Read Mising METIU 19 Bible Online

METIU 19 - Mising bible

METIU 19

¹Jisubv cdcmbulum lungapge:la, Bv Galildokkc gvpakkang odokkc Judia mo:di:dok rvsudo Jordan kekonpc gva:to;

²Odokkc bottcru:nc tani: kcrcngkonc Bvk lcdu lcdulo gvmvnkang,

³Odokkc Parisi:kvdv:dc Bvkkolo:pc gva:to odokkc lukang kangkvto, scmpc lula, “Atvmum lcgangc akonkc nc:ngcm mcpakpa:dokun?”

⁴Bv lubito, “Nolu pokvma:nci sc:kobv lendo-a:dodokkcbong bulum ru:tonc bulum nc:pcla: milbo:pc ru:to cmna, odokkc luto,

⁵‘Kapila:nc sok lcga:pc tani:akonc bvk anncmna: abudcm mcyc odokkc cdc anyidc adin akkongkopc iyc’

⁶Cdcmpidag bulu annyima:bong cmpige:la adin akkongc. Okodcm cdcmpidag Ru:ncpvncbv lckopc imotonc, tani:ycm cdcm ako-akko:pc imopcnammang.”

⁷Bulu Bvm luto, “Kapila cmpcm Mose:bv nc:ng mcpakkunamlok do:jvgcm bilangka cmna lulvgton, odokkc bvm mcpaklangkuka cmna?”

⁸Bv bulum lubito, “Kapila:nc noluk tornc asin tornamkokki Mose:bv noluk nc:ngkvdv:dcm mcpakla:dokupc luto, ckvdaggom lendo-a:dodokkc cdc cdcmpc lumangai.

⁹Odokkc ngo nolum lubidung: sc:kobvi nc:ngcm mcpakyckunc, aima:nc ager gernam lcgangcma:mvlo, odokkc amikolo gvkuma:mvlo, midangmoma:namdcm aima:pc imomang.”

¹⁰Agom mc:jvgla gvmvnnc tani:kvdv:dc Bvm luto, “Avkc nc:dokki ajonnamdc cdcmpci idagmvlo, midagcm mokancimang.”

¹¹Ckvdaggom Bv bulum luto “Sc lunamscm appvng tani:yc torvgsula:mang, ckvdaggom sc:kobulum bitagnc bullong torgsula:dag.

¹²Kapila:nc odokkcbong cdcmpc magma:nc dung, odokkc magma:nc dung sc:kobulum tani:yc magma:ncpc imotonc, odokkc magma:nc akke dung sc:kobulu avyc magma:ncpc isutonc taycng among migomkc dungko mo:pvdok lcgangc. Sc:kobv cdcmpc ila:dagnc bvm imotaka.”

¹³Odo ko:kang kvdv:dcm Bvkkolo:pc gva:boto Bv:jen bulum alagcm pigapla kumbiycpc cmna. Mcjvgla agom tadjvgla gvmvnnc tani:kvdv:dc tani:kvdv:dcm ge:to,

¹⁴cmpige:la Jisubv luto, “Ko:kangkvdv:dcm ngokkoso:pc gva:motoka, odokkc bulum lutumyok; kapila:nc bulukkcmpc inckvdv:dok lcgangcmvn taycng among migomdok dungko mo:pvdc.”

¹⁵Odokkc buluk amvrkvdv:do Bvk alagcm riyitto odokkc gvpakkang.

¹⁶Odokkc ka:toka tani:akonc bvkkolo:pc gva:to, scmpc lula, “Luyirna, turyarla du:nam turnamdcm pa:pc oko ainc ager dcm gerpcru:nammcn?”

¹⁷Odokkc Bv bvm lubito, “No kapila ngom okodc aidagnc tawudang? Ainc akkongko dung. No cdc turnamdcm pa:lv:dagmvlo, lulvgnamkvdv:dcm lukamdcmpci itoka.”

¹⁸Bv bvm tauto “Okodcm?” Odo Jisubv lubito, “No tani:ycm mokeyok, No amikc nc:ngcm la:biyok, no dopso:yok, no lume:pc lukan lubiyok,

¹⁹nok ba:bom odokkc owcm mcnggcsunam mc:langka, odokkc, nok kumrvko:rcm nok avvngkcmpc aipc mc:mvnsulangka.”

²⁰“Ya:me: tani:dc Bvm luto, cdc appv:dcm ngo lukamdcmpci idag su:paksin ngo okodcm ima:dan?”

²¹Jisubv bvm luto, “No appv:lok aiyyampc cmna mc:dagmvlo, gvkang, oko okko du:nc kongapta:kuka odokkc opancm bitok, odokkc nokkc murkong kumsungc du:yckupc: odokkc gvtok, ngok lcdulo gvmvntok.”

²²Cdvlo cdc ya:me amidc cdcm tattonc bv mc:dvrmc:so:la gckangku; kapila:nc bvkkc bojcrungko attarc dungai.

²³Odo Jisubv Bvk agom tadjvgla gvmvnnc tani:kvdv:dcm luto, “Aropakpc ngo nolum lubidung, mircmnc tani:akolokkcpc taycng among migom du:tcng mo:pvpc gvangpc gvla:ma:ycku.

²⁴Lckoda ngo nolum lubidung, u:t gure: lokkcpci pcsiaru:dok gvkurnamdc gvkurla:ycpc mircmnc tani:akonc Ru:ncpvnckc migom du:tcng mo:pvdo gva:namdcmyam.”

²⁵Cdcm tadbegsutoncm kvnggv:pc mc:rasukang, scmpc lula, “Sc:ko cmpcmvlo moturnamdcm pa:la:ycn?”

²⁶Ckvdaggom Jisubv bulum ka:to odokkc bulum luto, “Tani:kcpc cdc ila:ma:namc, ckvdaggom Ru:ncpvnckcpc appvng atvdci ila:nammc,”

²⁷Odo Pitorbv lulatsula luto, “Ka:tok, ngolu appvngcm mcto odokkc nok lcdu lcdulo gvmvndu:bong. Okkom cmpcm ngolu pa:ycn?”

²⁸Jisubv odo bulum lubito, “Aroru:pc, ngo nolum lubidung, anu mo:pvdo, cdvlo tani:kc Awodc Bvk amin gvnc migom dungkodo du:ycnc nolu sc:kobulu ngok lcdu lcdulo gvmvnnc kvdv:dc:sin vyvngkolang anyilok tedkolo tedmvnycku, Israeldok vyvngkolang anyi opvndok kcbangcm ba:langkula.

²⁹Odokkc sc:ko sc:kobvi okumkvdv:dcm mctonc cdcmanggom bvrrangcm cdcmanggom bvrmangcm cdcmmangcm abbom cdcmanggom anncm cdcmanggom ommangcm cdcmanggom amongcm, ngok amin lcgang, cdcmyam lvngkokopc, pa:ycku odokkc lo:dvscm turra dungkunam turnamdcm pa:ycku.

³⁰Ckvdaggom bojcko gvpo:nckvdv:dok lcddarpc iyc, odokkc lcddarkcdc gvpongarpc iycku.