Read Mising LU:KKC 12 Bible Online

LU:KKC 12 - Mising bible

LU:KKC 12

¹Odo cdcmpc idodcmci, cddv lvngkokojc: tani:yc yadkumsuka:nc jc bulu akonc akoncm sa:tupsa:somvnsukang, Bvk agom tadjvgla gvmvnnc tani:kvdv:dcm lusa:danna Bv lurobbomkang, Parisi:kvdv:dok komira:dcm ansulangka, okodc lc:sula aima:pc ager inamgvnamcji.

²Okodcm lenpcma:nc akosin takkomla lc:nam kamang.

³Cdcmpidag nolu oko okkomci kcmolo luycnc pva:lo tadbegamyc, odokkc nolu angupc ara: soyarlo oko okkomci pvsvpasapc luycji cdcm okum mv:dumtalc:tokkc lutadla lubiyc.

⁴“Ngok ajonkvdvnga, ngo nolum lubidung, amvrcm sc:kobulu mokedagnc bulum pcsoyoka, odokkc bulujc okkomsin ila:ma:nc.

⁵Cmpige:la ngo nolum lubipc sc:kobulum nolu pcsopcnamcji: bvm pcsolangka, sc:kobv mokege:la:sin, bvm uiamo:pc mclvgdagji; c: ngo nolum lubidung, Bvm pcsotoka!

⁶“Paksurung pirngodcm amcr pirnyo:lok koma:lang? Odokkc odobuluk apirkosinci Ru:ncpvnckc kcra:lo mitpanmang.

⁷Kapcnc noluk tukkukvdv:dok dumvt appv:dcmsinci kvngapla lc:tung. Pcsoyoka, nolu paksurung bojcrungcmyamsinci nolu arc kaya:nc.

⁸“Odokkc ngo nolum lubidung, tani: kvdv:dok kcra:lo ngom lukansunc appv:dcm, tani:kc Awodc:sin Ru:ncpvnckc taycng among lutad lunc kvdv:dok kcra:do lukansuyc;

⁹Cmpige:la tani:kcra:do sc:ko ngom lupaksuycji Ru:ncpvnckc taycng among lutad lunckvdv:dok kcra:lo lupaksuyc.

¹⁰“Odokkc tani:kc Awodcm lupakla lunam agom appv:dcm mc:yinsuycpc; cmpige:la sc:kobv Angunnc Yalodcm aima:pc luycnc mc:yinsuma:yc.

¹¹Odokkc cdvlo bulu nolum kumko okumkvdv:do:pc odokkc migom donc kvdv:do:pc odokkc ilang gvla:nckvdv:do:pc nolum gva:boycnc, okkomna lubipcnamcnc cdcm mc:dvryoka cdcmpcmanggom nolu okkom lupcnammcji;

¹²kapila:nc Angunnc Yalodc nolum odo ayirardo okkom no lupcnammcji luyirycpc.”

¹³Yadkumsunc tani:kvdv:dok akonc Bvm luto, “Luyirna, ngok ba:bukolok pa:pcnam attarkvdv:dcm orpansudopc ngok abv:nc bvrodcm luteipcn.”

¹⁴Cmpige:la Bv bvm luto, “C:i tani:ya sc:ko ngom nok kcba: ba:bincpc cdcmanggom orpansubincpc imotang?”

¹⁵Odokkc Bv bvm luto, “Ansutoka, odokkc ka:bomc:bonam appv:lokkcm avyc ansula du:langka; kapila:nc tani:akolok turnamdc bvk bojcrungko attar kanamsv:nam-dokkimang.”

¹⁶Odokkc Bv bulum kvkanla kvbinam do:yvngko kvbito, scmpc lula, “Mircmnc tani:akolok amo:lo airu:pc arvgc aikangai;

¹⁷Odokkc bv avdc avyc mc:suto, ‘Ngo okkom iyya:n, Kapila:nc ngokkc arvgcm lcngkumkowwo okolosin kamang.?’

¹⁸Odokkc bv luto, ‘Ngo scmpc iyc: Ngok kumsung kvdv:dcm adpenpo:ycku odokkc so:taya:nckkc moycku; odokkc odo ngok a:mkvdv:dcmlang attarkvdv:dcm lcngkumsula lc:yc.

¹⁹Odokkc ngo ngok asinscm lusuyc, Asina, nokkc bojcrungko attarcm dv:tak bojcru:lokkcpc mckumsutobong; no du:mantoka, dotok, tv:tok, mc:pomcngantoka.’

²⁰Cmpige:la Ru:ncpvncbv bvm luto, ‘C:i monbanga! Siyumkc yumcscm nok yalodcm bompakycku; odokkc nok mosv:nam attarkvdv:dc, sckkcpc cdcbulu iycn?’

²¹“Cdcmpidag sc:kobv avkcpc murkong lcngkumsudonc, odokkc Ru:ncpvnckcpc mircmmang.”

²²Odokkc Bvk agom tadjvgla gvmvnnc kvdv:dcm luto, “Cdcmpidag ngo nolum lubidung, noluk turra du:namkvdv:dok lcgangc mcngkesula siyoka, nolu okkom doyya:ncm, cdcmaggom noluk amvrkvdv:dok lcgangc okkom gcycncm cmna.

²³Kapila:nc turra du:namdc donamcmyam bottcya:nc, odokkc amvrdc gcnam bomnamcmyam bottcya:nc.

²⁴Agro pvagkvdv:dcm kangkvtoka bulu pidma:sin, gadma:sin, bulu:kkc lcngkum la lcngkoba: kumsungc kamang, odokkc ckvdaggom Ru:ncpvncbv bulum domodag. Cdc pcttang kvdv:dcmyam cddvko bojcya:pc nolu:kkc arrc du:nc!

²⁵Odokkc nolukkolok sc:kobv mc:dvrra avk turra du:namcm lagdukopci araimola:dang.

²⁶Cdcmpcmvlo nolu cdcmpinc adjio:nc agerkoi gerra:mvlo, akedok lcgangc kapila mc:dvrdang?

²⁷Elug appun kvdv:dcm mcngkvtoka, kapc bulu sa:dagji; bulu agerkosin germang attarkosin summang; ngo nolum lubidung ckvdaggom, Solomonbv:sinci bvk mircm appv:dokki odokbuluk akodokkvddvkoi mosv:sumangai.

²⁸Cmpige:la Ru:ncpvncbv cdcmpc arvgolok ncsindcm silo turra du:ncdcm gcnamcm moru:lvgdagnc odokkc yampo mcramlo rompakdagnc, nolum cddvko bojcyangko Bv attarcm molvgycsong, c:i adjio:ko mc:jvg kanc tani:kvdvnga!

²⁹“Odokkc okkom nolu doiya:ncm odokkc okkom tv:yan cmna mayoka, cdcmanggom asinc mc:dvr-mc:so:yoka.

³⁰Kapila:nc sc mo:pvsok ope:ncgvng appv:sc cdc appvng attarkvdv:dcm madag; odokkc noluk Abudc kindag nolumjc cdcmbulum lagidag cmna.

³¹Cdcmyam, Bvk migom doko mo:pvdcm matoka, odokkc cdc attar kvdv:dc nolu:kkcpc cdcmv:pc iycpc.

³²“Pcsoyoka, adjio:nc kcrcnga, kapila:nc cdc noluk Abukc aipc mc:pola nolum migom doko mo:pvdcm bipc cmna mc:du:bong.

³³Noluk attar du:nc appvngcm kopagamtok, odokkc kogo:ncm binamkvdv:dcm bitoka, akuma:nc sogcncm nolu avkcm avyc mosv:sutoka, taycngamo:tok jidma:nc murkong lcngkumnancko, okolo oko dopsongcsin gva:ma:ji odokkc tabvncsin pvdmvgma:ji.

³⁴Kapila:nc okolo nok murkongc du:ycnc, oddoi noluk asinkvdv:dc du:yc.

³⁵“Noluk vgvngkvdv:dcm yc:rcgsula lc:langka odokkc saki: kvdv:dcm dorra du:motoka,

³⁶odokkc sc:kobuluk ru:tumdc midang okumkolo donam tv:namkolokkc gvkupcnncm toya:la du:nc tani:kvdv:dcmpc idagnc ilangka, odomvlo bv cdvlo gvlatlangkula yabgodcm ranku:ycji bvm vgcmpc moge:bila:ycpc.

³⁷Cdc ager gerya:nc kvdv:dc gernc pu:nc sc:kobulum ru:tumdc cdvlo Bv gvlatyckuji darra du:dopc gvpa:suyckuji; aropakpc, ngo nolum lubidung, bv av avycm mosv:suyc odokkc doko tcbuldo teda:ma:yc, odokkc bv gvlangkula bulum donam tv:namcm sagbiycku.

³⁸Bv jodi ayir akondo:mam awum ayirdo gvkumvlo, odokkc bulum cdcmpc ila du:dopc ka:begycku, cdc ager gerya:nc kvdv:dc gernc-pu:nc!

³⁹Cmpige:la scm kintoka, okumdok ru:tumdc cdvlo dopsodc gva:ycji cmna kinya:mvlo, bv bvk okumdcm dopsomoma:yai.

⁴⁰Nolusin mosv:ru:supa:yc; kapila:nc tani:kc Awodc mc:pa:ma:do ayirdo gvycku.”

⁴¹Pitorbv luto, “Ru:tuma, sc kvkanbinam do:yv:scm ngolumong kvbidu:nci cdcmanggom appvngkc lcgangc kvbidu:nci?”

⁴²Odo Ru:tumbv luto, “sc:kobvn cmpcmvlo mc:jvgncla: mc:jvg kinncdc, sc:kom bvk ru:tumdc Bvk okumdok appv:dok ka:bomdagbomncpc togc:lvgycnc, bulum dodvlo donamcm bidopc?

⁴³Cdc ager gerya:ncdc gerncpu:nc sc:kom bvk ru:tumdc cdvlo bv gvyckuji cdcmpc idopc ka:begyckuji.

⁴⁴Aropakpc ngo nolum lubidung, bvk mitcmircm appvngcm bvm togc:lvgyc.

⁴⁵Ckvdaggom cdc ager gerya:ncdc avdc lusumvlo, ‘Ngok Ru:tumdc gvkankumangcida,’ odokkc ager gernc nc:ngkvdv:dcmna: milbong kvdv:dcm dcmrobbomyc, odokkc dola:-tv:la:la tvngvrsuyc,

⁴⁶ager gerya:ncdok ru:tumdc longckoncm gvycku cdvlo bv gvyckuji cmna mc:pa:ma:ycji odokkc bvk kinma:nam ayirkolo, odokkc bvm mogvtmomatycku, odokkc mc:jvgma:nc kvdv:dok lcdulo lc:ycku.

⁴⁷“Odokkc cdc ager gerncdc sc:kobv bvk ru:tumdok mcngkamcm kindagaji, ckvdaggom mosv:sutoma:ji cdcmanggom bvk mcngkampc agercm gertoma:ji, kvnggv:pc dvngkosupa:ycku.

⁴⁸Cmpige:la sc:kobv kinmangaji, odokkc okodcm dvngkosupcnammcnc cdcmpin agercm gertoji, adji:ko dvngkosupa:toku. Appvngcm sc:kobulumci bojcrungko bitu:ji, odogvng-kvddvko bvkkolok maycku; odokkc tani:kvdv:dc sc:ko cddvkopc bitungaji cdcmyam bojcyangko maycku.

⁴⁹“Ngo mo:pvso vmmcm crrvgkapc gvdung; odokkc yowycv cdc su:pagvng dorsa:ya:mvlo!

⁵⁰Ngo baptismo akokokki baptismo pa:pcnammc; odokkc cdcm ingapma:sisscm ngo cddvkojc gebdu:nc!

⁵¹Nolu mc:dagnci ngo nolum mo:pvso mc:pom bikapc gvdung cmna?

⁵²Ma:, Ngo nolum lubidung cmpige:la cdcmyam ncrkvgpc ludanmvlo angusunamcmmvn; kapila:nc cdcmpila okum crangkonc kongokopc angusuyc, awumkonc anyidok birudi:pc odokkc anyikonc awumdok birudi:pc;

⁵³abudcm awodok birudi:pc odokkc awodc abudok birudi:pc, ancdc omcdok birudi:pc odokkc omcdc bvk ancdok birudi:pc, ayodc yamc:dok birudi:pc odokkc yamc:dc bvk ayodok birudi:pc, bulu angu suyc.”

⁵⁴Bv yadkumsunc tani:kvdv:dcmsin luto, “Nolu cdvlo owa:bo mukkang yvsa:dopc ka:begycnc, nolu vgcmpc ludo, ‘pcdongc osa:du:bong;’ odokkc cdc cdcmv:pc idag.

⁵⁵Odokkc nolu cdvlo pcya:bokkc csar yusa:nammcm ka:ycji nolu ludo, ‘Kvnggv:pc guyc cmna’ odokkc cdc cdcmv:pc idag.

⁵⁶C:i agom lc:sula lunckvdvnga! Nolu mo:pvsokkcmlang do:mvrtokkcm kangge:la kapc idagji lukurra lubijo:dag; cmpige:la nolu kapila silo-mclokc ayircm kapc idagji lubila:man?

⁵⁷“Odokkc nolu kapila avyc avkcm kcbangcm ba:suma:n okodc arodagji?

⁵⁸Nom migomkcbang ba:bincdo:pc gusor moncdok lcdulo gvdodcm, bvkkokki agomdcm lumitpc cmna kvnggv:pc anka:la ka:langka lambcdo gvdodcmci, ckvma:mvlo bv nom kcba: moncdo:pc tvga:bomyc, odokkc kcba:moncdc daruga:do:pc togclvgyc, odokkc nom makana:lo tumyc.

⁵⁹Ngo nolum lubidung no lcddarkc amcrdcmsin dorma:sisscm gvlenkuma:yc.”