Read Mising 2 KORINTIANGKVDVNG 10 Bible Online

2 KORINTIANGKVDVNG 10 - Mising bible

2 KORINTIANGKVDVNG 10

¹Ngo Poulbv, avyc nolum kumna:sola: ludung jc, Kristokc ansv:nc asinkokki odokkc aipc mc:jong gvjongkokki — ngo sc:kobv asinc ansv:do cdvlo ka:rvgmvnsudanna noluklcdulo, cmpige:la nolukkolo bottcpc lusula:do cdvlo ngo gerdoji!

²Ngo nolum kumna:sola ludung jc cdvlo ngo gvpv:ycji ngo:jen asin bottap mc:namdcmpc lcngkanpcnampc ima:yc cdcmpinc mc:jvgkokki kapc ngo ngolum mo:pvsok ikam-gvkampc gvdag cmna mc:dagji lcngkanla.

³Kapila:nc ngolu mo:pvso turra dunggom ngolu mo:pvsok mimagcm mola du:mang,

⁴Kapila:nc ngoluk mimag monanc gvdv:-yoktung kvdv:dc mo:pvsokkcmang cmpige:la kvnggv:pc morasula dungkodok momvgla:nanc taycng among ilang gvlangc,

⁵Ngolu agom svgla luka:mvnsunam kvdv:dcm odokkc Ru:ncpvnckc kinnam agomdcm motumnc bottapc mc:sunc appv:dcm momvg-mosvgdo, odokkc appvng mc:namsagnamcm Kristokc lcgangc makana:lo tumge:la,

⁶appvng agomtadma:pc inam-gvnamcm palvg lvgpc cmna mosv:sula du:la cdvlo nolu agom lunamdcm tadnamdc pv:namkopc ingapycji.

⁷Ka:tok noluk amik kcra:pc okko du:ji. Jodi sc:kaikc aropakpc Kristokcji, cdcmv:pc ngolusin.

⁸Kapila:nc cdcmv:pc idaggom adji:oko bottapc lusudo ngoluk airu:pc ilang-gvlangcm, okodcm Ru:tumbv mosa:nadopc bitoji odokkc mopenma:pc, ngo ngom anyi:sumoma:yc.

⁹Ngo nolum ngok do:jvg-kvdv:sokki pcsomoma:dopc ka:dung.

¹⁰Kapila:nc bulu ludag, “Bvk do:jvgkvdv:dc i:ddag odokkc tordag, cmpige:la bvk adin amvrpc du:mvnnamdc rcmakdag, odokkc bvk agomdc okopcsin aimang.”

¹¹Cdcmpinc tani:kvdv:dcm kinmotoka jc cdvlo ngolu kama:ycji odo okkom ngolu do:jvgkokki ludonc, ngolu cdcm du:dodo ido.

¹²Avyc aidag cmsunckvdv:dcm ngolu jc ngolu c:mo:pincpc imopc luyv:supc asinc bottapc mcngkvsumang. Cmpige:la cdvlo bulu avycm mcyv:sula ka:yc akoki akoncm bulu mcngkinma:nc.

¹³Cmpige:la ngolu lutcrkama:pc bottcpc lusuma:yc, cmpige:la Ru:ncpvncbv orbinamdcmpc ngolu lutcrdcm luyc, nolumsinci cdcmv:pc pa:nadopc.

¹⁴Kapcnc ngolu av avyc bottcsumang, ngolu nolum pa:ma:nammcmpc idaggomsin; ngoluar cddvko mo:tc:pc nolukkolo:pc Kristokc tadponc lutaddokki gvpo:nai.

¹⁵Ngolu lutcr kama:pc bottcpc lusumang, angu amilok ager gernamlo; cmpige:la ngoluk mc:tindc scmpc jc noluk mc:jvgdc mc:jvgbarycpc, ngoluk ager gerkodc noluk ara:do kvnggv:pc bottala gvycpc cmna,

¹⁶odomvlojen ngolu tadponc lutaddcm nolukkodokkcsin mo:tc:yangko amo:lo lula:ycpc, bottapc lusuma:pc angu ager gerkolo su:paklo:pc gertungcibong.

¹⁷“Sc:kobv bottapc lusudagnc, bvm Ru:tumkolo bottapc lusumotoka.”

¹⁸Kapila:nc cdc avdcm avyc bottapc lusuncdcmmang torvgsunamdc, cmpige:la Ru:tumbv aidag cmna lunamdcmmvn.