Read Mising METIU 14 Bible Online

METIU 14 - Mising bible

METIU 14

¹Odo ayirdo Herod mo:tak appi:lok migom doncbv Jisumc amin gvnamcm tadto;

²Odokkc bv bvk ager gerya:nckvdv:dcm luto, “Cdc Jo:n Baptismo bincbv, bvm sikolokkcm turmotoku; cmpila:mvn cdc ilang gvlang kvdv:dc Bvk ager gerkolo du:mvndu:n.”

³Kapila:nc Herodbv Jo:nmc sogapka odokkc ycnggabge:la makana:lo lvgto, Herodiangkc lcgangc, bvk bvrodok Philipkc nc:ngc;

⁴Kapila:nc Jo:nbv bvm luto, “bvm la:namdc nokkcpc langkammang.”

⁵Odokkc bv bvm mokelv:daggom, bv tani:kvdv:dcm pcsodagai, kapila:nc bulu bvm Ru:nckc agom lungor lunc ako cmna mcngcsudagai.

⁶Cmpige:la Herodkc onam longcdc pvnga:nammc ajonkvdv:dok kangkolo Herodiangkc omcdc so:bito odokkc Herodmc mc:yumsumoto,

⁷odoyam bv okodcmci koycji cdcmpinckoi bipc cmna pesula bvm lubito.

⁸Bvk ancdokkc lukonsula luyirnamki, bv luto, “Jo:n baptismo binckc tukkudcm so arcm aborkolo bi:ka.”

⁹Odokkc migomdc mc:dvrkang; ckvdaggom bvk pesunamkokki odokkc bvk mibokvdv:dokki bv cdcm bidopc kvnggv:pc lulvngto;

¹⁰bv mclvgto odokkc Jo:nmc makanang arangolo tukkudcm papvrmoto,

¹¹odokkc bvk tukkudcm arcmkolo boma:moto odokkc ko:nc:dcm bito, odokkc bv bvk ancdo:pc boma:bito.

¹²Odokkc bvk agom tadjvgla gvmvnnc tani:kvdv:dc gva:la tukku kama:nc sima:dcm la:la cdcm yupakto; odokkc bulu gvlangkula Jisumc lubitoku.

¹³Cdcm cdvlo Jisubv tattonc, Bv odokkc ronggamo:nc mo:di:kolo:pc angupc gvpakto. Ckvdaggom yadkumsunc tani:kvdv:dc cdvlo cdcm tattonc, bulu bvk lcdulo alcki tawondokkc gvmvnamkang.

¹⁴Bv mo:ro:pc gvnamc bottapaknc tani: kcrcngkopc ka:begto; odokkc Bv bulum aya:ru:pc mcngkang, odokkc buluk kinamramnam kvdv:dcm csangammotoku.

¹⁵Cdvlo yumcayirka:nc, agom tadjvgla gvmvnnc tani:kvdv:dc Bvkkolo:pc gva:to odokkc luto, “Sc ronggampcsamnc mo:di:ko, odokkc longcdc:sin kama:bong; yadkumsun tani:kvdv:scm do:lungkvdv:pc mclvgamtok odokkc buluk av avkc lcga:pc donamtv:namko rcmotok.”

¹⁶Jisubv luto, “Bulu gvpcnam kamang; nolu bulum atvko dodopc bitok.”

¹⁷Bulu Bvm luto, “Ngolukkc pitang borngoko sc dung odokkc ongo piryongko.”

¹⁸Odokkc Bv luto, “Cdcmbulum so:pc ngokkoso:pc boma:tci.”

¹⁹Odo Bv yadkumsunc tani:kvdv:dcm ncsin tayc:do tedtungammodopc lulvgto; odokkc pitang borngodcm odokkc ongo pirnyidcm langge:la Bv taycngamo:pc ka:sa:la kumto, odokkc pitangkvdv:dcm agom tadjvgla gvmvnnc tani:kvdv:dcm bito, Odokkc agom tadjvgla gvmvnnc tani:kvdv:d yadkumsunc tani:kvdv:dcm cdcmbulum bito.

²⁰Odokkc bulu appv:dc doto odokkc dotvngamsukang. Odokkc dongatnam gempa bi:nc pvyvngkola: pvnyidcm jo:sa:suto.

²¹Odokkc sc:kobulu dotonc donckvdv:dc milbong tani:yc lv:yvng anggokvramkai, nc:ngkvdv:dcmlang ko:kangkvdv:dcm mc:ge:la:gom.

²²Odokkc Bv agom tadjvla gvmvnnc tani:kvdv:dcm ollu:do a:moto odokkc Bvm gvpo:la kekonpc gvpo:dopc mclvgto, Bv yadkumsunc tani:kvdv:dcm mcpan-mcranam sudodcm.

²³Odokkc Bv yadkumsunc tani: kcrcdcm mclvgamge:kula, Bv adi: tayc:pc re:sa:to atcrdc kumkapc cmna. Cdvlo yumcayirka:ji, Bv odo atcrdc dungai,

²⁴ckvdaggom ollu:dc odo ayirdo tcmpvdokkc parlog bojcrungko mo:tc:pc dungai, lu:nc asilo ollu:dc lungo:la lungo:bomla; kapila:nc csardc bulum yulatlvgdagai.

²⁵Odokkc yorang appi:ko lcdudo Bv bulukkodo:pc gvto, siycng asidok gvla.

²⁶Ckvdaggom agom tadjvgla gvmvnnc tani:kvdv:dc Bvm siycng asi talc:dok lambc gvnamdcm cdvlo ka:toji, bulu aipakpc pcsokang, scmpc lula, “Clc uikow!” Odokkc bulu pcsola jc:to.

²⁷Ckvdaggom lomdanna Bv bulum luto, scmpc, “Pcsoyok, sc Ngo:mvn; pcsoma:pc.”

²⁸Odokkc Pitorbv Bvm tawuto, “Ru:tuma, cdc no:mvlo, asi talc:dok nok kcra:do:pc gvla:dopc ngom lulvgtei.”

²⁹Bv luto, “So:pc gvtok.” Cdcmpila Pitorbv ollu:dokkc gvlento odokkc asi tayc:dok gvto odokkc Jisukolo:pc gva:to;

³⁰Ckvdaggom bv cdvlo csardcm ka:toji, bv pcsokang, odokkc jvnga:bomna:yam bv jc:sangkang, “Ru:tuma, ngom moturtei,”

³¹Jisubv vgcmpc Bvk alagcm ma:lenna bvm sogapto, bvm scmpc lula, “C:i adji:ok mc:jvgnc tani:, no kapila mc:mokan?”

³²Odokkc cdvlo bulu ollu:do a:tokunc csardc yurobbomkang.

³³Odokkc ollu:dok du:nckvdv:dc Bvm kumto, scmpc lula, “Aroru:pc no Ru:ncpvnckc Awodc.”

³⁴Odokkc bulu cdvlo kongkotoji, bulu Gennesaret mo:di:p pv:to.

³⁵Odokkc odok tani:kvdv:dc cdvlo Bvm kangkintoji, bulu odo mo:takkvdv:do appv:do:pc taniycm mclvgto odokkc Bvkkolo:pc kincramnc tani:kvdv:dcm langkumamsuto.

³⁶Odokkc Bvk gcnam attardok tu:bvko: gakkvpa:mvlo cmna kumna:sola: luto; odokkc cddv cddvkonc gakkvkaji cdc appv:dc csangamkangku.