Read Mising METIU 24 Bible Online

METIU 24 - Mising bible

METIU 24

¹Jisubv kumko okumdcm mcge:la gvlendungakui, odvlo Bvk agom tadjvgla gvmvnnc tani:kvdv:dc kumko okumdo kogla kogsa:namkvdv:dcm Bvm lcngkankapc gva:dungai.

²Cmpige:la Bv bulum lubito, “Nolu sc appv:scm ka:begdag, ka:begma:lang nolu? Aroru:pc, ngo nolum lubidung, sok apvkosin akon tayc:do akoncm yoppagma:pc, lc:pagma:yc.”

³Olib Adido cdcmpila tednamc, atckpc agom tadjvgla gvmvnnc tani:kvdv:dc Bvkkolo:pc gva:to, scmpc lula, “Ngolum luteipcn, cdvlo cdcmpc sc iycn, odokkc nok gvlatkunamdok odokkc du:tcr dungapsok anindok kanggoddc okop iycn?”

⁴Odokkc Jisubv bulum lubito “Ansu-ka:sutoka nolum sc:kosin yadyodbomma:dopc.

⁵Kapila:nc ngok amin-minsula bojcrungc gvyc, scmpc lula, ‘Ngo:na Kristobv,’ odokkc bulu bojcrungko gvmurla gvyodboyc.

⁶Odokkc nolu mimag momvnsunamcm odokkc mimag monamlok dc:nc lutadcm tadbegycpc; ka:langka nolum yallo dc:mopckc; Kapila:nc cdcmpc ipcnammc, ckvdaggom odosin gvngapdvdc a:ma:yc.

⁷Kapila:nc mo:pvsok opvnkvdv:dc opvn akon lukam tadma:pc dagrobyc, odokkc migom du:tcng mo:pc migom du:tcng mo:pv lukam tadma:pc dagrobyc, odokkc dobegtv:begma:namc odokkc angu angu mo:dilo tarcmo:tonc tonycpc.

⁸Cdc appv:dc ckvdaggom ko:pa:namlok aki:kinampc kirobla kinamongc.

⁹“Odo bulu nolum mc:dvr-mc:so:dopc imoyc, odokkc mokeyc; odokkc ngok amindok lcgangc appvng opvnc nolum tayumyc.

¹⁰Odokkc odo bojcrungc mcpagamyc, odokkc akoncm akonc miru alaglo tolvgmvnsuyc, odokkc, akoncm akonc tayummvnsuyc.

¹¹Odokkc bojcrungko Ru:nckc agomcm lume:pc lungornc lenna odokkc bojcrungko gvmurla gvyodboyc.

¹²Odokkc aima:pc ager inamc bojcru:pc inam lcgangki, abayang tani:kvdv:dok aipc mc:nam mcngasuyc.

¹³Ckvdaggom sc:kobv du:tcrdungapdo:pc sijcmna du:ycnc bv turycpc.

¹⁴Odokkc sc migom du:tc:dok tadponc lutadscm mo:pv appv:so lungapbiyc, appvng opvnnok lukansubinampc; odokkc cdc gvtcr gvngapdc a:yc.

¹⁵“Cdcmpila cdvlo nolu Ru:ncpvnckc agom lungornc Danielkc lunam mokulupnc napvnarc:ma:ncdcm ka:begycnc, narc:nc dungko mo:pvdo du:dopc (Ponckvdv:dcm mcngkinmotoka, sc:koi podagnc,)

¹⁶Odo Judia:dok du:nckvdv:dc adi:kvdv:do:pc dugamka:lang;

¹⁷sc:ko okum mv:dumto du:nc okum ara:bo bvkkc okko du:ji gvilangkula la:moyokuka;

¹⁸odokkc arvgolok du:ncdcm gvlatlangkula bvk gcnam attarcm la:moyokuka.

¹⁹Odokkc yo:wc:ba:ba sc:kobulukkc amvrro du:ycnc odokkc sc:kobulu anyugcm sunla du:ycnc bulukkc mc:dvrc a:yc!

²⁰Kumtoka noluk duggcnamdcmjen dvgvnno cdcmanggom ager germa:pc yodla du:nam longcdo:ma:ycpc.

²¹Kapila:nc odo okolosinci dungko-ycko kama:nampc iycpc lendoa:dodokkc cdcmpc ikvmang mo:pvso su:paklo:pc, cdcmanggom cdvlosinci ikuma:ycbong.

²²Odokkc cdc longc kvdv:dcm andc:momangamvlo, oko tani:taworcsin turma:ya:pc; ckvdaggom agom tadjvgla gvmvnnc bangula lc:nam kvdv:dok lcgangc cdc longckvdv:dcm andc:moyc.

²³Odo sc:koi akonc nolum luycmvlo, ‘Ka:toka, sidc Kristobv dung!’ Cdcmanggom ‘Vlv: clc Bv dung!’ Cdcm mc:jvgyoka.

²⁴Kapila:nc lume:lunc Kristo odokkc Ru:ncpvnckc agom lume: lungornc tani:yc lenyc odokkc bottcru:nc kanggodcmbulum odokkc mcngapla:ma:nam agercmbulum lcngkanyc, cdcmpc gvmurra gvyodbopc cmna, pagmvlo, agom tadjvgla gvmvnnc balenna lc:namkvdv:dcmci.

²⁵Ka:toka, ngo nolum po:pcbong luno:bitu:bong.

²⁶Cdcmpidag, bulu nolum luycmvlo, ‘Ka:tok, Bv clc sv:lungclc,’ mo:rongolo:pc gvlenyoka; bulu luycmvlo, ‘Ka:toka, Bv arangkc soyardc dung,’ cdcm mc:jvgyoka.

²⁷Kapila:nc yari:yc sangatokkc arra owabo:pc arpv:donc, tani:kc Awodc:sin gvdokudod cdcmv:pc iycpc.

²⁸Okoloi simangc du:ycnc, oddoi sogumkvdv:dc dcngkumsuycpc.

²⁹“Vgcmpc dungko-ycko kamanggcdopc inam longckvdv:dok lcdudo do:nyc ka:lenma:yc, odokkc po:lotc lolatma:yc, takarkvdv:dc do:mvrtokkc kcdledamyc, odokkc do:mvrtok kvnggvngkvdv:dcm tornc atvkvdv:dcm mokugamyc;

³⁰odo tani:kc Awodok kanggodc taycng amo:to lenyc, odokkc mo:pvso tani: appvng opvnkvdv:dc kaptakri:taksuyc, odokkc bulu tani:kc Awodcm do:mvrtok mukkang tayc:lo tornamki odokkc bottcru:nc migangki gvdokupc ka:begyc.

³¹Odo Bvk lutad lunc tani:kvdv:dcm bottaru:pc bc:nc tu:lungki mulla gogyc, odokkc bulu Bvk balenna la:nam tani:kvdv:dcm appv:lokkcm gogkumsuyc, do:mvrtok among du:tcr akolokkc du:tcr akondo:pc.

³²“Tajvg amv:dokkc odok luyirko tattok: odok rcngke:kvdv:dc rcmagla oiyin nginnendanbo:mvloi, nolu kindag dviyc aninka:bong.

³³Cdcmv:pc, cdvloi no cdc atv appv:dcm ka:begycnc, nolu kinna:bongka Bv aninpc pvnga:dungkubong, yabgo ru:yardo:pc.

³⁴Aropakpc, ngo nolum lubidung sc ayirsok tani:kvdv:sc yogma:yc sc atv appv:sc lenma:sisscm.

³⁵Taycng amongtc: odokkc tani:amo:sc yogpagyc, ckvdaggom ngok agomkvdv:dc yogma:yc.

³⁶“Ckvdaggom cdc longcdok ayirdcm sc:kosin kinma:yc, taycngamo:to Ru:ncpvnckc lutad lunckvdv:dcsinci, cdcmanggom Awodc:sin, cmpige:la Abudok atcro:dc.

³⁷Noakc longckvdv:dcmpc, tani:kc Awodok gvdoku longcdc iyc.

³⁸Kapila:nc bottcru:nc pu:mi: asidok po:pckc longckvdvdcmpc bulu dola:-tv:la dungai, midangcm langa:la odokkc midangcm bila dungai, Noakc ja:ji ollu:do a:do longcdo:pc,

³⁹Odokkc bulu kinsutomang pu:mi: asidc bidla bulum appv:dcm bidpu: pulu:la bidam bomma:sisscm, cdcmv:pc tani:kc Awodok gvdokudodo:sin iyc.

⁴⁰Odo tani: anyikonc arvgolo du:yc; akoncm gvboycku odokkc akondcm mcpakyc.

⁴¹Ki:parro nc:ng anyikonc donam vla du:yc; ako gvboycku akondcm mcpakyc.

⁴²“Toya:la du:tok cdcmpidag, kapila:nc nolu kinmang oko longcdo noluk Ru:tumdc gvyckuji.

⁴³Ckvdaggom scm kintoka, okumdok ru:tumdc yumcdok oko ayirdo dopso:dcm gvangkaji cdcm kinya:mvlo, bv darbomsula du:ya:pc odokkc bvk okumdcm dopso:moma:ya:pc.

⁴⁴Cdcmpidag nolusin mosv:sula du:pa:ru:yc; Kapila:nc tani:kc Awodc noluk gvyckupc cmna mc:ma:do ayirardo gvycku.

⁴⁵“Sc:kon cmpcmvlo mc:dapnc odokkc kinnc ager gerya:ncdc, sc:kom bvk ru:tumdc bvk okumcra:d togc:lvgtonc, buluk apincm dodvdo bidopc?

⁴⁶Cdc ager gerya:ncdc aipai pa:nc sc:kom bvk ru:tumdc cdcmpc ila du:dopc bvk gvdokudo pa:yckuji.

⁴⁷Aropakpc, ngo nolum lubidung bvk attar appv:dcm bvkkolo togc:lvgyc.

⁴⁸Ckvdaggom cdc aima:nc pagbodc av avdc lusuyc, ‘Ngok ru:tumdc pvngkuma:da,’

⁴⁹odokkc bvk pagbo ajonkvdv:dcm dcmrobbomyc, odokkc doyc-tv:yc tvngvrsunckvdv:dokki tv:yc,

⁵⁰Pagbodok ru:tumdc longckoncm gvycku cdvlo bv bvm gvyckupc cmna mc:ma:ycji odokkc oko ayirdcm bv kinma:ji, odokkc bvm mogvtomomatycku

⁵¹odokkc bvm agom lc:sula lcngge:la lunckvdv:dok dungkolo lc:yc; odo tani:kvdv:dc kaptaksuycku odokkc buluk a:yckvdv:dcm dokcrcbamsuycku.