Read Medumba Apokalipse 4 Bible Online

Apokalipse 4 - Medumba bible

Apokalipse 4

¹Tshen nà lo be tshùa, tshù, me yen mo' nzendà ndù a te nge mfe kamànyam; mbwe nze ze me na' nju'u, a be ndaṅndaṅ mba nze nta là, tshob me ndù: Ko' nse' nsen ni, me nsi la'te tshu ts'a bwô ndù a se' ngelaṅ mànjam nà wù.

²Be ndùse, me be ntùm Ywèle. Tshù, mo' ko'fen lo be mfe kamànyam, mèn tswe num sen ko'fen nà.

³Mèn z'a tswe bwe là lo fute loṅ Yabsi mba loṅ Sardi, kôngamnyu z'a fute Smaragdo là lo diaṅ ko'fen mbume;

⁴me lo yen nko'fen ntshob kuà ṅam mbàa diaṅ ko'fen mbume; me lo yen ywèn benntùn ntshob kuà ṅam mbàa tswe num men nko'fen nà, ndù bo ket nzwe fôgtab, nte tshe' gol tu bo.

⁵Ba beba'mbaṅ, ba nze mba ba fambaṅ nke ntum num ko'fen.

⁶Dù' z'a be mbwe ko'fen nà lo be mba dibantse, nke njente njam bàa mba Kristal là, tshu ntùn kuà tse miag dun num bo mbwe mba njam nà, lo be netèt, ndiaṅ ko'fen mbume.

⁷Mbwe ju ntùn fute ngwayit, mbatte ju ntùn bàa fute mén mfô, mbatte ju ntùn tat ghù se z'a fute se mènntùn nà, mbatte ju ntùn kuà fute ghammàtat z'a tshwèt mfùt là.

⁸Tshen tshu ntùn kuà là, mba zit lo netèt bo ghù mbàb ntôge, ndun miag ndiaṅ mbume, mba ntùm bwe; ke be tsin neke ntshob mbwôgtshù mba tèttswe' ndù: Nelàne, nelàne, nelàne b'a Tshùaben Nsi, ngatô njù, z'a na' mbe, z'a be, z'a tshwèt nse' là.

⁹A num mbe ngelaṅ tshu ntùn kuà tshwèt mfà nkuni, ghamte mba nyàmte mèn z'a tswe num ko'fen, z'a be ntùn num ngu'ngu' là,

¹⁰ywèn benntùn ntshob kuà ṅam mbàa vù mbwe mèn z'a tswe num ko'fen nà, ma' ntshe' mub nsi mbwe ko'fen ntshob ndù:

¹¹Tshùaben mba Nsi yag, o ku'ni nekwé nkuni, ghamte mba neta, nummbe o lo nabte njoṅ tshu fa, njoṅ tshu fa b'a num yu nekô, o lo nabte njoṅ i fa.