Read Mezquital_Otomi Nsan Marco 1 Bible Online

Nsan Marco 1 - Mezquital_Otomi bible

Nsan Marco 1

¹Rá ma̱ca hoga tꞌøde ra Jesucristo rá Tꞌʉ Ajua̱ bi mʉdi njaua:

²Ra ba̱di Isaía bi ꞌyofo nuya ya noya ya mayaꞌbʉ gue Ajua̱ bi xipabi da ꞌyofo:Ndi, nuga drá Ajua̱ dí pɛhna ma ꞌmɛhni pa da ꞌmɛtꞌo de gueꞌepa da hyocꞌa ri ꞌñu.

³Nuna ra ꞌmɛhni go guehna ma da ña̱ ntsꞌɛdi ja ra mbonthi ne da ꞌñembabi ya ja̱ꞌi njaua:“Hyocjʉ ra ꞌñu pa da tho ma Hmuhʉ, ne jua̱ñhʉ ya tsꞌacaꞌñu.”

⁴Y nu mi ꞌñehe ra Xuua Xiꞌtsate bi njabʉ ngu núꞌa̱ xqui ma̱nga Ajua̱, bi ꞌmʉ ja ra mbonthi ne mi xipa ya ja̱ꞌi mi ena: “Ñobrihʉ ne nxistehehʉ y Ajua̱ da punꞌahʉ ri tsꞌoquihʉ.”

⁵Ha gatho nuya ja̱ꞌi mi ꞌbʉ ja ra hnini Jerusale ne gatho rá ngʉni de ra hai Judea mi pa habʉ mi ꞌbʉ ra Xuua pa mi ødeꞌʉ nuya noya mi ma̱ñꞌa̱ ne pa mri njua̱ni de yá tsꞌoqui ja rá thandi Ajua̱. Y ra Xuua mi xiꞌtsiꞌʉ ja ra da̱the Jordá.

⁶Y núꞌá̱ mi nhye dega xicameyo, ne mi ngʉtꞌa ꞌnara ngʉtꞌi dega xifri. Mi tsi ya hoga ncꞌoto ne ra tꞌafi dega sefi.

⁷Y mi zofo ya ja̱ꞌi ne mi embabiꞌʉ: ―Ya xa ꞌñepʉ bra ꞌbɛfa de gueque ꞌna toꞌo maꞌna ja rá tsꞌɛdi de gueque núꞌa̱ hindí ꞌñepcagui ngugui ga xoꞌtua yá ntha̱sthi yá thiza.

⁹Y núꞌbʉ mi xiꞌtsate ra Xuua, bi ꞌñehe ra Jesu de ra hnini Nasare de ra hai Galilea ne bi ma ja ra da̱the Jordá, ne ja bá xiꞌtsini ra Xuua.

¹⁰Y ngu mi bøxa ra Jesu de ja ra dehe habʉ xqui nxistehe, bi hyandi bi xogui mahetsꞌi y bá ca̱i rá Ma̱ca Nda̱hi Ajua̱ ngu ꞌnara zi domitsu, ne bi zøhø ja gueꞌa̱.

¹²Nuꞌbʉ́ ꞌbestho ra Ma̱ca Nda̱hi bi zixa ra Jesu ja ra mbonthi.

¹⁴Ha núꞌbʉ mi jotꞌa fadi ra Xuua, ra Jesu bi zøhø ja ra hai Galilea, ne mi ma̱nga ra hoga noya gue ya xa zøhø ra Nda̱ de mahetsꞌi xpá e pa da nda̱ de guecua ja ra ximhai.

¹⁶ꞌNara pa mi ꞌyoni ra Jesu ja ra ña̱nga ndehe Galilea ne ja bá handri ra Simu ne ra Andre rá cu mi ɛntꞌa yá xitꞌa̱ ja ra ndehe pa da mpɛhua̱ ngueꞌa̱ nuꞌʉ́ myá mɛhua̱ꞌʉ.

¹⁷Nuꞌbʉ́ ra Jesu bi ꞌñembiꞌʉ: ―Bá ehʉ, tɛngaguihʉ y nuga ga uꞌtꞌahʉ gui mpɛhua̱hʉ dega ja̱ꞌi.

¹⁸Hangue nuꞌʉ́ ꞌbestho bi zohni yá xitꞌa̱ ne bi dɛna ra Jesu.

¹⁹Nepʉ ra Jesu bi thogui má tsꞌʉ ringuehni ne bi hyanda ra Cobo ne ra Xuua yá tꞌʉ ra Sebedeo mi o mbo ra motsa mi pøꞌta yá xitꞌa̱.

²¹Nepʉ bi maꞌʉ ja ra hnini Ncapernau, ne nu mi datꞌa nsabdo ra pa dega tsaya, ra Jesu bi yʉtꞌa ja ra nija̱ ne mi xahna ya ja̱ꞌi.

²²Ha nuꞌʉ́ bi ꞌyø de núꞌa̱ mi ma̱ ngueꞌa̱ mi xahniꞌʉ ngu ꞌna toꞌo mi ha̱ ra tsꞌɛdi pa da tꞌøtꞌe núꞌa̱ ma̱, y hingue ngu núꞌʉ ya xahnate de yá leyꞌʉ.

²³Ne ja xqui zøhni ja yá nija̱ꞌʉ ꞌnara ꞌñøhø mi pɛꞌtsa ꞌnara tsꞌonda̱hi, ne nuꞌá̱ bi mafi bi ꞌñena:

²⁴―Nuꞌi Jesu grá me Nasare, ¿te ma gui ꞌyøtcahe? ¿Ha gue xcá ehe pa gui huatcahe? Dí pa̱he toꞌoꞌi, nuꞌi go gueꞌe rá Ma̱ca Tꞌʉꞌi Ajua̱.

²⁵Nuꞌbʉ́ ra Jesu bi zʉi nura tsꞌonda̱hi ne bi ꞌñembi: ―¡Coꞌta ri ne, pøni de nuna ra ꞌñøhø!

²⁶Nepʉ nura tsꞌonda̱hi bi japa núꞌa̱ ra ꞌñøhø da ndusɛ, ne bi mafi ntsꞌɛdi, ne bi bøni de gueꞌa̱.

²⁷Hangue gatho ya ja̱ꞌi bi ꞌyø ne bi ꞌñémsɛꞌʉ ꞌna ngu maꞌna: ―¿Te rí bønga nuna? ¿Te ma ꞌraꞌyo ntꞌudibyana̱? ¿Te ma tsꞌɛdi ha̱ni? ¡Ngueꞌa̱ nuní ꞌbɛpa ya tsꞌonda̱hi da bøni y nuꞌʉ́ øtuabi!

²⁹Y mi bønga ra Jesu de ra nija̱ bi ma ja rá ngu ra Simu ne ra Andre núꞌʉ mi ꞌñoui, bi mɛuiꞌʉ ra Cobo ne ra Xuua.

³⁰Ha nurá to ra Simu mi ꞌbɛni mi umba ra nzø, ne nuꞌʉ́ ꞌbestho bi xipa ra Jesu gue mi hñeniꞌa̱.

³²Ha nura paꞌa̱ de mi nde bá tsꞌimpabi ra Jesu gatho núꞌʉ toꞌo mi hñeni ne nuto mi pɛꞌtsa ya tsꞌonda̱hi.

³³Y gatho ya ja̱ꞌi de ra hnini bi muntsꞌa ja ra gosthingu habʉ mi ꞌbʉ ra Jesu.

³⁵Rá hyaxꞌa̱ ra Jesu bi nangui hamxuditho ne bi bøni bi ma ja ra mbonthi ne ja bá apabini Ajua̱ rá Dada.

³⁶ꞌMɛfa bi ma ra Simu ne núꞌʉ toꞌo mi ꞌñoui, bi ma bá honiꞌa̱.

³⁷Y nu mi zʉdiꞌa̱ bi ꞌñembi: ―Ndunthi ya ja̱ꞌi hoñꞌaꞌi.

³⁸Pe ra Jesu bi ꞌñena: ―Maha ja ya tꞌʉca hnini núꞌʉ ja nthetsꞌi de guecua pa ga zofoꞌʉ nehe, ngueꞌa̱ pa gueꞌa̱ stá ehe.

⁴⁰ꞌNara ꞌñøhø mi tsʉ ꞌnara hñeni rá thuhu ra lepra núꞌa̱ tsitꞌatho ra ngø, bi ꞌñehe bi ndandiña̱hmu ja rá thandi ra Jesu ne bi ba̱ntebi bi ꞌñembi: ―Nuꞌbʉ gui nehma̱, nuꞌí ja ri tsꞌɛdi pa gui ꞌyøthegui de nuna hñeni tsʉqui.

⁴¹Nuꞌbʉ́ ra Jesu bi huequi ne bi hñuꞌtsuabi rá ꞌyɛ ne bi ꞌñembabi: ―Ha̱ha̱ dí ne, y ya gá ña̱ni.

⁴²Ha nu mi ma̱nga ra Jesu njabʉ, nu habʉ xqui ꞌya, ꞌbestho bi ꞌyostho ne bi ꞌmʉi xi xá hño rá ndoꞌyo.

⁴³Nuꞌbʉ́ ra Jesu bi hñuꞌmba ra hña̱ ne bi ꞌñembi: ―Jamasu gue ni ꞌna hinto gui xipi. Hønsɛ nuꞌa̱ dí ne, grí ma ja ra nija̱ gui ꞌñudi ja ra macja̱ ne ja guehni ma gui unga ra ꞌbaha núꞌa̱ bi ma̱nga ra Moise da tꞌuni, y njabʉ da fa̱di gue ya xcá ña̱ni de ri hñeni. Nepʉ bi ꞌbɛpa núꞌa̱ ra ꞌñøhø da ma.

⁴⁵Pe nu mi ma núꞌa̱ ra ꞌñøhø bi mʉdi bi xipa gatho ya ja̱ꞌi núꞌa̱ xqui tꞌøꞌtuabi ne xi bi ꞌyonga ra ꞌbede. Hangue ra Jesu ya himi tsa da yʉtꞌa ja ya hnini pa da zofo ya ja̱ꞌi ngueꞌa̱ xi xqui muntsꞌa ndunthi. Ne hangue nuꞌá̱ mi ꞌbʉitho ja ya mbonthi, y nehe mi pani ndunthi ya ja̱ꞌi de habʉraza pa mi cꞌa̱ꞌtsiꞌa̱.