Read Medumba Apokalipse 20 Bible Online

Apokalipse 20 - Medumba bible

Apokalipse 20

¹Me yen mo' Angél swe' mfe kamànyam ndù a ghù fùn ghem njam nsi mba nkù tùn bu i.

²A tshùb Ngamnyu, njwèn nyu z'a be Diable, Satan nà, nkul i num ngu' ntsha' mbùm;

³a ma' i ntùm ghem njam nsi mfùne, nte sitam num bwe ndù k'a bèn netatte ngôngô tà nkum ngelaṅ ngu' ntsha' mbùm bumte là.

⁴Me yen nko'fen, benntùn tswe num bwe, bo fà netsho'te ntsha bo; me yen ben bo wat tu tshob num nu kwénta Yésu, num nu ntshob Nsi là, ben tse bo na' mbe ke ghamte nyàm ke neto i lo, ke bèn nkwé lèn num nkonse yub mba num bu yub là: Bo bèn mbe ntùn, ntô boa Kristô num ngu' ntsha' mbùm.

⁵Fe ben tse bo tù' là ke be ntùn tà nkum ngelaṅ ngu' ntsha' mbùm nsi bumte là. Yen ni b'a mbwe nelo num vù.

⁶Mènfen, mèn nelàne, b'a mèn z'a ghù ze bag i num mbwe nelo num vù là. Mbatte bàa ke' ghù ngù' num bo, là bo nsi be ghale'te Nsi, tse Nsi mba tse Kristô, bo nsi tô bo à bo num ngu' ntsha' mbùm.

⁷Ngelaṅ ze ngu' ntsha' mbùm nsi bumte là, bo nsi kiagte Satan ntùm ndàtsha i;

⁸a nsi tum tatte ngôngô tse bo be num ntôg tsha' nkuà là, Gôg mba Màgôg, ndù a tse'te yub num ntsho; njoṅ yub fa b'a mba nkwa dibantse là.

⁹Bo ko' num njoṅ nsitsha' fa, ndiaṅ dù' ben nelàn mbume, mba ngô ze nkôni. Là mo' mbwôg swe' mfe kamànyam, nkù yube.

¹⁰Bo ma' Satan z'a ke ntatte yub là ntùm lagmbwôge, mba zin, dù' ze nyàm mba ngatshob ntshob Nsi ze tatte na' njà be là; bo nsi ghùtni yub mbwôgtshù mba tèttswe' num ngu'ngu'.

¹¹Me yen mo' ko'fen se ndùb mba mèn z'a tswe num bwe là; tsha' mba kamànyam kù mbwe i, bo ke bèn njen dù' yube.

¹²Me yen fe ben, tse ndùb mba tse nke'e, ndù bo tsinte tù mbwe ko'fen. Me yen ba ṅwa'ni ndù bo gha' nte nge, mo' ṅwa'ni gha' nte nge, a b'a ṅwa'ni yôg. Bo tsho'te fe ben, mba we lo num mfa' mi, mba bo kite ntùm ṅwa'ni là.

¹³Dibantse fà fe ben tse bo be ntùm bwe là; vù mba ngô fe ben fà fe ben tse bo be ntùm bwe là, bo tsho'te mba we lo num mfa' mi.

¹⁴Bo ma' vù mba ngô fe ben ntùm lagmbwôge; lagmbwôg b'a mbatte vù bàa.

¹⁵Bo ma' mba we lo ze bo ke' yen ndù bo kit'é ntùm ṅwa'ni yôg là ntùm lagmbwôge.