Read Mezquital_Otomi Nsan Mateo 27 Bible Online

Nsan Mateo 27 - Mezquital_Otomi bible

Nsan Mateo 27

¹Nurá hyaxꞌa̱ gatho yá nda̱xjua nda̱ ya xodyo ne ya nda̱ gá macja̱ bi gohi ꞌnara cohi pa hanja da za da hyo ra Jesu.

²Nepʉ bi duꞌtiꞌʉ pa bi zitsꞌi bá ɛntꞌua ja rá ꞌyɛ ra Poncio Pilato núꞌa̱ toꞌo mrá nda̱ de Judea. Rá du ra Juda

³Ra Juda núꞌa̱ toꞌo xqui da ra Jesu, nu mi hyandiꞌa̱ gue ma da tho ra Jesu, xi bi du rá mʉi ne bi ma bá coꞌtsua yá boja̱ nuya nda̱ gá macja̱ ne ya nda̱xjua nda̱, núꞌa̱ ꞌnatemaꞌrɛtꞌa ya tꞌaxboja̱ xqui tꞌumbi.

⁴Ne bi ꞌñena: ―Nugui stá øtꞌa ꞌnara da̱nga tsꞌoqui, ngueꞌa̱ stá da ꞌnara ꞌñøhø núꞌa̱ hinte tu, ma da tho, da manga rá ji. Nepʉ nuꞌʉ́ bi da̱di ne bi ꞌñembi: ―¿Nuꞌá̱ te go tsa ga pa̱cahe de gueꞌa̱? Nuꞌá̱ go rí ma ri uɛndague.

⁵Nuꞌbʉ́ ra Juda bi føta núꞌa̱ ra boja̱ mbo ra nija̱, nepʉ bi ma bá nzʉdisɛ dega ꞌyʉga pa bi nhyo sɛhɛ.

⁶Nuꞌbʉ́ nuya nda̱ gá macja̱ bi muntsꞌa núꞌa̱ ra boja̱ꞌa̱ ne bi ꞌñeñꞌʉ: ―Nuna boja̱na̱ hingui tsa ga ʉthʉ ja ra ꞌmɛꞌtsboja̱ de ra nija̱, ngueꞌa̱ guehna ꞌnara njutꞌi de rá ji ꞌnara ja̱ꞌi.

⁷Nepʉ bi go ꞌnara cohi gue con gue nura boja̱ꞌa̱ da dañꞌʉ ꞌnara hai rá thuhu ra Hai dega Hyoca Traste, pa ja da tꞌaguini ya nzøhøja̱ꞌi.

⁸Hangue asta mapaya nura haiꞌa̱ rá thuhu ra Hai dega Ji.

⁹Njabʉ bi nja ngu núꞌa̱ xqui ma̱nga ra ba̱di Jeremía bi ꞌñena: “Bri jʉ núꞌa̱ ꞌnatemaꞌrɛtꞌa ya tꞌaxboja̱ pa bi thanga ꞌnara hai núꞌa̱ mrá mɛti ꞌnara hyoca traste. Njabʉ bi ꞌbɛpcagui Ajua̱ ga øtꞌe. Ngueꞌa̱ ya me Israel bi ꞌñena gue núꞌa̱ ra ja̱ꞌiꞌa̱ da ꞌba po ꞌnatemaꞌrɛtꞌa ya tꞌaxboja̱.” Ra Jesu bi ꞌmai ja rá thandi ra Pilato (Mr. 15:2-5; <a href='B:490 23:3'>Lc. 23:3-5; <a href='B:500 18:33'>Jn. 18:33-38)

¹⁰

¹¹Ra Jesu ya mi ꞌbahni ja rá thandi ra Pilato núꞌa̱ toꞌo mrá nda̱ de Judea. Ha ra Pilato bi ꞌñani, bi ꞌñembabi: ―¿Ha go gueꞌi grá da̱nga Nda̱ de ya xodyo? Ha ra Jesu bi da̱tuabi: ―Ha̱ha̱ go guecagui, ngu núꞌa̱ gá ma̱.

¹²Nepʉ ya nda̱ gá macja̱ ne ya nda̱xjua nda̱ bi ña̱pabi ra Jesu, pe nuꞌá̱ hinte bi da̱di.

¹³Nuꞌbʉ́ ra Pilato bi ꞌñembabi ra Jesu: ―¿Ha hinguí øde gatho núꞌa̱ te hma̱ de gueꞌi?

¹⁴Pe ra Jesu hinte bi da̱tuabi. Por guehna ra Pilato xi bi ꞌyø. Ra Jesu bi sɛcuabi gue da tho (Mr. 15:6-20; <a href='B:490 23:13'>Lc. 23:13-25; <a href='B:500 18:38'>Jn. 18:38-19:16)

¹⁵Núꞌa̱ ra nza̱i de Judea gue ra nda̱ pɛꞌtsi da hyɛgui ꞌnara ꞌyofadi núꞌʉ go da huahna ya ja̱ꞌi núꞌʉ ya pa de rá ngo ra pascua.

¹⁶Ha nuya paꞌʉ mi ofadi ꞌnara ꞌñøhø mrá thuhu ra Barraba núꞌa̱ xqui tꞌøde ndunthi de gueꞌa̱ ngueꞌa̱ xi mrá tsꞌoja̱ꞌi.

¹⁷Y nuꞌbʉ́ nura ora bi muntsꞌa ya ja̱ꞌi, ra Pilato bi ꞌyambabiꞌʉ ne bi ꞌñembi: ―¿Toꞌo guí nehʉ ga hɛgui, ra Barraba o nuni ra Jesu tꞌembi ra Cristo ra nda̱?

¹⁸Ngueꞌa̱ ra Pilato mi pa̱di hanja ya nda̱ gá xodyo xqui ziꞌtsuabi ra Jesu ngueꞌa̱ mi tsu da hña̱nbabiꞌa̱ yá nsu.

¹⁹Ha nu de mi huhni ra Pilato ja rá hudi, nurá ꞌbɛhña̱ bá pɛnpa ra noya ne bi ꞌñembi: “Ote xqui ma gui hñøtꞌe de gue núꞌa̱ ra hoga ja̱ꞌiꞌa̱, ngueꞌa̱ manxuui dá ꞌuipa ꞌnará tꞌi xi xá ntsꞌo.”

²⁰Pe ya nda̱ gá macja̱ ne ya nda̱xjua nda̱ bi ꞌyʉꞌta gatho ya ja̱ꞌi pa da ꞌyadiꞌʉ gue go da thɛgui ra Barraba, ne go da tho ra Jesu.

²¹Nuꞌbʉ́ ra Pilato bi ꞌyambabi maꞌnaꞌqui ya ja̱ꞌi ne bi ꞌñembi: ―¿Ndaꞌa̱ de ri yoho guí nehʉ ga hɛgui? Nuꞌbʉ́ ya ja̱ꞌi bi da̱di ne bi ꞌñena: ―Nura Barraba.

²²Hangue ra Pilato bi yopa ꞌyambabiꞌʉ ne bi ꞌñembi: ―Nuꞌbʉ́ ¿te ga øtꞌe co nuni ra Jesu xa thuꞌmbi ra Cristo ra nda̱? Nuꞌbʉ́ ya ja̱ꞌi bi da̱di ne bi ꞌñena: ―¡Manda da tho ja ra pontꞌi!

²³Nuꞌbʉ́ ra Pilato bi ꞌñembabiꞌʉ: ―¿Pe te ma tsꞌoqui xa ꞌyøtꞌni? Pe nuꞌʉ́ maꞌna xi mi mafi ntsꞌɛdi mi ena: ―¡Manda da tho ja ra pontꞌi!

²⁴Nu mi hyanda ra Pilato gue maꞌna ꞌyo mri ñʉntsꞌi ya ja̱ꞌi ne himi tsa te da ꞌyøtꞌeꞌa̱, nuꞌbʉ́ bi manda da tha̱mpa tsꞌʉ ra dehe, ne bi nxʉꞌyɛ ja yá thandi gatho ya ja̱ꞌi, ne bi ꞌñena: ―Nugui hingo ma ga tha̱di de nurá ji ma da manga nuna ra hoga ꞌñøhø nu stí du. Nuꞌahʉ ya go guí pa̱hʉ te ma gui tha̱dihʉ.

²⁵Nuꞌbʉ́ bi da̱di gatho ya ja̱ꞌi ne bi ꞌñena: ―¡Nuje ne gatho ma ba̱tsihe ma go ga tha̱dihe de núꞌa̱ ra ji ma da mfani!

²⁶Nuꞌbʉ́ ra Pilato bi hyɛgui ra Barraba, ne bi manda bri fɛtꞌa ra Jesu, nepʉ bi ꞌyɛntꞌuabiꞌa̱ ja yá ꞌyɛ yá soldado pa da hyoꞌʉ.

²⁷Nuꞌbʉ́ ya soldado bi zixa ra Jesu pa habʉ mi ꞌbʉi ra da̱nga tsꞌʉtbi, ne ja bá cotꞌathoni gatho ya soldado.

²⁸Nepʉ bi møqueꞌʉ ne bi hyetuabi ꞌnara thɛnga he.

²⁹Ne bi hñuꞌtsuabi ja rá ña̱xu ꞌnara corona dega ꞌmini xqui ꞌbetꞌe, ne bi ꞌyɛntꞌua ja rá ꞌyɛ ra ꞌñɛi ꞌnara tsꞌʉtꞌo. Nepʉ bi ndandiña̱hmuꞌʉ ja rá thandiꞌa̱, ne mi øꞌtuatho ra ntꞌeni mi embi: ―¡ꞌBʉi pa nza̱ntho, nuꞌi ri tꞌequꞌei rá Nda̱ꞌi ya xodyo!

³⁰Nepʉ bi zotsꞌiꞌʉ ne bi hña̱mba núꞌa̱ ra tsꞌʉtꞌo mi o ja rá ꞌyɛ ne con gueꞌa̱ bi naꞌmba ja rá ña̱xu.

³¹Nepʉ de mi uadiꞌʉ bi ꞌyøꞌtua ra ntꞌeni ra Jesu, bi møcuabi núꞌa̱ ra thɛnga he xqui hyetuabi, nepʉ bi yopa hyetua núꞌʉ yá dutu xi mi he. Nepʉ bi zitsꞌiꞌʉ pa da pontꞌi ja ra pontꞌi pa ja dí duni. Ra Jesu bri thøta ja ra pontꞌi (Mr. 15:21-32; <a href='B:490 23:26'>Lc. 23:26-43; <a href='B:500 19:17'>Jn. 19:17-27)

³²Ne de má ꞌñu bi nthɛuiꞌʉ ꞌnara ꞌñøhø mrá thuhu ra Simu mrá me Cirene. Nepʉ núꞌa̱ ra ꞌñøhøꞌa̱ bri japi bi duxa núꞌa̱ ra pontꞌi habʉ mi ma da tsꞌʉta ra Jesu.

³³Njabʉ bi zøni ja ra luga rá thuhu Golgota núꞌa̱ rí bøni da ꞌñena Ña̱xmadu.

³⁴Nuni ja bá tꞌumbabini ra Jesu ra vinu xqui ntha̱ntsꞌi co ꞌnara nda̱po xi xmá nju, pe mi za gue xmá nju himbi ne bi zi.

³⁵Nu mi uadi ya soldado bi pontꞌa ra Jesu, nuꞌbʉ́ nuꞌʉ́ bi rifabi yá dutu pa bi hñegueꞌʉ. Njabʉ bi nja ngu núꞌa̱ xqui ma̱nga rá ꞌmɛhni Ajua̱ núꞌa̱ bi ꞌñena: “Núꞌʉ́ bi rifagui ma dutu pa bi hñegueꞌʉ.”

³⁶Nepʉ ya soldado ja bi hñudini pa bi su ra Jesu.

³⁷Y xqui tꞌofo ja ra pontꞌi maña̱ de ja rá ña̱xu ndaꞌa̱ ra tsꞌoqui xqui ꞌyøtꞌe ngu mi ma̱ñꞌʉ pa ja bi duni. Y núꞌa̱ xqui tꞌofoni mi ma̱ gue nuꞌá̱ go ra Nda̱ de ya xodyo.

³⁸Nehe bri pontꞌa yoho ya be habʉ bri pontꞌa ra Jesu, ꞌna ja rá ꞌñɛi, ne núꞌa̱ maꞌna ja rá nga̱ha̱.

³⁹Y núꞌʉ toꞌo mi thoguini mi bʉtꞌa yá ña̱xu ne mi xaxi,

⁴⁰mi embabi: ―Núꞌi xcá ma̱ gue gui yøꞌta ra nija̱, nepʉ rá hñupa gui yopa ꞌbaꞌmi, mpøhø de gueꞌasɛ, ne ca̱i de ra pontꞌi ꞌbʉ xi majua̱ni go gueꞌi rá Tꞌʉꞌi Ajua̱.

⁴¹Nehe ya nda̱ gá macja̱ ne ya xahnate de ra ley, co ya fariseo ne ya nda̱xjua nda̱ mi nønga ra Jesu ne mi ꞌñémsɛꞌʉ:

⁴²―Maꞌra ha̱, bi za bi pøhø, pe nubyani hinda za da mpøhø sɛhɛ. Nuꞌbʉ go xi guehma̱ni yá Nda̱ ya me Israel, dá ga̱ibya de ra pontꞌi pa ga camfrihʉ.

⁴³Nuni xa hñuxa rá jamfri ja Ajua̱, hangue dá ña̱mbya Ajua̱ ꞌbʉ gue xi majua̱ni Ajua̱ ri ma̱di, cabo xa xicsɛhʉni ne xa ꞌñena gue go guehni rá Tꞌʉ Ajua̱.

⁴⁴Nehe núꞌʉ yoho ya be xcrí pontꞌi mahyɛgui co ra Jesu bi xaxiꞌʉ nehe. Ra Jesu bi du (Mr. 15:33-41; <a href='B:490 23:44'>Lc. 23:44-49; <a href='B:500 19:28'>Jn. 19:28-30)

⁴⁵Y ngu mi ꞌnɛtꞌyoho ra hyadi, bi mʉdi bi ꞌmɛxuui gatho ra ximhai ne asta mi nzʉnga hñu nde ja bi yopa hnequi maꞌnaꞌqui.

⁴⁶Ne nura oraꞌa̱ ra Jesu bi ña̱ ntsꞌɛdi ne bi ꞌñena: ―Elí, Elí, ¿lama sabactani? ―Rí bøni da ꞌñena, ma Dadaꞌi, ma Dadaꞌi, ¿hanja xcá hyɛgasɛua?

⁴⁷Nuꞌbʉ́ ꞌra de gue núꞌʉ mi ꞌbʉhni bi ꞌyøde ne bi ꞌñenaꞌʉ: ―Nuni ra ꞌñøhø maꞌta ndu ra ba̱di Elía.

⁴⁸Nuꞌbʉ́ ꞌna de gue núꞌʉ mi ꞌbʉhni ꞌbestho bi nestꞌihi bá ha̱ ꞌnara zi sponja ne bi pobo co ra juꞌtsa vinu. De guehni bi tøta ja ꞌnara tsꞌʉtꞌo, nepʉ bi goꞌtsuabi ja rá ne.

⁴⁹Pe nu maꞌra bi ꞌñena: ―Tsopʉ, ma ga nuhʉ ua da zø ra Elía pa da ña̱ni.

⁵⁰Nuꞌbʉ́ bi yopa ña̱ ntsꞌɛdi maꞌnaꞌqui ra Jesu, nepʉ ra oraꞌa̱ ꞌbestho bi du.

⁵¹Nura oraꞌa̱ bi xø núꞌa̱ ra dutu mi naxa mbo ra nda̱nija̱ pa mi cotꞌa habʉ xi xmá nsunda, bi mʉdi de maña̱ pa rí gaꞌti. Ne xi bi nja ꞌnara mbimhai ntsꞌɛdi y asta bi xø ya do.

⁵²(Nehe bi xoxa ya ntꞌagui ne bi yopa nte ndunthi ya gamfri núꞌʉ ya xqui du.

⁵³Ne nu de ya xqui yopa nte ra Jesu, nuꞌbʉ́ núꞌʉ xqui bønga de ja ya ntꞌagui, bi ꞌño ja ra hnini Jerusale habʉ bá handa ndunthi ya ja̱ꞌi.)

⁵⁴Ngu bi du ra Jesu, ra nda̱ gá soldado ne yá mfatsꞌi núꞌʉ mi suꞌa̱ bi zaꞌʉ ra mbimhai ne bi hyanda gatho núꞌʉ te bi nja, hangue xi bi ntsuꞌʉ ne bi ꞌñena: ―Xi majua̱ni nuni ra ꞌñøhø go mi guehni rá Tꞌʉ Ajua̱.

⁵⁵De zi yabʉtho mi ꞌbahni ndunthi ya ꞌbɛhña̱ mi handa núꞌa̱ te bi nja. Nuya ꞌbɛhña̱ꞌʉ go gueꞌʉ xqui mɛpabi ra Jesu ne xqui ꞌñoui de Galilea.

⁵⁶ꞌRa de gueꞌʉ, ra Maria Magdalena, ne ra Maria nurá na̱na̱ ra Cobo ne ra Jose, ne rá na̱na̱ núꞌʉ yoho yá tꞌʉ ra Sebedeo. Ra Jesu bi tꞌagui (Mr. 15:42-47; <a href='B:490 23:50'>Lc. 23:50-56; <a href='B:500 19:38'>Jn. 19:38-42)

⁵⁷De ya mi ma da yʉ ra hyadi ꞌnará nxadi ra Jesu mrá me Arimatea mrá thuhu ra Jose ne xi mrá rico,

⁵⁸bi ma bá cꞌa̱ꞌtsa ra Pilato pa bi ꞌyapa nsɛqui da ma da ꞌyacuabi rá ndoꞌyo ra Jesu. Nuꞌbʉ́ ra Pilato bi manda da tꞌumbabi nsɛqui pa da ma da ꞌyagui.

⁵⁹Nuꞌbʉ́ ra Jose bi ma bá tumpa rá ndoꞌyo ra Jesu, ne bi mantꞌi co ꞌnara tꞌaxa dutu.

⁶⁰Nepʉ bi ma bá agui ja ra ntꞌagui núꞌa̱ xqui hyoquiꞌa̱ ja ꞌnara hña̱do pa go xa ntꞌaguini hma̱ha̱ꞌa̱. Nepʉ bi gotꞌa ra ntꞌagui co ꞌnara da̱nga do, ne bi maꞌa̱.

⁶¹Ne guetbʉ ja ra ntꞌagui mi huhni ra Maria Magdalena ne núꞌa̱ maꞌna ra Maria. Ya nsute ja rá ntꞌagui ra Jesu

⁶²Rá hyaxꞌa̱, ya xqui thogui núꞌa̱ ra pa de ra nthoqui, bi ma ya nda̱ gá macja̱ ne ya fariseo bá cꞌa̱ꞌtsa ra Pilato,

⁶³ne bi ꞌñembi: ―Núꞌi ma nda̱ꞌihe, dí beñhe gue núꞌa̱ ra hyate ꞌñøhø núꞌbʉ mi tetho bi ꞌñena gue rá hñupa mi ma da yopa nte.

⁶⁴Hangue dí nehe gui pɛhna toꞌo da su ra ntꞌagui hñu pa, pa hinda ꞌñehe yá nxadi dega xuui ne da be. Nuꞌbʉ́ ha̱, nuya nxadi ma da ꞌñembabi ya ja̱ꞌi gue xa yopa nteꞌa̱, ne maꞌna strá ntsꞌo nuna ncꞌuambana̱ de núꞌa̱ rá mʉdi.

⁶⁵Bi da̱di ra Pilato ne bi ꞌñena: ―Ma ga ꞌraꞌahʉ ya soldado gui tsixhʉ pa gui suhʉ xá hño ra ntꞌagui asta habʉ da za.

⁶⁶Nuꞌbʉ́ nuya nda̱ gá macja̱ co ya fariseo bi ma bá su ra ntꞌagui ne bi hñuꞌtsua ꞌnara seyo ra do, ne bi zohniꞌʉ ya soldado pa bi su.