Read Mewari 2 यहुन्ना 1 Bible Online

2 यहुन्ना 1 - Mewari bible

2 यहुन्ना 1

¹मूँ मण्डली को अगुवो यहुन्ना, मारो ओ कागद वीं लुगई [1]का नाम हे, जिंने परमेसर चुणी हे अन वींके बाळक का नाम भी लिकरियो हूँ, जणाऊँ मूँ वाँका हाँच पे चालबा की वजेऊँ परेम करूँ हूँ। मूँईस थाँकाऊँ परेम ने करूँ, पण वीं हाराई ज्यो हाँच ने जाणे हे, वीं भी थाँकाऊँ परेम करे हे।

²ओ हारोई वीं हाँच की वजेऊँ व्यो हे, ज्यो आपणाँ में वास करे हे अन ज्यो हमेस्यान आपणाँ हाते रेई।

³बापू परमेसर की करपा, दया अन सान्ती आपणाँ पे वेई अन वाँका बेटा ईसू मसी को परेम अन हाँच भी आपणाँ में बण्यो तको रेई।

⁴मूँ ईं बातऊँ घणो राजी हूँ के, थाँका थोड़ाक बेटा-बेटी परबू का आदेस ने ज्यो आपाँने परमेसर दिदो हो, वीं वींने हाँचऊँ माने हे।

⁵ईं वाते अबे हे बई, मूँ थने कस्योई नुवो आदेस ने लिकरियो हूँ, पण वोईस आदेस देरियो हूँ ज्यो सरुआत में दिदो ग्यो हो के, आपाँ विस्वास्याँ ने एक-दूजाऊँ परेम करणो छावे।

⁶परेम करबा को अरत ओ हे के, आपाँ परमेसर का आदेसा पे चालणो छावे अन यो वोईस आदेस हे, जी आपाँने सरुआत में दिदो ग्यो हो के, आपाँने परेम का हाते जीवन जीवणो छावे।

⁷ईं दनियाँ में नरई भटकाबावाळा मनक हे। अन ज्यो भी मनक ईं बात ने, ने माने के, ईसू मसी ईं धरती पे मनक का रूप में आया। अस्या मनक धोको देबावाळा अन मसी का दसमण हे।

⁸ईं वाते थाँ खुद हूँस्यार रेज्यो, जणीऊँ थाँ वींने खो ने दो, जिंका का वाते, आपाँ घणी मेनत कररिया हा, काँके थाँने थाँको पुरो-पुरो फळ लेणो हे।

⁹ज्यो मनक परबू की हिकऊँ न्यारो वे जावे हे, वो परमेसर का नके ने जा सके, पण ज्यो भी मनक मसी की हिक ने माने हे, वींके नके बापू परमेसर अन वींको बेटा दुई रेवे हे।

¹⁰अन यद्याँ कुई थाँका नके आन, आ हिक ने देवे, तो थाँ वीं मनक ने थाँका घर में मती आबा दो अन ने वींकी आवभगत करज्यो। अन वणीऊँ नमस्कार भी मती करज्यो।

¹¹काँके ज्यो मनक अस्या मनकाँ आवभगत करे हे, वो वींका बुरा कामाँ में भेळो वेवे हे।

¹²मारा नके लिकबा का वाते तो घणी बाताँ हे, पण मूँ तो ओ छावूँ के, थाँने ईं बाताँ सई अन कलमऊँ ने लिकूँ, पण मने आस हे के, थाँका हामे बेटन थाँकाऊँ बाताँ करूँ, जणीऊँ आपणो आणन्द पूरो वे सके हे।

¹³थाँरी बेन [2]का बेटा-बेटी भी थने नमस्कार केवे हे। ज्याँने भी परमेसर चुण्या हे।