Read Mezquital_Otomi Nsan Luca 17 Bible Online

Nsan Luca 17 - Mezquital_Otomi bible

Nsan Luca 17

¹Ra Jesu bi ꞌñembabi yá nxadi: ―Nza̱ntho da nja ꞌraya tꞌøtꞌe pa da japi da ntsꞌoca ya ja̱ꞌi, pe ¡huecate núꞌa̱ ra ja̱ꞌi toꞌo da japi da ꞌyøtꞌa ꞌnara tsꞌoqui maꞌna!

²Maꞌna xá hño núꞌa̱ ra ja̱ꞌiꞌa̱ dra tsꞌʉtuahma̱ ꞌnara do strá hñʉ ja rá ꞌyʉga ne dra føta ja ra ndehe, pa te hønsɛ da japi da ꞌyøtꞌa ra tsꞌoqui maꞌna rá miquꞌeiui núꞌa̱ hinxa zɛditho rá jamfri.

³Hangue nugui dí xiꞌahʉ gui nsuhʉ. Nuꞌbʉ ꞌnari cuhʉ da ꞌyøꞌtꞌahʉ ꞌnara ntsꞌoꞌmʉi, zofohʉ, hña̱cuahʉ. Nuꞌbʉ da ñobri, pumbabihʉ.

⁴Masque da ꞌyøꞌtꞌahʉ ra ntsꞌoꞌmʉi yoto ꞌmiꞌqui de ra pa, ne ꞌbʉ da ꞌñehe da ꞌyaꞌahʉ ra pumbate cada ra ꞌmiꞌqui, pumbabihʉ. Ra jamfri ngu ꞌnara zi nda dega mostasa

⁵Ha nuyá apostol ra Jesu bi ꞌñembabi: ―Xupca ma jamfrihe.

⁶Nepʉ ra zi Hmu Jesu bi ꞌñembabi: ―Nuꞌbʉ xi majua̱ni gri pɛꞌtshʉ ra jamfri masque ngu ꞌnara zi nda dega mostasa rá nda̱ngui, nuꞌbʉ́ da za gui ꞌñembabihʉ nuna da̱nga ꞌbai gá za: “Cꞌʉtsꞌi de habʉ guí ꞌbai ne rí ma gui ntꞌʉtꞌa ja ra ndehe,” ha nura zaꞌa̱ da ꞌyøꞌtꞌaꞌihʉ co núꞌa̱ ri jamfrihʉ. ꞌNara ꞌbɛgo rí ꞌñepi da mɛpa rá hmu, hingo dra ꞌbɛpi

⁷Ra Jesu bi ꞌñembabi neheꞌʉ: ―ꞌBʉ ꞌnara ja̱ꞌi di ꞌbʉ ꞌnará ꞌbɛgo xqui menga ꞌbɛfi ja ra hua̱hi o ra ꞌbaꞌyo, ¿ha gue da tꞌembabi ꞌbestho: “Thogui hñudi gui ñuni”?

⁸Hina. Nuꞌá̱ da tꞌembabi: “ꞌMɛtꞌo gui hoca ra ntꞌoxi, ne hñoquigue pa gui ꞌraqui te ga tsi. Nepʉ ꞌmɛfa gui ñunigue nehe.”

⁹¿Ha guí beñhʉ da tꞌumba njama̱di ra ꞌbɛgo de núꞌa̱ ꞌbɛpabi da ꞌyøtꞌe? Hina.

¹⁰Njabʉ nehe nu xcrí juahʉ gui pɛphʉ rá ꞌbɛfi Ajua̱ xa ꞌbɛpꞌahʉ, rí ꞌñepi gui ꞌñeñhʉ: “Hiní ꞌñepcahe gui ꞌyacje ra jama̱di ngueꞌa̱ ꞌnadyá ꞌbɛgothohe ne hønsɛ stá pɛhe núꞌa̱ mri ꞌñepcaguihe ga pɛhe.” Ra Jesu bi ꞌyøthe ꞌrɛtꞌa ya ꞌñøhø mi tsʉdi ra lepra

¹¹De guehni bi thogui ra Jesu bi sigui rá ꞌñu pa mri ma Jerusale, bi ꞌranga madetho de yoho ya hai, ꞌna rá thuhu Nsamaria, ha nu maꞌna Galilea.

¹²Y ya de mi ma da zønga ja ꞌnara zi hnini, bi bøni pa bá tsʉdiꞌa̱ ꞌrɛtꞌa ya ꞌñøhø mi tsʉdi ra lepra núꞌa̱ mi tsitꞌatho ra ngø, ne nuꞌʉ́ bi gohi zi yabʉtho de gueꞌa̱, ngueꞌa̱ xuá ntsꞌuni yá hñeni.

¹³Nepʉ bi maꞌtiꞌʉ bi ꞌñembi: ―Jesu, ma zi Xahnateꞌihe, dá nja ri nthecate de guecje.

¹⁴Nepʉ nu mi hyanda ra Jesu bi ꞌñembabiꞌʉ: ―Rí maha ua ꞌñudihʉ ja ya macja̱. Nepʉ nuꞌʉ́ bi ma, ne de má ꞌñu bi ña̱ni de yá hñeniꞌʉ.

¹⁵Y ꞌna de gueꞌʉ de mi za gue bi ña̱ni, bi mengui mi xøcambeni Ajua̱ co ya hmafi.

¹⁶Ne bi ndandiña̱hmu ja rá ua ra Jesu ne bi mɛgui rá hmi asta ja ra hai pa bi umba njama̱di ngueꞌa̱ xqui ꞌyøtheꞌa̱. Y núꞌa̱ ra ꞌñøhøꞌa̱ mrá me Nsamaria.

¹⁷Y nura Jesu bi ꞌñani ne bi ꞌñena: ―¿Ha gue hingue mi ꞌrɛtꞌa bi ña̱ni? ¿Habʉ bi ma núꞌʉ má gʉto?

¹⁸¿Ha gue hønsɛ núni hingrá me Israel bá pengui ri xøcambeni Ajua̱?

²⁰Nepʉ ya fariseo bi ꞌyambabi ra Jesu haꞌmʉ mi ma da zøhø rá hmanda Ajua̱ nuua ja ra ximhai. Nepʉ nuꞌá̱ bi da̱di ne bi ꞌñembabi: ―Nurá hmanda Ajua̱ hinga ꞌnara tꞌøtꞌe pa da hnequi.

²¹Nixi da za da tꞌeñꞌahʉ: “Xi jaua”, o “Bí jani”. Nurá hmanda Ajua̱ ya xa zøhø ne ya ꞌbʉi con gueꞌahʉ.

²²Nepʉ nuꞌá̱ bi ꞌñembabi yá nxadi nehe: ―Ma da zøhø ra pa gui nehma̱hʉ gui hyanthʉ da zøhø ꞌbestho núꞌa̱ ra da̱nga pa, pa gui hyanthʉ da yopa ꞌñehe pa da nda̱ Núꞌa̱ Toꞌo e bi Nja̱ꞌi, pe hindi tatꞌatho ya pa pa gueꞌa̱.

²³Ne ma da tꞌeñꞌahʉ: “Xi ꞌbʉcua”, o “Xi bí ꞌbʉhni”. Pe oxqui pahʉ ma gui cꞌa̱ꞌtshʉ, ne oxqui tɛnihʉ núꞌʉ toꞌo da xiꞌahʉ njabʉ.

²⁴Ngueꞌa̱ ngu guí hanthʉ ꞌnara huɛi núꞌa̱ masɛctho da yotꞌi maxøgue mahetsꞌi, ma da njabʉ nehe núꞌa̱ ra paꞌa̱ stua yopa pengui Núꞌa̱ Toꞌo e bi Nja̱ꞌi.

²⁵Pe mahyoni ꞌmɛtꞌo da thogui ndunthi ya tsꞌothogui. Ne ma da ʉtsa gatho ya ja̱ꞌi núꞌʉ ꞌbʉi de nuya pabya.

²⁶Ngu núꞌa̱ bi nja de nuya paꞌʉ de mi ꞌbʉi ra Noé, ma da njabʉ nehe nu stua yopa ehe Núꞌa̱ Toꞌo e bi Nja̱ꞌi.

²⁷Nuꞌʉ́ mri ñuni, mi tsithe, ne mi øtꞌa ntha̱ti ngu xi yá nza̱i, ne hinte mi jamasuꞌʉ asta nura paꞌa̱ bi yʉtꞌa ra Noé ja ra arca, ne mi da̱mfriꞌʉ bi ñuxa ra dehe maxøgue ra ximhai, y gatho ya ja̱ꞌi bi ja̱tꞌi.

²⁸Bi njabʉ nehe nuya paꞌʉ mi ꞌbʉ ra Lot. Ya ja̱ꞌi mi øtꞌe ngu xi myá nza̱i, mi ñuni mi tsithe, mi mpa ne mi ntai, mi mpotꞌi ne mi høngu.

²⁹Pe nu de mi bønga ra Lot de ra hnini Sodoma, bi ꞌua̱ ya tsibi ne ra asufre, y bi du dega nza̱tꞌi gatho ya ja̱ꞌi de núꞌa̱ ra hniniꞌa̱.

³⁰Ma da njabʉ nehe núꞌa̱ ra paꞌa̱ stua yopa pengui Núꞌa̱ Toꞌo e bi Nja̱ꞌi.

³¹De nura paꞌa̱, ꞌbʉ ꞌna di ꞌba ja ra patio de rá ngu, hinda yʉtꞌa mbo rá ngu pa da hña̱tsꞌi núꞌa̱ te di pɛꞌtsi. Y nuꞌa̱ tóꞌo di ꞌyo ja rá hua̱hi, ya hinda yopa menga ja rá ngu.

³²Benihʉ de hanja bi ndoꞌu rá ꞌbɛhña̱ ra Lot ngueꞌa̱ bi ñegui bi hyanda núꞌa̱ ra hnini bi zopʉ.

³³Nuꞌa̱ tóꞌo ne da su rá te, da ꞌbɛdi, pe nuꞌa̱ tóꞌo da unga rá te po rá nguequi, nuꞌá̱ ma da mɛꞌtsa maꞌna ra hoga te pa nza̱ntho.

³⁴Nehe dí xiꞌahʉ gue núꞌa̱ ra xuuiꞌa̱ ꞌbʉ yoho di ꞌbonga ꞌnadbʉ ja yá a̱ha̱, ꞌna da tsꞌitsꞌi, ha nu maꞌna da tsꞌogui.

³⁵ꞌBʉ yoho ya gʉni di cʉni mahyɛgui, ꞌna da tsꞌitsꞌi, ha nu maꞌna da tsꞌogui.

³⁶ꞌBʉ yoho ya ꞌñøhø di ꞌyo ja yá ꞌbɛfi ꞌnadbʉ ja ra hua̱hi, ꞌna da tsꞌitsꞌi, ha nu maꞌna da tsꞌogui.

³⁷Nu mi ꞌyøde njabʉ ya apostol bi ꞌyambabi ra Jesu ne bi ꞌñembi: ―¿Habʉ ma dua nja núꞌa̱ gá ma̱, ma zi Hmuꞌihe? Nepʉ nuꞌá̱ bi da̱di ne bi ꞌñembabiꞌʉ: ―Nuni habʉ di ꞌbɛni núꞌa̱ xa du, ja ma da muntsꞌni ya pada pa da ziꞌʉ.