Read Mising MARKKC 4 Bible Online

MARKKC 4 - Mising bible

MARKKC 4

¹Lckoda siycng asi ru:yido luyirrobbomkang. Odokkc Bvk dungkodo bottcru:nc tani:kcrcngko yadkumsukang, cdcmpc ika:nc Bv ollungkolo angkang odokkc odo tedtungkang siycng ara:do ollungkolo a:la; odokkc tani: kcrcng appv:dc siycng ru:yido amo:do dungkang.

²Odokkc bojcrungko agomcm kvkanbinam do:yvngki bulum luyirto, odokkc Bvk luyirkodo Bv bulum luto:

³“Tattoka! Amni: pidnc tani:konc pidkapc gvkangai.

⁴Odokkc bv pidla gvnamc, amni: akke lambc ru:yido kcdledkang odokkc pcttangkvdv:dc dcnga:la pala dopagamto.

⁵Ake amini:kvdv:dc vlvng kanc amo:lo oledkang, okolo bojcko among kamangaji, odokkc lomdanna cdc sangkang, cdc amongc ara:bo:pc kama:la:yam;

⁶Odokkc cdvlo do:nyidc sangka:nc cdcm ka:sanbomkang, odokkc cdcbulu appvr kama:la:yam sanpakkang.

⁷Ake amni:dc ta:ngara:lo odokkc ta:ngkvdv:dc sangkang odokkc ta:ngkvdv:dc ma:rumbomkang, odokkc cdc a:yc e:tomang.

⁸Odokkc ake amni:kvdv:dc ainc amo:lo dc:yi:kang odokkc a:yc engkang, sangkang odokkc bojcbomna vyvng awumko odokkc vyvng akkcngkopc odokkc lvngkokopc.”

⁹Odokkc Bv luto, “Sc:kkc yerungc du:nc tadpc, bvm tadmotoka.”

¹⁰Odokkc cdvlo Bv atcrong dunganc, Bvk lcdulo sc:kobulu du:mvndunganc vyvngkolang anyidokki lckopc Bvm tawuto kvkanna kvbinam do:yv:dok agomcm.

¹¹Odo Bv bulum lubito, “Nolum Ru:ncpvnckc migom dunggcnam amo:dok ncrkvg agomdcm lubitung, cmpige:la mo:rongkc du:nckvdv:dcm appvng agomdcm kvkanbinam do:yvngki lubidung;

¹²Odomvlo bulu aroru:pc ka:yc ckvdaggom mcngkima:yc, odokkc aroru:pc tadycpc ckvdaggom tadkinma:yc; ckvma:mvlo bulu gvlatycku, odokkc mc:yinsuycku.”

¹³Odokkc Bv bulum luto, “Nolu sc kvkanbila kvnam do:yv:scm tadkinma:lang? Kapc cmpcmvlo appvng kvkanbila kvnam do:yvngkvdv:dcm tadkinycn? Amni: pidncdc agomdcm piddag.

¹⁴Odokkc lambc ru:yidokkc kvdv:dc, okolo agomdcm pidlvgdaganc;

¹⁵cdvlo bulu taddaganc, Satandc:sin oddung gva:dag odokkc agomdcm la:pakdag bulukkolo pidlvgnamdcm.

¹⁶Odokkc sc:bulu cdcmv:pc vlvng kanc amo:lo pidnamkvdv:dc, sc:ko, cdvlo bulu agomdcm tadycnc, oddung cdcm mc:popc tadlvgsudag;

¹⁷Odokkc bulukkc ayvkc appvrc kasumang; cmpige:la asudowongko du:dag; odokkc, cdvloi asin mc:dvrmc:songc cdcmanggom ipusire:yc lenycnc agomdok lcgangc, oddung bulu avkc kumnamcm mcpakdag.

¹⁸Odokkc akedc cdcbuluna ta:ng ara:do pidnamkvdv:dc; bulu cdc bulu sc:kobulu agomdcm taddagnc, cmpige:la mo:pvsok mc:namsagnamkokki,

¹⁹odokkc mircmnammcm mc:bola, odokkc ake attar lcgangc mcngkolo, odokkc agomdcm nv:rumbomdag, odokkc cdc attv kamang cmna lcngkandag.

²⁰Cmpige:la cdc ainc amo:do pidnamkvdv:dcbuluna sc:kobulu agomdcm taddagnc odokkc cdcm torvgsudag odokkc a:ycm e:dag, vyvng awumkopc odokkc vyvng akkcngko odokkc lvngkokopc.”

²¹Odokkc Bv bulum luto, “Saraki akoncm tvgc:nancdok kcvgdoi lc:pcnammcn, cdcmanggom yubnanc asub kcyvglo:nci, odokkc cdcmanggom tvsa:la lc:nanc taycngkolo:ma:lang?

²²Kapila:nc okkomsin lc:sinam kamang, lcngkanpc lcgangcmamvlo; cdcmpcmanggomsin lc:sila lc:mang.

²³Tani:akomumlokkc tadnannc ycrungc du:mvlo, bvm tadmotoka.”

²⁴Odokkc Bv bulum luto, “Ansulangka nolu okkom taddoji; nolu okoki kvla biycnc odok kvddvngko nolu pa:yc, odokkc nolu bojcyangkoda pa:yc.

²⁵Kapila:nc sckkc bojcyangko du:nc bvm bojcyangko biyc; odokkc sckkc kama:nc, bvkkolokkcm okodc du:nc cdcmsinci bompakycku.”

²⁶Odokkc Bv luto, “Ru:ncpvnckc migompc dungko amo:dc amo:lo amni: pidnc tani:koncmpc innc,

²⁷Odokkc yummcm longgcm yubdom darobdowcm, cdc amni:dc sa:la bottcdag, bv kinmang kapci sa:dagnc.

²⁸Amongc cdcm avyc lenmodag, lenpongarpc anncdc lendag, odokkc jamsutla lennc tu:bvdc odokkc odo jamkodo appvng a:ycdc.

²⁹Cmpige:la cdvlo a:yc appv:dc minycnc, lomdanna bv gadnanc kasscm bomna gaddag, kapila:nc a:m gaddv angka:bong.”

³⁰Odokkc Bv luto, “Okokokki ngolu Ru:ncpvnckc migompc ila du:tcng amo:dcm luyv:suycn, cdcmanggom oko kvkanbila kvnam do:yvngcm cdcm kvnaycn?

³¹Cdc pctu ammo apirkoncmpc idag, okodc, cdvlo amo:do pidlvgycnc, appvng ammolokkcmyam pirme:ya:ncpc mo:pvso idag;

³²ckvdaggom cdvlo cdcm pidlvgycnc cdc sa:dag odokkc mv:me:nc appvng agrubnc vsvngkvdv:dcmyam bottaya:dag, odokkc bottapaknc rcngke:ycm rc:lendag, do:mvrtok dcngo:nc pcttang kvdv:dc:sinci odok rcngke:do asubcm mola:dag.”

³³Cdcmpinc bojcrung kvkanbinam do:yvngki Bv agomdcm bulum lubito, bulu cdcm tadla:namkopc;

³⁴Bv kvkanbinam do:yvngkokkima:pc bulum agomcm lutomang, ckvdaggom Bvk avkc agom tadjvgla gvmvnnc tani:kvdv:dcm Bv appv:dcm lulenlua:la lubito.

³⁵Longckoncm, yumc ayir a:namc, Bv bulum luto, “Kajc kekonolo:c gckongkai.”

³⁶Odokkc yadkumsunc tani:dcm mcge:la, bulu Bvm ollu:do ko:bomkang, kapc Bv dungaji cdcmv:pc. Odokkc ake ollungkvdv:dcsin Bvk lcdulo dungai.

³⁷Odokkc bottapaknc csarko sarrobkang, odokkc lu:nc asikvdv:dc ollu:dcm lu:rumbomkang, ollu:dc cdcmpila assc bingkang.

³⁸Ckvdaggom Bv ollu:dok kungko:bo dungai, mittukdcm dumpa:do dumjcmla yubla dungai; odokkc bulu Bvm urrobge:la luto, “Luyirna, ngolu singapmvlo no ka:ma:bo:nci?”

³⁹Odokkc Bv darobge:la csardcm morvdtto, odokkc siycng asidcm luto, “Aso:pc du:tok! Aso:pc du:tok” odokkc csardc yungasukang, odokkc odo aipakpc ronggamkang.

⁴⁰Bv bulum luto, “Kapila nolu pcsodon? Nolukkc mc:jvgc kama:nci?”

⁴¹Odokkc bulu aipakpc pcsokang, odokkc akonc akoncm luka:mvnsuto, “Sc cmpcmvlo sc:koji, Bvmjc csarcla: siycng asscsin lukamdcmpci taddagnc?”