Read Medumba 3 Yohané 1 Bible Online

3 Yohané 1 - Medumba bible

3 Yohané 1

¹Me ngakwé mbwe, me kite yen ṅwa'ni li à Gayô ze nkôni, ze me num nkô i ntùm nenùn nà.

²Mfèl àm ze nkôni, me tshwèt nde'te Nsi ndù njoṅ tshunu fa zin mebwô, o tswe mebwô ndaṅndaṅ mba ntù o tswe mebwô là.

³Me lo tsiaṅte neshu, ngelaṅ fètfèt na' nse'e, nkwé nta nunenùn o, mba num mb'o be nzin ntùm nenùn nà.

⁴Me ke' ghù mo' tsiaṅte ndùb z'a tshùa neju' ndù bon tshàm tshwèt nzin ntùm nenùn nà.

⁵Mfèl àm ze nkôni, o ghù a bwô num ju z'o ghù fètfèle, là njôg mbe num ghùn nà;

⁶bo lo kwé nta nkôni o mbwe ntse'te benkristô. A be z'o nabte katte yub mb'a ku'ni num Nsi là, mb'o ghù a bwô.

⁷Nummbe bo nèn num lén Tshùaben ke kwé sàm ju ghakelèn Nsi.

⁸Ndùlala, a lo mbwô ndù be lo' lèn tshen ben nà, ndù bag à bin bo tù' shun fa' nunenùne.

⁹Me lo kite nu ntse'te benkristô, là Diotrèfé z'a be nkô nebe mbwe mèn netèt bo là, ke lo' yage.

¹⁰A ndùlala, a be ze me se' là, mba me nsi kwimte tshu ts'a ghù, ntshob ntshob kebwô num bag là; ke b'a nda' ndùlala, tu wul i num nga nelo' fètfèle, nke ntshètte ben tse bo kô là, nke nta' yub ntùm ntse'te benkristô.

¹¹Mfèl ze tanjoṅ, kà lo' fi'te nukebwô, là numebwô. Mèn z'a be ngù numebwô là fe à Nsi; mèn z'a be ngù nukebwô là ke' yen Nsi.

¹²Mbe se' mba Demètriô là, njoṅ benntùn fa tshwèt nkwé nta mi mebwô; a nunenùne; mba bag yag tshwèt nkwé nta mi mebwô; o lèn ndù yag nekwénta b'a nenùne.

¹³Me ghù tshu yàm netshob wù, là me ke' kô nelo' ntse ṅwa'ni mba fe nkite yi.

¹⁴Là me tshwèt nywint'o ndende, bag wù nsi tshobte se se.

¹⁵Fite be wù! Shunshun tsha't'o. Tsha'te nshunshune, mba we lo num se lén.