Read Medumba 1 Samuél 5 Bible Online

1 Samuél 5 - Medumba bible

1 Samuél 5

¹Ba Filistia tse bo kwé Koṅ Kàn Nsi là kel i Eben-Ezer nèn yi Asdod.

²Bo ket Koṅ Kàn nèn yi ntùm ndà Dagon nsi yub, nte i mbaṅ bebun i.

³Njù làn, ba Asdod be lo nsi, njen bebun Dagon ndù a vù nsi num tsha'a mbwe Koṅ Kàn Tshùaben. Bo bù' i nsi, nkel i nèn nte ze dù'.

⁴Njù làn bo be lo nsi, mbèn njen Dagon ndù a vù nsi num tsha'a, mbwe Koṅ Kàn Tshùaben. Tu Dagon boa mbu mi lo tsho' ngwùte nsi nzendà tun nkù'ndà, nda' mbwoṅ wul i bèn ntù'.

⁵A ndùlala, tà nse' nkum sènni, ghale'te Dagon boa benntùn fa tse bo num ntsho ntùm ndà Dagon Asdod là, ke' be zin num nkù'ndà.

⁶Là bu Tshùaben lab num ba Asdod neloṅ ghom yub ntùm ngô.

⁷Ba Asdod be yen ndùlala ntshob ndù: A ke' bwô ndù Koṅ Kàn Nsi Israél tswe netèt bag; nummb'a lab yag bu i, ndab mba Dagon nsi yag.

⁸Ndùlala bo tum bo diag njoṅ fenfen ba Filistia fa, bo tshob bo ndù: Bag a' ghù a ndùke Koṅ Kàn Nsi Israél à? Fenfen bùnte ndù: A bwô neket nèn yi Gat. Bo ket Koṅ Kàn Nsi Israél nèn yi bwe.

⁹Là ndùse bo yoṅ nket Koṅ nèn yi bwe là, bu Tshùaben lab num tusô, nkag kua' tonte fétwut ndùb bwe. Neto' num mônke' nèn nkum num ndùb, a lab ngô, neloṅ yoṅ nkam mba num we lo.

¹⁰Ndùlala bo tshag Koṅ Kàn Nsi Ekron. Ndùs'a tsho bwe là ba la' yoṅ nto' netshu'te, nke ntshob ndù: Bo lo' Koṅ Kàn Nsi Israél nse' yi netèt bag à ndù bag kwù bag à ngô fa.

¹¹Bo bètte fenfen ba Filistia fa bumte, bo tshob bo ndù: Bin ba' Koṅ Kàn Nsi Israél njam, a bèn num ze dù'. A ke' bwô a biagte yag bag à ngô fa. Mo' bwôg, kà ntù' b'a ze vùkob lo be ntùm ngô, nummbe bu Nsi lo lab ngô kua' kebwô neshu.

¹²Ben tse bo tum ntshu vùkob là neloṅ ghom yube, ndùlala mo' tshu'te sobni nke ndo tusô nko' nèn mfe kamànyam.