Read Mewari 2 थिस्सुलुनिक्यों 1 Bible Online

2 थिस्सुलुनिक्यों 1 - Mewari bible

2 थिस्सुलुनिक्यों 1

¹मूँ पोलुस, सिलवानुस अन तिमुतियुस का हाते यो कागद थिस्सुलुनिक्यों नगर की मण्डली का नाम लिकरियो हूँ, ज्या बापू परमेसर अन परबू ईसू मसी में हे।

²बापू परमेसर अन परबू ईसू मसी की दया अन सान्ती थाँका पे वेती रेवे।

³हो भायाँ-बेना, थाँका वाते माँने परमेसर ने धन्नेवाद देतो रेणो छावे अन ओ सई भी हे, काँके थाँको विस्वास घणो बड़तो जारियो हे, अन थाँको हाराई को परेम एक-दूँजा में घणो फल-फुलरियो हे।

⁴ईं वाते माँ खुद ईं परमेसर की मण्डली में थाँका पे मेपणो करा हा, काँके जतरा भी दुक अन कळेस हाँ, वाँने थाँ जेल्या, ईं हारी बाताँऊँ थाँके धीरज अन विस्वास का बारा में पतो चाले हे।

⁵ओ परमेसर का हाँचा न्याव को सई परमाण हे के, थाँ परमेसर का राज का जोगा हो, जिंका वाते थाँ दुक भी पारिया हो।

⁶परमेसर वोईस करी ज्यो सई हे अन जतरा थाँने दुक देवे हे, ईंका बदला में परमेसर वाँने भी दुक देई।

⁷अन परबू ईसू मसी जद्याँ आपणाँ हरग-दुत का हाते हगलती तकी वादी में हरगऊँ आई, तो थाँ जी कळेस जेलरिया हो, वो माकाँ हाते थाँने सक-चेन देई।

⁸अन जतरा परमेसर ने ने जाणे अन आपणाँ परबू ईसू का हव-हमच्यार ने ने मानी वाँने दण्ड दिदो जाई।

⁹वीं परबू का हामेंऊँ अन वाँकी सामरत का तेजऊँ छेटी वेन जुग-जुग का नास को दण्ड भोगी।

¹⁰ओ वीं दन वेई जद्याँ वो आपणाँ हाराई पुवितर मनकाँऊँ जतरा वींपे विस्वास करी मेमा अन आदर-मान लेवा आई। तो थाँ भी वाँका में भेळा वेवो, काँके माँ ज्यो हव हमच्यार थाँने बतायो हे, वींको थाँ विस्वास किदो हे।

¹¹ईं वाते, माँ थाँका वाते हमेस्यान परातना करा हाँ के, आपणाँ परमेसर थाँने जुग-जुग के जीवन का जोगा बणावे, जणी वाते थाँने वणा बलाया हे। अन भलई की हरेक मरजी अन विस्वास का हरेक काम ने सामरत का हाते पूरा करो।

¹²जणीऊँ आपणाँ परमेसर अन परबू ईसू मसी की दयाऊँ आपणाँ परबू ईसू को नाम थाँकामें मेमा पावे अन थाँ वींमें पावो।