Read Mezquital_Otomi Nsan Luca 18 Bible Online

Nsan Luca 18 - Mezquital_Otomi bible

Nsan Luca 18

¹Ra Jesu bi xipa ꞌnara ꞌbede yá nxadi gue mahyoni da ꞌyapabi Ajua̱ nza̱ntho nsinque da zabi.

²Ne bi ꞌñembi: ―Mi ꞌbʉi ꞌnara nzaya ja ꞌnara hnini, himi tsu Ajua̱ ne ni ꞌnara ja̱ꞌi himi tsu.

³Ne de núꞌa̱ ra hniniꞌa̱ mi ꞌbʉi ꞌnara viuda nehe, nza̱ntho mi pa da cꞌa̱ꞌtsa núꞌa̱ ra nzaya pa da ña̱ni de rá ncontraꞌa̱.

⁴Pe bi thogui ndunthi ya pa nura nzaya himbi umba ra mfatsꞌi núꞌa̱ ra viuda. Pe ꞌmɛfa bi ꞌño rá mfenisɛ núꞌa̱ ra nzaya ne bi ꞌñena: “Masque nugui hindí tsu Ajua̱, nixi ꞌnara ja̱ꞌi hindí tsu,

⁵pe hingo rá ngueꞌa̱ ma ga øta núꞌa̱ xica ra viuda, pa hingue xi stí tsøtcatho ma mʉi.”

⁶Ra zi Hmu Jesu bi ꞌñena: ―Guehna bi ma̱nga núꞌa̱ ra tsꞌo nzaya.

⁷Xihma̱ Ajua̱, ¿ha gue hinda ña̱ni núꞌʉ toꞌo xa huahni, núꞌʉ apabiꞌa̱ ma pa ra xuui? ¿Ha gue hinda matsꞌi ꞌbesthoꞌʉ?

⁸Dí xiꞌahʉ gue ha̱, ꞌbestho da matsꞌi. Xi sta yopa mengui Núꞌa̱ Toꞌo e bi Nja̱ꞌi, ¿ha gue da zʉdi ndunthi toꞌo di camfri ꞌbʉ? Ya hina. ꞌNara fariseo co ꞌna de nuya ꞌña̱tsa ngʉxboja̱

⁹Ra Jesu bi ma̱nga maꞌna ra ꞌbede pa núꞌʉ toꞌo ri ꞌñetsꞌi gue ya hoja̱ꞌi ne xi ya denate, ne bi ꞌñena:

¹⁰―Yoho ya ꞌñøhø bi ma ja ra nija̱ pa da ꞌyapabi Ajua̱, ꞌna mrá fariseo, ha nu maꞌna mrá ꞌña̱tsa ngʉxboja̱.

¹¹Ha nura fariseo bi ꞌyapabi Ajua̱ má ꞌbai ne mi ena njaua: “Dí jama̱di ma Zidadaꞌi, ngueꞌa̱ nugui hindí nja ngu ya ꞌyøtꞌatsꞌoqui, ya be, ya tsꞌoꞌmʉi ne ya zinga medintha̱ti, nixi dí nja ngu nuni ra ꞌña̱tsa ngʉxboja̱ ꞌbahni.

¹²Nugui dí ayuna yoꞌqui ra semana, ne nza̱ntho dí ꞌraꞌa ꞌrɛtꞌa centavo cada ra bɛxo núꞌa̱ dí ta̱ha̱,” njabʉ bi ꞌñena.

¹³Pe núꞌa̱ ra ꞌña̱tsa ngʉxboja̱ bi gohi tsꞌʉ zi yabʉ de ra fariseo, ne nixi bi ne bi gʉxa yá da pa mahetsꞌi ngueꞌa̱ mi pa̱di gue xi mrá ndutsꞌoqui, pe xi mi apabi Ajua̱ con gatho rá mʉi ne mi ena: “¡Ma Zidadaꞌi, dá nja ri nthecate de guequi, ngueꞌa̱ xi majua̱ni nugui ꞌnadrá da̱nga ꞌyøtꞌatsꞌoqui!”

¹⁵Bá tsꞌimpabi ya zi ba̱tsi ra Jesu pa da hñuxa yá ꞌyɛ ne da ja̱pabiꞌʉ. Pe nu mi hyanda njabʉ yá nxadi bi zʉi núꞌʉ toꞌo mri zi yá ba̱tsi.

¹⁶Ha nura Jesu bi ꞌñembabiꞌʉ: ―Hophʉ ya ba̱tsi da e da zʉcagui, oguí ha̱cuahʉ, ngueꞌa̱ nuꞌʉ tóꞌo da ꞌmʉi ja rá hmanda Ajua̱, mahyoni da nja ngu nuya ya zi ba̱tsi.

¹⁸Ne de gueꞌa̱ ꞌnara nda̱ de ja ra nija̱ bi ꞌyambabi ra Jesu ne bi ꞌñembi: ―Nuꞌi Xahnate, ꞌnagrá hoja̱ꞌi, ¿te da za ga øtꞌe pa ga tsʉdi ra te pa nza̱ntho?

¹⁹Ha nura Jesu bi ꞌñembabi: ―¿Hanja guí engagui gue drá hoja̱ꞌi? Joꞌo maꞌna ra hoja̱ꞌi, hønsɛ Ajua̱.

²⁰Nuꞌi guí pa̱di xá hño ya hmanda de ra ley habʉ ena: “Oxqui ntsinga medintha̱ti, oxqui nhyote, oxcrí mpe, ne oxqui jʉꞌtsua ya ncꞌuamba ri miquꞌeiui, ne umba ra tꞌequꞌei ri dada ne ri na̱na̱ ne suꞌʉ.”

²¹Ha núꞌa̱ ra ꞌñøhø bi ꞌñena: ―Gatho núyá stá øtꞌe desde ndí ba̱tsi.

²²Ha nu mi ꞌyøde ra Jesu njabʉ, bi ꞌñembabi: ―Ri ꞌbɛdi gui ꞌyøtꞌa maꞌna. Rí ma gui pa gatho núꞌa̱ guí pɛꞌtsi, ne gui hecuabi ya hyoya. Njabʉ ha̱, ma grí tsʉdi ya hño de mahetsꞌi. Ne bá ehe gui tɛngagui.

²³Pe nu mi ꞌyøde njabʉ núꞌa̱ ra nda̱ xi bi du rá mʉi ngueꞌa̱ xi mrá da̱nga rico.

²⁴Nu mi hyanda ra Jesu gue xi bi du rá mʉi, bi ꞌñena: ―¡Xi xá hñei da yʉtꞌa ꞌnara rico ja rá hmanda Ajua̱!

²⁵Maꞌna hingui hei da thogui ꞌnara da̱nga mboꞌni ngu ra cameyo ja rá gu ꞌnara ꞌyofri que ꞌnara rico da yʉtꞌa ja rá hmanda Ajua̱.

²⁶Ha núꞌʉ toꞌo bi ꞌyøde nu mi ma̱nga njabʉ, bi ꞌñena: ―Nuꞌbʉ njabʉ, ¿toꞌoꞌa̱ da za da mpøhø?

²⁷Nura Jesu bi ꞌñembabi: ―Nuꞌa̱ jʉmpabi xá hñei ya ja̱ꞌi, pa Ajua̱ otho ꞌnara tꞌøtꞌe strá hñei.

²⁸Nepʉ nura Pedro bi ꞌñembabi: ―Ma zi Hmuꞌihe, nuje stuá tsoguihe gatho núꞌa̱ ndí pɛꞌtshe pa go stuá tɛnꞌahe.

²⁹Nepʉ ra Jesu bi ꞌñembabi: ―Majua̱ni dí xiꞌahʉ, nuꞌa̱ tóꞌo da zogui rá ngu, o rá dada, o rá na̱na̱, o yá cu, o rá ꞌbɛhña̱, o yá ba̱tsi po rá ngue ra ma̱ca noya,

³¹Y nura Jesu bi ꞌueque ꞌnambʉ núꞌʉ ꞌrɛtꞌamayoho yá nxadi, ne bi ꞌñembabi: ―Nubya grá maha pa Jerusale habʉ ma da nja ngu núꞌa̱ xa ꞌyofo yá ꞌmɛhni Ajua̱ de núꞌa̱ ma da thogui Núꞌa̱ Toꞌo bi e bi Nja̱ꞌi.

³²Ma da tꞌɛntꞌua ja yá ꞌyɛ ya ja̱ꞌi núꞌʉ hingyá me Israel, ne nuꞌʉ́ ma da ꞌyøꞌtua ra ntꞌeni, ne ma da ña̱maꞌñʉ de gueꞌa̱, ne ma da zotsꞌi.

³³Nuꞌʉ́ ma da naꞌmbi nepʉ da hyo, pe nurá hñupa ma da yopa nte de ra du maꞌnaꞌqui.

³⁵De ya mi ma da zønga ra Jesu ja ra hnini Jericó, mi huhni ꞌnara goda ja ra ꞌñu, mi pɛti.

³⁶Ha nu mi ꞌyødeꞌa̱ gue mi pani ndunthi ya ja̱ꞌi, nuꞌá̱ bi ꞌñani te rá ꞌbɛꞌa̱ xqui nja.

³⁷Nepʉ nuꞌá̱ bi sipabi gue mi pani ra Jesu me Nasare.

³⁸Nuꞌbʉ́ nuꞌá̱ bi ña̱ ntsꞌɛdi ne bi ꞌñena: ―¡Nuꞌi Jesu, rá Tꞌʉꞌi ra nda̱ Davi, dá nja ri nthecate de guequi!

³⁹Ha nuya ja̱ꞌi mri ꞌbɛtꞌo mi tsʉi ne mi embi gue da goꞌta rá ne, pe nuꞌá̱ maꞌna mri mafi ntsꞌɛdi ne mi ena: ―¡Rá Tꞌʉꞌi ra Davi, huegagui!

⁴⁰Nepʉ ra Jesu bi gohi bi ꞌmai ne bi mɛhni toꞌo bá tsi. Y nu mi zøhø habʉ mi ꞌbaiꞌa̱, bi ꞌyambabi ne bi ꞌñembi:

⁴¹―¿Te guí ne ga øꞌtꞌaꞌi? Ha nura goda bi da̱di ne bi ꞌñena: ―Dí ne ga handi, Ndada.

⁴²Y ra Jesu bi ꞌñembabi: ―¡Nubya ha̱ xa njabʉ ngu núꞌa̱ guí ne! Xcá ña̱ni ngueꞌa̱ xcá camfrigui.

⁴³ꞌBestho ra oraꞌa̱ ra goda bi za bi hyandi, ne bi dɛna ra Jesu, mi xøcambeni Ajua̱. Y gatho núꞌʉ ya ja̱ꞌi bi hyandi njabʉ, neꞌʉ bi xøcambeni Ajua̱ nehe.