Read Medumba Apokalipse 10 Bible Online

Apokalipse 10 - Medumba bible

Apokalipse 10

¹Me yen mo' Angél neta swe' mfe kamànyam ndù ndot kabt'é, kôngamnyu be num tu i, se i be mba lagnyam nà, nku mi be mba lambwôg là;

²a lo tshùb mo' metsit ṅwa'ni bu i ndù a gha'. A te ku i ze zwim num dibantse, nte ze kwéb num tsha'a,

³nkua' nze neta mba ngwayit z'a tshwèt ntshu' là, ngelaṅ z'a kua' là, mfambaṅ sammbàa tshob ko' nze yub.

⁴Ngelaṅ mfambaṅ sammbàa tshob là, me nke ndiag nekite, nju' nze fe kamànyam ntshob me ndù: Te sitam num tshu tse mfambaṅ sammbàa tshob là, kà kit'é.

⁵Angél ze me yen a tsin num dibantse mba num tsha' là, bù' bu i ze zwim tù kamànyam,

⁶ndo' mèn z'a be ntùn ngu'ngu', z'a nabte kamànyam mba tshu ts'a be ntùm bwe, z'a nabte tsha' mba tshu ts'a ntùm bwe, z'a nabte dibantse mba tshu ts'a ntùm bwe là, ntshob nsaṅlaṅ bwe ntshob ndù ngelaṅ ke' bèn mbe,

⁷là ndù ntùm lé'njù tse nze mbatte Angél sammbàa nsi tume, ngelaṅ z'a nsi tô nta là, tsham Nsi bumte ndaṅndaṅ mb'a na' ntshob ghafa' tse, ghatshob ntshob Nsi là.

⁸Nze ze me na' nju' mfe kamànyam nà bèn ntshob me ndù: Nèn nkwé metsit ṅwa'ni negha' z'a be bu Angél z'a tsin num dibantse mba num tsha' là.

⁹Me nèn mbaṅ Angél ntshob yi ndù a fà metsit ṅwa'ni me. A tshob me ndù: Ko, fèl i! A nsi fà nezwe ntùm bam so, a nsi dùmte ntùm ntshu o mba ṅwa' là.

¹⁰Me kwé metsit ṅwa'ni bu Angél, mfèl i; a dùmte ntùm ntshu àm mba ṅwa' là; ngelaṅ me mi i là, bam sàm dun nezwe.

¹¹Bo tshob me ndù: A bwô ndù o bèn ntshob ntshob Nsi num mba nzwit, ba ngô, ba ntshobe, mba ba nufen yàme.