Read Mising METIU 28 Bible Online

METIU 28 - Mising bible

METIU 28

¹Cdcmpila Ager germa:pc Yodla du:nam longcdok lcdudo, kvnvd longcdok a:pongarnc longcdok do:nyc arsa:pc ayirdo, Magdalini Meri:bv odokkc akon Mari:bv agodcm kangkapc gvkang.

²Odokkc ka:toka, odo bottcru:nc tarcmo:tonko tonkang; kapila:nc Ru:tumkc Ru:ncpvnckc lutad lunc tani:ko taycng amo:tokkc dc:yi:kang odokkc gva:la vlv:dcm kurkapto, odokkc odok tayc:do tedkang.

³Bvk dumsimigmodc yari:cmpc undagai, odokkc bvk gcnam bomnam kvdv:dc vlv:ta:ngcmpc kampodagai.

⁴Odokkc bvm pcsola mimagmonc dargusubomna du:nc kvdv:dc jingo:sukang odokkc sinc tani:ycmpc ingapkang.

⁵Ckvdaggom nc:ngkvdv:dcm Ru:ncpvnckc lutad lunc tani:dc luto, “Pcsoma:pcka, kapila:nc Ngo kindag nolu Jisumc madung sc:kom kuruslo moketonc.

⁶Bv sc kamang; kapila:nc Bv turkangku, Bv kapci lukaji. Kajc ka:tak, agoscm.

⁷Odokkc lomdanna gvkangkuk odokkc Bvk agom tadjvgla gvmvnnc tani:kvvdv:dcm lubita:kuk Bv:jc sikolokkc turkangku cmna, odokkc ka:tok, Bv nolum gvpo:la Galilolo:pc gvdag; olo nolu Bvm ka:begycpc. Ka:lang, ngo nolum lubitu:bong.”

⁸Cdcmpila bulu lomdanna gvkangku agodokkc pcsola odokkc airu:pc mc:pola, odokkc Bvk agom tadjvgla gvmvnnc tani:kvdv:dcm lubikakupc dugla gvkangku.

⁹Odokkc ka:toka, Jisubv bulum rvgsuto odokkc luto, “Ayc:!” Nolu aika:lang odokkc bulu gva:la Bvk allcm pigapto odokkc kumto Bvm.

¹⁰Odo Jisubv bulum luto, “Pcsoma:pcka; gvkang odokkc ngok bvrokvdv:dcm lubita:ka Galilpc gvdopc, odokkc olo bulu ngom ka:begycpc.”

¹¹Bulu gvdokudo ka:toka, mimagmonckvdv:dok akke nogordo:pc gvdungakui odokkc dormo ager gernckvdv:dok bottarya:nckvdv:dcm kapc kapc ika:ji appv:dcm lungapbito.

¹²Odokkc cdvlo bulu abv:nckvdv:dokki gvkumsutonc odokkc ru:sutonc, murkong asudko bulu mimag monc kvdv:dcm bito odokkc luto,

¹³“Tani:kvdv:dcm lubilang, ‘Bvk agom tadjvgla gvmvnnc tani:kvdv:dc yummcm gvka odokkc ngolu yubla du:dodcm dopsobomkang.’

¹⁴Odokkc cdc amo: ru:tumdok yeru:lo tadbegycmvlo, ngolu bvm luyin-ludoro:pc odokkc nolum atvkosin imoge:mang.”

¹⁵Cdcmpila bulu murko:dcm la:to odokkc buluk lukamdcmpci ito; odokkc silolo:pc sc do:yv:scm Jiwudi: kvdvv:dok ara:lo kinabdag.

¹⁶Cdcmpc agom tadjvgla gvmvnnv tani: vyvngkola: akodc Galilpc gvkang, bulum oko adi:do:pc Jisubv gvlangka cmna lutagaji.

¹⁷Odokkc bulu Bvm ka:begto odokkc Bvm kumto; ckvdaggom akke mc:mokang.

¹⁸Odokkc Jisubv gva:la bulum luto, “Appvng ilang-gvlangcm taycngamo:to odokkc tani:amo:so ngom bitung.

¹⁹Gvkang cdcmpiga:lok odokkc appvng opvncm agom tadjvgla gvmvnncpc badmota:ka, bulum baptismongcm bila: bila: Abukc odokkc Awodok odokkc Angunnc Yalodok aminno,

²⁰nolum ngok lulvgnam appv:dcm luyirra bulum; odokkc ka:lang, ngo lo:dcm noluk lcdulo dung, sc ju:gsok du:nam longcdok dungapdodo:pc.”