Read Fɨso Fi Matiù 1 Bible Online

Matiù 1 - Fɨso Fi bible

Matiù 1

¹Wɔ̂ yɨ ɨwaŋ tɨ̀ghə̀m rɨ mɨ̀mbǎʼ Yeso Kristo rəŋwe. Yeso Kristo yɨə wan tɨ ənɨ əghaŋ ə Dèvîd we nɨ nyaʼə wan tɨ ənɨ əghaŋ ə Abràham.

²Abràham yɨə nyaʼə mbǎʼ Aizìk. Aizìk yɨə nyaʼə mbǎʼ Jakɔ̂b. Jakɔ̂b yɨə nyaʼə mbǎʼ Judà mbɨ ə bɔŋgɔb məd.

³Judà yɨə nyaʼə mbǎʼ Perès fɔrɨ ə Zerà. Ɨŋgɔb mɨ̀mə̌d yɨə nyaʼə Tamà. Perès yɨə nyaʼə mbǎʼ Hezrɔ̀n. Hezrɔ̀n yɨə nyaʼə mbǎʼ Râm.

⁴Râm yɨə nyaʼə mbǎʼ Àminadàb. Àminadàb yɨə nyaʼə mbǎʼ Nashɔ̀n. Nashɔ̀n yɨə nyaʼə mbǎʼ Salmɔ̀n.

⁵Salmɔ̀n yɨə nyaʼə mbǎʼ Boàz. Ɨŋgɔb məd yɨə nyaʼə Rahàb. Boàz yɨə nyaʼə mbǎʼ Obèd. Ɨŋgɔb məd yɨə nyaʼə Ruf. Obèd yɨə nyaʼə mbǎʼ Jesè.

⁶Jesè yɨə nyaʼə mbǎʼ ɨfɔ̀n Dèvîd. Ɨfɔ̂n Dèvîd yɨə nyaʼə mbǎʼ Solomòn we nɨ ɨŋgɔb məd nyaʼa kweʼ nam ə Urià.

⁷Solomòn yɨə nyaʼə mbǎʼ Rèhobòàm. Rèhobòàm yɨə nyaʼə mbǎʼ Àbijà. Àbijà yɨə nyaʼə mbǎʼ Asà.

⁸Asà yɨə nyaʼə mbǎʼ Jèhosafàt. Jèhosafàt yɨə nyaʼə mbǎʼ Joràm. Joràm yɨə nyaʼə mbǎʼ Uzìà.

⁹Uzìà yɨə nyaʼə mbǎʼ Jotàm. Jotàm yɨə nyaʼə mbǎʼ Àhàz. Àhàz yɨə nyaʼə mbǎʼ Hèzekìà.

¹⁰Hèzekìà yɨə nyaʼə mbǎʼ Mànasè. Mànasè yɨə nyaʼə mbǎʼ Amòs. Amòs yɨə nyaʼə mbǎʼ Josìà.

¹¹Josìà yɨə nyaʼə mbǎʼ Jèchonià [1] mbɨ ə bɔŋgɔb məd ənɨ nyùmə̀ we nɨ mbɨ nyaʼa nɨŋ mɨ̀Izre ənɨ ɨ̀bòʼò wò ə Babilɔ̀n.

¹²Ənɨ mbɨ nyaʼa fə nɨŋ mɨ̀Izre ənɨ ɨ̀bòʼò wò ə Babilɔ̀n, Jèchonià yɨə nyaʼə mbǎʼ Sealtìèl. Sealtìèl yɨə nyaʼə mbǎʼ Zèrubabèl.

¹³Zèrubabèl yɨə nyaʼə mbǎʼ Àbiùd. Àbiùd yɨə nyaʼə mbǎʼ Èliakìm. Èliakìm yɨə nyaʼə mbǎʼ Azò.

¹⁴Azò yɨə nyaʼə mbǎʼ Zadɔ̀k. Zadɔ̀k yɨə nyaʼə mbǎʼ Achìm. Achìm yɨə nyaʼə mbǎʼ Èliùd.

¹⁵Èliùd yɨə nyaʼə mbǎʼ Eleazà. Eleazà yɨə nyaʼə mbǎʼ Matàm. Matàm yɨə nyaʼə mbǎʼ Jakɔ̂b.

¹⁶Jakɔ̂b yɨə nyaʼə mbǎʼ Jòsêf we nɨ nyaʼə ɨnom Mèri we nɨ nyaʼa gywɨ ə Yeso we nɨ mbɨə tɔŋ ənɨ ə Kristo.

¹⁷Əne ɨ kɔ rɨ ənɨ Abràham wò pè ənɨ Dèvîd yɨ tɨ̀ghə̀m rɨ bə̂d wum chɔ̀b rɨ̀kwè. Ɨ kɔ rɨ ənɨ Dèvîd wò pè ənɨ mbɨ nyaʼa nɨŋ mɨ̀Izre ənɨ ɨ̀bòʼò wò ə Babilɔ̀n yɨ tɨ̀ghə̀m rɨ bə̂d wum chɔ̀b rɨ̀kwè. Ɨ kɔ rɨ ənɨ mbɨ nyaʼa nɨŋ mɨ̀Izre ənɨ ɨ̀bòʼò wò ə Babilɔ̀n wò pè ənɨ Kristo yɨ tɨ̀ghə̀m rɨ bə̂d wum chɔ̀b rɨ̀kwè.

¹⁸Ɨchî nɨ mbɨ nyaʼa gywɨ ə Yeso Kristo yɨ əni: Jòsêf nyaʼa nyɨ ə Mèri we nɨ nyaʼa gywɨ ə Yeso. Àyɨə bɔŋ mbɨ nyaʼa sɨə namə, mbɨ nyaʼa zə ni Əzwî ə Zeŋɨ ə nyaʼa fə ghɨ̀ Mèri sɨ rɨ̀bùmə̀.

¹⁹Jòsêf nɨ nyaʼa ɨnom məd, wɨə nyaʼə ghɨ̀ ɨnû nɨ kuʼnɨ. Chəi wɨ̀ nyaʼa kəb nɨ naʼ tɨ̀nìd ətu əmbɨ Mèri əkaʼ ə bə̂d. Əne wɨ̀ nyaʼa kɔ kəb ɨnə̂njɨ̀ nɨ ton əməd ənjìm ənjìm.

²⁰Ənɨ wɨ̀ nyaʼə kɨrɨ kɔndɨə əne, aŋgɨrə̀ Ə̀nùŋɨ̀sɨg nyaʼa jwɨ̀ ɨ bɔ ə njə̀m ghà ɨ bɔ ni, “Jòsêf, àwɔ̀ nɨ yeʼ wan tɨ ənɨ əghaŋ ə Dèvîd, tɨrə̀ bɔ e nɨ nɨŋ ə Mèri ənɨ e ɨwi, ɨmbə̀ʼ ɨghəm nɨ à yɨ Əzwî ə Zeŋɨ ə ghɨ ni wɨ̀ sɨ rɨ̀bùmə̀.

²¹Wɨ̀ bɨrɨ gywɨ wan mbaŋə̀, à chu əməd ni Yeso, ɨmbə̀ʼ ɨghəm nɨ à yɨə məd bɨrɨ chɨ mbi bə̂d tɨ əton ɨka we nɨ ɨnû rɨbɔ̀ŋ berɨ ɨgwɨ mɨ̀mə̌d.”

²²Ɨnû mbɔ̂ nyaʼa ghɨ̀ ɨmbə̀ʼ ɨŋgam we nɨ Ə̀nùŋɨ̀sɨg nyaʼa che ənjìm i wə̀d ɨ̀kə̀n ghà, wɨ jwɨ ənɨ rəsìʼ ni:

²³“Zə, əyi rɨkyerɨ mbaŋə̀ bɨrɨ bɔŋ ɨbum gywɨ wan mbaŋə̀, mbɨ chù əməd ni Imanuèl” əne yɨ ni, “Ŋwìə̀ wɨ mbɨ na.”

²⁴Ənɨ Jòsêf nyaʼa nɔʼ rɨ ə ŋgwenɨ, wɨ̀ nyaʼa nɨŋ ə Mèri ənɨ i ɨwi ɨchî nɨ aŋgɨrə̀ Ə̀nùŋɨ̀sɨg we nyaʼa gha ɨ bɔ.

²⁵Wɨ̀ nyaʼa nɨŋ əne, àyɨə chəi wɨ̀ nyaʼa ni mbɨ məd pè ənɨ Mèri nyaʼa gywɨ wan mbaŋə̀ we. Ənɨ wɨ̀ nyaʼa gywɨ, Jòsêf nyaʼa chù əməd ni Yeso.