tu.

²³A be ze mèn ju' ntshob ke ke nze là, mb'a fut'a mèn z'a num ndôte se i ze bo bwe i yi, ntùm yentese là;

²⁴a num mbe ngelaṅ z'a lôte se i là, a nèn, ndagte mb'a lo mbe là be ndùse.

²⁵Mèn z'a be mfà wul i num ntshù' z'a bwô miagte, ntshù' netum kuan nà, mèn z'a ghô ntùm ntshù', nke nju' ke lagte, là nke nze i ntùm mfa' là, yen mèn nà nsi be mènfen ntùm neze ntshù'.

²⁶A be ze mèn kwate ndù a b'a ngaghamte Nsi ke ke ntshùb lém se, là nke mfùte ntù i là, mba ze neghamte Nsi yen mèn nà b'a banban.

²⁷Neghamte Nsi ze nelàne mba kelo' mbwe Nsi Tà be b'a yen ni ndù: Nelôte bontse mba fôg bènnzwi ntùm nge' yub, nzete num nesagte njù, mbe kelo'.