Read Mising 1 KORINTIANG KVDVNG 3 Bible Online

1 KORINTIANG KVDVNG 3 - Mising bible

1 KORINTIANG KVDVNG 3

¹Cmpidag ngo, bvrokvdvnga, nolum taycng among agom kinnc tani:ycmpc lusa:la:tomang, cmpige:la adinamvr tani:kvdv:dcmpcpak, kowocmpc Kristokolo.

²Ngo nolum gakvrcm tv:moto, tornc apinmang; kapila:nc nolu odok lcga:pc mosv:sumangada; odokkc cdcmpidaggom nolu mosv:sumangai,

³Kapila:nc nolu su:paksin adinamvrdokkc. Kapila:nc cdvloi ncka:mvnsunammclang pamvnsunamc nolukkolo du:ji nolu adin amvrdokkcma:lang, odokkc cmmum tani:ycmpc ima:sa:ma:lang?

⁴Kapila:nc cdvlo akonc luycji, “Ngo Poulkc,” odokkc akonkonc, “Ngo Apollo:kc,” nolu cmpc tani:mum ckkcma:lang?

⁵Apollo:bv cmpcmvlo sc:kon? Poulbv sc:kon? Ager gerya:nckvdv:dc sckkokki nolu mc:jvgtoji, ako akopc Ru:tumbv lulvgnamdcmpci.

⁶Ngo lelvgto, Apollo:bv asidcm pvlvgto, cmpige:la Ru:ncpvncbv sa:moto.

⁷Cdcmpidag sc:kobv letonc cdcmanggom sc:kobv asscm pvlvgtonc sc:kodc:sin okosinmang, cmpige:la Ru:ncpvnno:bv sc:kobv sa:modagji.

⁸Sc:kobv ledagji odokkc sc:kobv asscm pvlvgdagji c:mo:pidag; odokkc anyipakdc gerrcdcm pa:yc bvk ager gernamdcmpc,

⁹kapila:nc ngolu Ru:ncpvnckc ager gerjonc; nolu Ru:ncpvnckc arvgc, Ru:ncpvnckc monam okumc.

¹⁰Ngom Ru:ncpvnckc ayangabbom bikamdcmpc, aipc kangkanpc mojo:nc okum monncmpc ngo mosangkoko mogablvgto, odokkc akon tani:konc odok taycdo mosetdung. Appvng tani:ycm bvkkc bvkkc monamcm ka:sv:sumotoka.

¹¹Kapila:nc oko mogabnamdcm mosa:tobo:ji odokkc angupc sc:kosin oko mogabkowcmsin mogabla:mang okodcm mogabtagbo:ji cdcm angupc, okodc Jisu Kristobv:ji.

¹²Su:pak sc:kai odo mogabkodo avnkokki, silborkokki, aipc ainc vlvngkokki,

¹³vsvngkokki, sannc ncsinkokki, amrongkokki momvlo — tani: appv:dok agerkvdv:dcm ka:begamycku; kapila:nc cdc Longcdc cdcm lenapmoycku, kapila:nc cdcm vmvkokki romnenamycku, odokkc vmvdc ukka:la ka:ycku kapinc agercm sc:ko sc:ko gerkaji.

¹⁴Mogablvgkodo tani:konc agerdcm gergablvgmvlo du:tvyc, bv amanko pa:ycpc.

¹⁵Tani:akolok agercm ugpakmvlo, bv yogpaknamdok lcgang mc:dvryc, bv avdc turdaggomsin, cmpige:la vmmongkokkipak ugnamki.

¹⁶Nolu kinma:nci nolujc Runcpvnckc Yalodc:jc nolukkolo du:dag cmna?

¹⁷Akonc Ru:ncpvnckc kumko okumcm mopenmvlo, Ru:ncpvncbv bvm mokeyc, kapila:nc Ru:ncpvnckc kumko okumdc angundag, odokkc cdc kumko okumdc nolu.

¹⁸Sc:kosin avycm yatsumoyoka. Nolukkolok akonc sc rcngam ayir-kvdv:so kinncpa:nc cmna mc:suycmvlo, bvm monba:ba:ncpc badmolang kinncpa:ncpc bv baddopc.

¹⁹Kapila:nc Ru:ncpvnckc mo:pvsok kinnam pa:namdc monba:ba:namc kapila:nc cdcm adla lc:tag, “Bv kinnc-pa:nckvdv:dcm buluk aima:pc kinnamlok gagdag,”

²⁰odokkc lckoda, “Ru:tumbv kindag jc kinncpa:nckvdv:dok mc:namsagnam kvdv:dc cmmumc.”

²¹Cdcmpidag sc:komsin tani:kvdv:do bottapc lubonsumoyoka.

²²Kapila:nc appvng attarkvdv:dc nolukkc, Poulbv:dagbai Apollo:bv:dagbai; cdcmanggom Kepa:bv:daggomba: mo:pvsc cdcmanggom turnamsc cdcmanggom sinamc cdcmanggom silomclo cdcmanggom ro:yampo, appv:dc nolugongkc;

²³odokkc nolu Kristokc odokkc Kristobv Ru:ncpvnckc.