Read Medumba 1 Samuél 7 Bible Online

1 Samuél 7 - Medumba bible

1 Samuél 7

¹Ba Kiriat-Jearim se' nket Koṅ Kàn Tshùaben nèn yi ndà Abinadab, num kônga. Bo yo' nshum i Eléazar, a nke ndôte Koṅ Kàn Tshùaben.

²Ngelaṅ lo tôg yàm mba bo te Koṅ Kàn Tshùaben Kiriat-Jearim nà. A na' mb'a ngu'njù ṅam mbàa, ba Israél nke nkua' ntsiaṅ lén Tshùaben.

³Samuél tshob njoṅ ngô Israél fa ndù: A be ze bin kô nebèn njam ntèt Tshùaben njoṅ ntù zin fa là, bin sô nsi gh Samuél tshob njoṅ ngô Israél fa ndù: A be ze bin kô nebèn njam ntèt Tshùaben njoṅ ntù zin fa là, bin sô nsi gh Samuél tshob njoṅ ngô Israél fa ndù: A be ze bin kô nebèn njam ntèt Tshùaben njoṅ ntù zin fa là, bin sô nsi ghùn netèt bin boa ba Astarté. A be ze bin so wut num Tshùaben njoṅ ntù zin fa, nke mfa' nda' yi tù' i là, mb'a nsi tshu' zin mbu ba Filistia.

⁴Ndùlala ba Israél sô Baal boa Astarté netèt bo, ntù' ke mfa' à Tshùaben tù' i.

⁵Samuél tsiaṅ ba Israél ntshob bo ndù: Bin tse'te Mitspa, m'a' le'te Tshùaben num tu bin.

⁶Bo tse'te Mitspa ntu' ntse, mfètte mbwe Tshùaben, ntswe nziku' sen lé'njù là, nke ntshob ndù: Bag lo ghù nukebwô num Tshùaben. Samuél nke ntswe Mitspa, nke ntshagte bon Israél.

⁷Ndùse ba Filistia ju' ndù bon Israél tse'te Mitspa là, fenfen ba Filistia ko' nkam Israél ntsho. Ba Israél ju' ndùlala bwôg ghom yube,

⁸bo tshob Samuél ndù: Kà tsin nele'te Tshùaben num bag, ndù a tshu' yag mbu ba Filistia.

⁹Samuél lo' mén njùmbwe num bùn, nton i Tshùaben fà num jule'te. A tsiaṅ Tshùaben num Israél, Tshùaben ju' le't'é.

¹⁰Ndùse Samuél ke nton nyàm nà, ba Filistia ghebte nekam Israél ntsho. Tshùaben ghù fambaṅ se tsham num ba Filistia sen lé'njù là, ngù bo kaṅ wut nkù nène. Bo vù ntsho mbwe Israél.

¹¹Ba Israél tum Mitspa njab njam ba Filistia, nta' yub nèn tà ntôg Bét-Kar.

¹²Samuél lo' ta' loṅ nte netèt Mitspa bo Shen, ntsiaṅ lén se ndù Eben-Ezer, ntshob ndù: Tshùaben ywimte yag tà nkum nsen ni.

¹³Ndùlala tuswe ko ba Filistia kà bo ke bèn nete ku ntùm ngô Israél. Tshùaben lo bù' bu i num ba Filistia njoṅ ngelaṅ fa Samuél ke' ntùn nà.

¹⁴Ntusô mi ba Filistia na' nkwé ba Israél là bèn mbèn Israél nelo Ekron nèn nkum Gat boa tsha' tse fa. Israél kwé njoṅ i fa mbu ba Filistia. Fite be netèt Israél boa ba Amor.

¹⁵Samuél na' mb'a ngasa'kam ntùm ngô Israél njoṅ ngelaṅ fa z'a be ntùn nà.

¹⁶A lo ke nèn Bétél, Guilgal bo Mitspa mba zit ngu'njù lo. A lo ke ntsho'te Israél njoṅ dù' là fa.

¹⁷Yen nà be tôg a bèn Rama dù' ze ba' i be là, ntsho'te Israél bwe, nkut ta' tômbwôg Tshùaben bwe.