Read Medumba 1 Samuél 31 Bible Online

1 Samuél 31 - Medumba bible

1 Samuél 31

¹Ba Filistia kam ba Israél ntsho; ba Israél kù ntsho mbwe ba Filistia, ngwùte num mbat Guilboa, nkwùte.

²Ba Filistia yab njam Saulo, mba njam nshumnshum tse, nzwi Yonatan, Abinadab bo Malkishua, tse nshum Saulo.

³Ndoṅ ntsho b'a num Saulo; ghama' nkét yen i, a be yen ghama' nkét mvètte, mbwôge.

⁴Ndùlala Saulo tshob mèn z'a ke ntshùb tse tshu ntshùag là ndù: Tsho' bi nsob àm yi, mbwôg ndù kà ba kesiket là se' nsagt'àm ntshabt'àm. Mèn z'a ke ntshùb tshu ntshùag là ke bam, nummbe bwôg lo ghom i. Saulo te bi se nsi ngwù num bwe.

⁵Mèn z'a ke ntshùb tshu ntshùag Saulo là be yen mb'a kwù là, nte se bi ze nsi ngwù bwe nkwù.

⁶Tshù mba Saulo boa nshumnshum tse kwùte num sen lé'njù là ntu tshob tat, mèn z'a ke ntshùb tshu ntshùag tse mba njoṅ ben tse fa là.

⁷Ba Israél tse bo be yen yoṅ tômbo' li mba yen yoṅ Yordan ni là be yen mba bon Israél tshwèt nkù bo mba Saulo boa nshumnshum tse kwù là, ngua' yub mub ntusô ntum nkù. Ndùlala ba Filistia se' ntete bwe.

⁸Njù làn, ba Filistia nèn ta' mbàn fe ben, ntsho ntèt Saulo boa nshumnshum tse ndù bo vùte num mbat Guilboa.

⁹Bo ket Saulo, ndo' tshu ntshùag tse. Yen nà be tôg bo tum yen nkùn mebwô là ntùm ngô ba Filistia, ntùm mba' neto tshobe, mba ntùm ngô.

¹⁰Bo yab tshu ntshùag Saulo ntùm ndà Astarté tshobe, ntaṅ fe i num nkummba' Bét-Shan.

¹¹Njoṅ ba Yabès fa Galad ju' mba ba Filistia na' ngù num Saulo là,

¹²ndùlala njoṅ neta nduku fa lo nsi, nzin tèttswe' fa, ndo' fe Saulo boa tse nshumnshum tse num nkum mba' Bét-Shan. Bo lo' fe tshob mbèn yi Yabès ntone.

¹³Bo lo' mvôg mub ntshoṅ tun tamaris, ntswe nziku' lé'njù sammbàa, tun tamaris, ntswe nziku' lé'njù sammbàa.