Read Mising IPESIANG KVDVNG 1 Bible Online

IPESIANG KVDVNG 1 - Mising bible

IPESIANG KVDVNG 1

¹Poulkolokkc Ru:ncpvnckc mcngkamdokki Kristo Jisukc mclvgla ager germonammc, Ainc Kumnc tani:kvdv:do:pc sc:kobulu Kristo Jisukolo mc:jvgdagsinji:

²Nolukkolo:pc ayangclang mcnganc ngoluk Abu Ru:ncpvnckolokkc odokkc Ru:tum Jisu Kristokolokkc.

³Ngoluk Ru:tum Jisukc Ru:ncpvncbv odokkc Abudc akirba:d pa:ncpc ika:langka, sc:kobv ngolum Kristokolo akirba:ddcm bitoji taycng dungkokvdv:dc sc:kobv appvng akirba:dki bitoji.

⁴Cdcmanggom Bv kapc ngolum Bvkkolo balenna la:toji, mo:pvsok amo:scm ru:lenma:dapci, jc ngolu angunpcnamc odokkc Bvk kcra:do aimang cmna lukosupcnammang.

⁵Bv ngolum aipc mc:namki Bvk omma:pc Jisu Kristoki tolvgto, Bvk mc:namsagnamdok mcngkampc,

⁶Bvk amin gvnc aya:dokkcpc aipai bipc okodcm Bv ngolukkolo bitonc Mc:bomsunamkvdv:do.

⁷Bvkkolo ngolukkc arc bila rcpvtnammc Bvk i:dokki dung, ngoluk imurgvmurkvdv:dok lcgangc mc:yinsunamc,

⁸Bvk ayangabonamlo mircmdokki okodcm ngolukkolo pidlvgtoji.

⁹Kapila:nc Bv ngolum kinapmoto. Bvk mcngapla:ma:nam mc:namdcm appvng taycng among dungkotok kinnamki odokkc asin ara:bok agomki, Bvk tarungki mc:namdcmpc okodcm Bv Kristokolo lukantoji ayirdok pvngapnamdok taru:dcmpc,

¹⁰appvngcm Bvkkolo lckomopc cmna, attarkvdv:dcm taycng amongtokkc kvdv:dcm odokkc mo:pvsokkc kvdv:dcm.

¹¹Bvkkolo Bvk asin mc:namdok mcngkamdcmpc sc:kobv appvng agercm gerpvtdagnc Bvk luyirnamdok mcngkamdcmpc,

¹²ngolu sc:kobulu mcnga:po:dannc Kristokolo mctinsutonc Bvm aipai bila amin gvnam lcgangc turdopc tolvgtag odokkc agercm bitung.

¹³Bvkkolo nolusin, sc:kobulu aro agomdcm attonc, noluk moturnamdok tadponc lutaddcm, odokkc Bvm mc:jvgtonc, pesunam angunnc Yalodokki tubjet lvgtungai.

¹⁴Okodc ngolu cdcm pangkuma:dodo:pc ngoluk pa:mvnkunamdok bigapla lc:namcji.

¹⁵Odok lcgangc, ngo noluk mc:jvgcm Ru:tum Jisukolo tadla:yam odokkc noluk aipc mc:namcm aipc kumnc tani:kvdv:do:pc,

¹⁶ngo nolum noluk lcga:pc aipai bingasumang, nolum ngok kumnamdo mc:pa:tvla,

¹⁷jc ngolu Ru:tum Jisu Kristokc Ru:ncpvncbv, amin gvnamlok Abudc nolum taycng Yalo kinnamcm biycpc odokkc Bvk kinnamlok lungor lunamc.

¹⁸Noluk asinkvdv:do amikkvdv:dcm pva:dopc ila, jc nolujen kinycpc okodo mc:tindc:ji okolopc nolum gogtoji, aipc kumnc tani:kvdv:do oko okokvdv:dc Bvk amin gvnc mitc--mircm pa:mvnkupcnam kvdv:dc:ji,

¹⁹odokkc okodc kvngapla:ma:nam Bvk ilang gvla:dok bottanammcji ngolukkolo sc:kobulu mc:jvgdoji, Bvk bottcru:nc tornam ager gernamdcm bulupc

²⁰okodcm Bv Kristokolo ipvttoji cdvlo Bv sikolokkcm Bvm turmotokuji odokkc Bvm Bvk lagbvk alag taycng dungkokvdv:do du:moto,

²¹appvng lujvglurromyam oudru:ya:pc odokkc migom donncm odokkc ilanggvlangcm odokkc ka:sv:mosv:nc, odokkc appvng amin minnam kvdv:dcmyam bottaya:nc, sc dv:tag ayirong kvdv:so:mang cmpige:la odosin okodc a:pcncji;

²²odokkc bv appvng attarcm Bvk alc kcvgpc lc:to odokkc appvng attarrok Bvm mittukpc ru:to mondoli:dok lcga:pc,

²³okodc Bvk amvrcji, Bvk pvnam pvngapnamdc sc:kobv appvngcm appv:lo pvngapmodagji.