Read Mising GALATIANG KVDVNG 4 Bible Online

GALATIANG KVDVNG 4 - Mising bible

GALATIANG KVDVNG 4

¹Ngo cdc pa:mvnncdcm ludung, bv cddvkopc ko:wawkopc itvla du:ycnc, pagbokoncmyam aiya:mang, bv appvng amo:ba:ri:lok ru:tumpc idaggom.

²Ckvdaggom bv ka:sv:-mosv:ncdoklang kanggabya:nc abudc longc ayirdcm bima:sisscm.

³Cdcmpila ngoluk lcdulo; cdvlo ngolu ko:kanga:ji, ngolu mo:pvsok lenpo:nc ncrkvg yalokvdv:dok pagbai.

⁴Cmpige:la cdvlo ayirdc pvngangka:nc, Ru:ncpvncbv Bvk Awodcm mclvgto, nc:ngc onamdcm, lujvglurodokkcm onamdc,

⁵cdc sc:kobulu lujvglurodcmpc dunggaji motupc cmna, odomvlo jen ngolu awangkvdvngc cmnamdcm unamcm torvgsukosuycpc.

⁶Odokkc nolu awa:pc inamc, Ru:ncpvncbv Bvk Awodok Yalodcm noluk alakkvdv:do:pc mca:lvgto, jc:la lula, “Abba! Ba:ba!”

⁷Cdcmpidag Ru:ncpvnckokki ngolu pagbopc ila du:ma:bong cmpige:la awo akopc, odokkc awokomvlo attar pa:mvnnckopc.

⁸Po:pc, cdvlo ngolu Ru:ncpvncmc kinmangaji, nolu yc:la lc:namai sc:kobulu mc:nam-sagnamlo ru:ncpvncmangai.

⁹Cmpige:la su:pak nolu Ru:ncpvncm kintobong, cdcmanggom Ru:ncpvnckokki cdcmyam kinnampc ika:bong, kapc nolu lckoda ilang gvlang ma:ncdo:pc odokkc opannc ncrkvg yalodo:pc gvlatyckun, sckkcpc lckoda nolu pagbopc ilv:dagji?

¹⁰Nolu longckvdv:dcm mcnggcdag, odokkc po:lokvdv:dcm, odokkc dv:tak ayirkvdv:dcm, odokkc dv:takkvdv:dcm!

¹¹Ngo pcsodag ngo nolukkolo cmmumpci agercm gertoisong.

¹²Bvrokvdvnga, ngo nolum kumna ludung, ngokkcmpc imvntoka, kapila:nc ngo:sin nolugvngkcmpc imvntobong. Nolu ngom oko imurcmsin imang.

¹³Nolu kindag jc cdc amvr kinamki nolukkolo lupo:danna tadponc lutaddcm lutadbito;

¹⁴odokkc ngok du:nam-dagnamdc nolukkcpc ipusire:pc ikangaji, nolu ngom tayumtomang cdcmanggom ngom yodpaktomang, cmpige:la ngom Ru:ncpvnckc taycng lutadkoncmpc torvgsuto, Kristo Jisukcmpc.

¹⁵Nolukkcmpc okodc aipc mc:lvgsunampc mcngka:n? Kapila:nc ngo nolum lukanbidung jc ila:mvlo, nolu amikkvdv:dcm karrenya:pc odokkc ngom biyya:pc.

¹⁶Ngo cmpcmvlo nolum arodcm lubila:yam noluk mirupci ika:nc?

¹⁷Bulu nolum aipakpc aincpc lumodag, cmpige:la oko ainc mc:namko lcgangcsin imang; bulu nolum angupc lc:lv:dag, jc nolu bulum airu:pc aincpc luycpc cmna.

¹⁸Ainc mc:nam lcgangc lo:dcm cdc aipc lunamdc aidag, odokkc cdvlo ngo nolukkolo du:mvnycji oddo:mang.

¹⁹Ngok awo kvdvnga, ngo sckkokki lckoda agercm geryckun Kristomc nolukkolo mokuma:sisscm!

²⁰Ngo su:pak nolukkolo du:mvnpc mc:la:daggai odokkc ngok lugodcm angumopc, kapila:nc ngo noluk lcgangc mcngapla:ma:pc idung.

²¹Ngom lutei, nolu sc:kobulu lujvglurodok lukampc du:lv:dagnc, nolu lujvglurodcm tadma:nci?

²²Kapila:nc cdcm adla lc:tag jc Abrahamkc awo anyiko dungai, ako pagnckokki odokkc ako la:juppc la:namdokki.

²³Cmpige:la pagncdok awodcm adinamvrdokkcmpc oto, la:juppc la:nam nc:dok awodcm pesunamki.

²⁴Su:pag sc lukanbinam do:yvngko: sc nc:ngkvdv:sc lugod lunam anyiko. Akonc Sinai Adi:dokkc, pagbo ommangcm gcbomnc; bv Hagarbv.

²⁵Su:pak Hagardc Sinai Adi:dc Arabiangclc; bv su:pak Jerusalemdcm lckodag, kapila:nc bvk ommangkvdv:dokki bv pagncpc ila dung.

²⁶Cmpige:la Jerusalem taycngkctc la:juppc la:namc, odokkc bv ngoluk annc.

²⁷Kapila:nc cdcm adla lc:tag, “Mc:potoka, O tumbona sc:ko amvrro du:ma:nc; vgcmpc sumsa:toka odokkc jc:robtoka, no ipusire: pa:pcnam pa:mangka:langka; kapcnc ommang kama:ncdokkc bojcru:yangkang cdc mida:moncdok ommangkvdv:dcmyam.”

²⁸Su:pak ngolu bvrrangkvdvnga, Isahakkcmpc pesunamdok ommangc.

²⁹Cmpige:la odo ayirdo sc:kobvm adin amvrdokkcmpc otonc bvm ipusire:ycm ito sc:kobvm Yalodokki otonc, cdcmpc cdc su:pak dung.

³⁰Cmpige:la Ru:nckc agom jvggabla lc:namdc okko cmdang? “Pagncdcm mcnpaktoka odokkc bvk awodcm; kapcnc pagncdok awodc la:jupla la:nam nc:dok awodok attar pa:mvnncpc ima:yc.”

³¹Cdcmpidag, bvrokvdvnga ngolu pagncdok omma:mang cmpige:la la:jupla la:nam nc:dokkc.