Read Medumba Apokalipse 8 Bible Online

Apokalipse 8 - Medumba bible

Apokalipse 8

¹Ngelaṅ *gi*mén njùmbwe bétte mbatte sitam sammbàa là, dù' tswe ndù kam mfe kamànyam, nguan kam nyam.

²Me yen Angél sammbàa tse bo num ntsin mbwe Nsi là ndù bo fà nta sammbàa bo.

³Mo' Angél se' ntsin num tômbwôg le'te Nsi ndù a ghù kab gol, bo fà labinda yi yàm ndù a tone, boa le'te Nsi njoṅ ben nelàn fa, num tômbwôg le'te Nsi gol s'a be mbwe ko'fen nà.

⁴Nzembwôg ba labinda boa le'te Nsi ben nelàn tum ntùm bu Angél, nko' nèn mbwe Nsi.

⁵Angél lo' kab, naṅ mbwôg tômbwôg le'te Nsi ntùm bwe, ma' num le'te Nsi, ba fambaṅ, ba nze, ba beba'mbaṅ, tum, mba tsha' nyi'te.

⁶Ba Angél sammbàa tse bo ghù nta sammbàa là nabte wut tshob netô nta.

⁷Mbwe i tô nta: Nywinmbaṅ mba mbwôg ze lem tamte num bwe là tum; bo ma' num nsitsha'a. Bag tsha' ntshù' num bag tse tat kù, bag ntù ntshù' num bag tse tat kù, njoṅ nenàfi fa kù.

⁸Mbatte Angél bàa tô nta: Mo' mbat ndùb tum, ntswe mb'a tshwèt nkù là, bo ma' i ntùm dibantse; bag dibantse ntshù' num bag tse tat tù' lem;

⁹bag ju ntshù' num bag tshu tat bo ke njôg ntùm dibantse là kwù; bag sitima ntshù' num bag nsitima tat bagte.

¹⁰Mbatte Angél tat tô nta: Mo' sa ndùb s'a tswe mba tswe'nka' z'a tshwèt nkù là, tum kamànyam, ngwù num bag ntse ntshù' num bag tse tat, mba num ntôntse.

¹¹Lén sen sa là b'a Absintô, bag ntse ntshù' num bag tse tat tù' Absintô, benntùn yàm kwù men ntse là, nummbe a lo ke nzwe.

¹²Mbatte Angél kuà tô nta: Bo lab bag lagnyam, bag maṅwù, bag nsa ntshù' num bag tse tat, ndùlala bag i ntshù' num bag tse tat sènte; nka' mbwôgtshù bi bag ntshù' num bag tse tat, a be be ndaṅndaṅ num tèttswe'.

¹³Tshù, me ju' mo' ghammàtat fùt netèt kamànyam, ntshob nze neta ndù: Nge', nge', nge' num ben tse bo num nsitsha' là, ngelaṅ nze ts'a nsi tum ntùm nta tse ba Angél tat nsi tô là.