Read Mising LU:KKC 20 Bible Online

LU:KKC 20 - Mising bible

LU:KKC 20

¹Longckoncm, kumko okumdo Bv luyirra du:dodcm, dormo ager gernckvdv:dok bottarya:nckvdv:dc odokkc ainc agom luyirnckvdv:dc odokkc abv:nc tani:kvdv:dc gva:to odokkc luto,

²“oko ilang-gvlangkokki no sc ager kvdv:scm idu:n ngolum lutei, cdcmanggom nom sc ilang gvla:namscm bincdc sc:kobv:n.”

³Bv bulum lubito, “Ngo:sin nolum tawunam agomko tadpc; ngom su:pak lutei,

⁴Jo:nkc baptismodc taycng amo:tokka:yc cdcmanggom tani: kvdv:dokka:yc?”

⁵Odo bulu akoncm akonc luka:mvnsuto, “scmpc lula, ‘Ngolu taycng amo:tokkc, cmna lumvlo,’ Bv luycpc, ‘Kapila nolu Bvm mc:jvgtoma:n?’

⁶Cmpige:la ‘Tani:kvdv:dokkc,’ cmna ngolu lumvlo, tani:kvd:dc ngolum vlvngkokki gckeyc; kapila:nc bulu kindagai jc Jo:nbv lungor lunckai.”

⁷Cmpige:la bula luto cdc okolokka:ji kinmang.

⁸Odokkc Jisubv bulum luto, “Ngosin nolum oko ilang-gvlangkokki ngo agerkvdv:scm idu:ji lubimang.”

⁹Odokkc Bv tani:kvdv:dcm sc kvkanbila kvnam do:yvngscm kvrobbombikang: “Tani:akonc angur ba:ri:ko itungai, odokkc arvg inc kvd:dcm cdcm togc:lvgto, odokkc among akonkolo:pc bojcru: longc lcgangc gvkang.

¹⁰Ayirc cdvlo angka:ji, bv ager gerya:nc ako arvg inckvdv:do:pc mclvgto, bulujen bvm angur ba:ri:dok a:yc asudowko biycpc cmna; cmpige:la arvg inckvdv:dc bvm dcmto, odokkc bvm anggara:pc mclvgtoku.

¹¹Odokkc bv ager gerya:nc akoda mclvgto; bvmsin bulu dcmto odokkc anyi:sudopc ipusire:la ito.

¹²Odokkc bv ckvdaggom lcumdo akoda mclvgto; cdcm bulu i:yc lendopc dcmjogto odokkc ru:yolo:pc crrennvgto.

¹³Odo angur ba:ri:dok ru:tumdc luto, ‘Ngo o:ko iyya:n? Ngok mc:bomsunam awodcm ngo mclvgyc; bvmdan bulu mcnggcsuycpc.’

¹⁴Cmpige:la cdvlo arvginckvdv:dc bvm ka:begtoji, bulu av avdc lusuto, ‘Sc:na ro:yampopc du:pcncdc; kajc bvm mokelai, pa:pcnamdc ngolukkolo:pc pvnga:ycpc.’

¹⁵Odokkc bulu bvm angur arvgdokkcm crrennvgto odokkc moketo. Angur arvgdok ru:tumdc okkom bulum iycsong?

¹⁶Bv gvyc odokkc cdc arvg inc appv:dcm mokkeyamyc, odokkc angur arvgdcm ammem bingapyc.” Bulu cdvlo cdcm tattoji, bulu luto, “Ru:tumbv cdcmpc imomangka:langka!”

¹⁷Ckvdaggom Bv bulum ka:to odokkc luto, “Cmpcmvlo sc okodcm adtu:n: ‘Okum monckvdv:dc oko vlvngardcm aimang cmna mcpaktagaji sungkendok dunggcnc vlv:pc ikang?’

¹⁸“Odo vlv:taycdo ogannc appv:dc intung intu:pc otvrr omvrsuyc; cmpige:la cdvloi cdc sckkaikc tayc:lo oganycji cdc bvm ncrmvg-mvrvgyc.”

¹⁹Abvg adgabnc kvdv:dc:lang dormo ager gernckvdv:dok bottarya:nckvdv:dc odo ayirardo bvm alagki sogappc cmna mcngkvto, cmpige:la bulu tanikvdv:dcm pcsokang; kapila:nc buluk agom lukampc luma:pc cdc kvkanbila kvnam do:yv:dcm kvto cmna bulu tadkinsuto.

²⁰Cmpila bulu Bvm kanggabbomto odokkc kinmango:pc gagnc tani:kvdv:dcm mclvgto, sc:kobulu aiyo:nc tani:ycmpc lcngkantoji, jc Bv okodcmci luycji bulu tadgabdag cmna mc:ycpc cmna, odomvloyam Bvm amo:ru:tumdok ka:bomkolo:pc tolvgla:dopc cmna.

²¹Bulu Bvm tawuto, “Luyirna, ngolu kindag no aropc agomcm ludag odokkc aropc luyirdag, odokkc oko agomcmsin atckpc lcngkanmang, ckvdaggom aropakpc Ru:ncpvnckc lambcdcm luyirdag.

²²Kaesarmc murkong binamdc lujvg lurodcmpc idonci ima:nci?”

²³Cmpige:la Bv buluk aima:n asin mc:namkvdv:dcm kinto, odokkc bulum lubito,

²⁴“Ngom murkong apirko bi:ka. Sc sckkcmpc inc dumsimigmom arrvgtang?” Bulu luto, “Kaesarkc.” Bv bulum lubito

²⁵“Cmpcmvlo Kaesarmc bipcnam attarkvdv:dcm Kaesarmc bitoka, odokkc Ru:ncpvncmc Ru:ncpvnckc attarkvdv:dcm bitoka.”

²⁶Odokkc bulu tani:kvdv:dok kangkolo Bvk okkom lutoji odok lcga:pc sogap la:tomang; ckvdaggom Bv agom lutadnamdcm tadngaksula bulu aso:pc dungkang.

²⁷Odo Saddusi: akke Bvm kangkapc gva:to, sc:kobulu lckoda turkunamc kamang cmna ludagaji,

²⁸odokkc bulu Bvm tawunam agom ako scmpc lula tadto, “Luyirna, Mose:bv ngoluk lcgangc adtojc tani: akolokkc bvrokonc siycmvlo, nc:ngc du:nckonc cmpige:la ommang kama:pc, cdc tani:dc nc:dcm la:pa:ru:yc odokkc bvk bvrodok lcga:pc ommangcm ola usa:yc.

²⁹Cmpige:la bvro anggoko dungai; abvngarncdc nc:ngko la:to, odokkc ommang kama:pc sipakkang;

³⁰odokkc akondc:la odok akondc:sin bvm la:to,

³¹odokkc cdcmv:pc kvnvdpakdc ommang akosin katomang odokkc sikang.

³²Lcdupc cdc nc:dc:sin sikang.

³³Lckoda turdokudo, cmpcmvlo, sckkcpc cdc nc:dc iyckusong? Kapila:nc kvnvdpakdc bvm nc:pc langka.”

³⁴Odo Jisubv bulum lubito, “Sc ayir sok ommang kvdv:sc midangcm modag odokkc midangcmsin mola bidag;

³⁵Cmpige:la sc:kobulu odo a:pcnc ayirdok lcga:pc angkupcnnc cmna kvtc:tagnc odokkc lckoda sikolokkc turdokudodcm midangcm moma:pc cdcmanggom midangcm bima:ycsin, kapila:nc bulu lckoda cdvlosin silangkuma:bong,

³⁶kapila:nc bulum taycng among lutad lunckvdvngcla Ru:ncpvnckc ommang kvdv:dcmpc imotagbong.

³⁷Cmpige:la sinckvdv:dc:jc turkangkunc, Mose:bvsinci lcngkanto aglubnc vsvng amv:dok agomdo, okolo bv Ru:tummc gokkaji Isahakkc Ru:ncpvncbv odokkc Jakobkc Ru:ncpvncbv.

³⁸Cdcmpila Bv sinckvdv:dok Ru:ncpvncmang, cmpige:la turnckvdv:dok Ru:ncpvnnc; kapila:nc Bvk lcgangc appvngc turra dung.”

³⁹Odokkc agom adgabnc kvdv:dok akke luto, “Ru:ncpvnna, no aiyo:pc luto.”

⁴⁰Kapila:nc bulu oko agomcmsin tawupc a:ng pvtamang.

⁴¹Cdcmpila Bv bulum luto, “Bulu kapc lula:dang Kristobv Dawidkc aowo cmna?

⁴²Kapila:nc Dawidbv avdc avyc Ni:tomkvdv:do lusutag, ‘Ru:tumdc ngok Ru:tummc luto, Ngok lagbvkkc alagdo tedtok.’

⁴³Nok mircmkvdv:dcm nok alc sanggc:nanc kungke:pc ikuma:sisscm.

⁴⁴Dawidbv Bvm Ru:tum cmdag; cdcmpidag kapc bv Bvk awopc ika:nc?”

⁴⁵Odokkc appvng tani:kvdv:dok tadde:pc Bvk agom tadjvgla gvmvnnc tani:kvdv:dcm Bv luto,

⁴⁶“Agom tadjvgla gvmvnnc tani:kvdv:dcm ansulangka, sc:kobulu arai arainc attarcm gcge:la gvlv:dagji, odok attar kokorckolo kumtadsunamcm madagji odokkc kumko okumkvdv:do aiyyangarnnc dungko kvdv:dcm odokkc bottcpc donam-tv:nam ikolo mcnggcsunamlok dungkolo du:dagji,

⁴⁷Sc:kobulu tumbonc:ngkvdv:dok okumkv-dv:do dopak-tv:pak bidagji odokkc araipc kumnamcm kumdagji. Bulu bottarya:nc mokemomarcm pa:ycku.”