Read Mising KOLOSIANG 2 Bible Online

KOLOSIANG 2 - Mising bible

KOLOSIANG 2

¹Kapila:nc ngo nolum kintoka cmna mc:dag cddvko bojcpc ngo noluk lcgangc ankv kangkvdoji, odokkc cdc Laodokia:dok kvdv:dok lcgangc, odokkc ngok dumsimigmom kangkvma:nc kvdv:dcm,

²jc buluk asin kvdv:dcm pvtamodopc lusv:lvgycpc kapc bulu aipc lckopc mcngka:mvnsudagji, appvng mcngkinsakkindok mitc-mircm kvdv:dcm pa:pc odokkc Ru:ncpvnckc mcngapla:ma:nam kinnam agomdcm, Kristokcm,

³sckkolo:pc appvng taycng among kinjvgla kinnam odokkc kinnamlok murkongkvdv:dc du:ji.

⁴Ngo scm ludung jc nolum sc:kosin yadla agomki yadpcnammang.

⁵Kapcnc ngo amvrpc kamanggom, ckvdaggom ngo noluk lcdulo yalodo dung mc:polo noluk aipc du:namdcm ka:pc cmna odokkc Kristokolo noluk mc:jvgnamdcm kvnggvdopc ka:pcmna. Kristokolo Turnamc Pv:namc

⁶Kapc cdcmpila nolu Kristo Jisumc torvgsutonc Ru:tumdcm, cdcmpidag Bvkkolo turtoka,

⁷appvrc pvra:la odokkc mosa:la odokkc mc:jvgdo mongapto, kapc nolum poyirtoji, aipai binamc pv:se-pv:yelangka.

⁸Cdcm ka:tok jc nolum sc:kosin asin kangkurla kinnam agom odokkc cpv:pc yadnamlok ki:rugpc rugkosuyoka, tani:kvdv:dok lutcng gvtcngkvdv:dcmpc, mo:pvsok ncrkvg yalokvdv: dokkcmpc, odokkc Kristokcdcmpc ima:pc.

⁹Kapcnc Bvkkolo appvng Ru:ncpvnc amvrpc du:do-dagdo,

¹⁰Odokkc nolu Bvkkolo turnamlok pv:namdo gva:to, sc:kobv appvng lujvglurolok mittukdc:ji odokkc migomdoncdc:ji.

¹¹Bvkkolo nolusin gadpuknammcmsin gadkosuka, adin-amvrdcm la:paksula Kristokc gadpuknamdo;

¹²odokkc nolum Bvk baptismo:do agolo lc:tobong, okodo nolusin mc:jvgkokki sikolokkcm Ru:cpvnckc ager gernamdokki turmotoku, sc:kobv Bvm sikolokkcm turmotokuji.

¹³Odokkc nolu, imur ager gernam odokkc noluk adinno gadpukma:namno sila dungaji, Ru:ncpvncbv Bvk lcdulo turmotoku, ngoluk appvng gvmurkvdv:dcm mc:yinsuge:la,

¹⁴oko yc:tumnamdc ngoluk birudi:pc dagridagji odok lugot lujcmdokki luncdcm la:pakge:la; scm bv angupc lc:to, cdcm Kurusdo pvtlvgge:la.

¹⁵Bv migomdoko among odokkc ilanggvlangkvdv:dcm mimagmonanc kvdv:dcm la:pagamto odokkc appvngc ka:pa: kanggotpc bulum ito, Bvkkolo bulum moppamge:la.

¹⁶Cdcmpidag nolum sc:kosin kcbangcm ba:moyoka donam agom tawunamno odokkc tv:namno cdcmanggom ipusijarlo cdcmanggom po:lo karrenlo, cdcmanggom yodla du:do longclo.

¹⁷Cdcbulu yallo okodc gva:pcnncji; cmpige:la ncrkvgpc avdc Kristokc.

¹⁸Nolum sc:komsin arckama:ncpc atvma:nckopc imoyoka, avyc aima:pc itvsula odokkc taycng lutadkvdv:dcm kumla, bvk kangorkvdv:dcm ka:la, lugodkama:pc go:puta:sa:la bvk adinamvr mcnggodlok mc:nc asindokki.

¹⁹Odokkc Tukkudcm gaggabtvla du:ma:pc, okolo amvr appv:dc mosv:dagji odokkc lckopc ri:pumsutagji odok mosetsuko kvdv:dok odokkc i:rkvdv:dokki, sv:namdokki sv:do okodc Ru:ncpvnckolokkcji.

²⁰Nolu jodi Kristokc lcdulo simvnkang Mo:pvsok ncrkvg yalokvdv:do sika:bong, kapila nolu su:paksin mo:pvsokkcmpc turdon? Kapila nolu lujvglurokvdv:do tolvgsudon.

²¹“Gagyoka, Dokvyok.

²²Upkvyok.” (Oko attarkvdv:dc yogpakdagji cdcmbulum lukanna bulum ina-sa:nadodcm,) tani: lulvgkampc odokkc asin totto mc:lenna lukampc idogvdon?

²³Cdcbulu aropakpci taycng among kinnam agom lennamc kumnamlok kvng-gvngc odokkc amvrdokkcpc anyi:pcnamc odokkc kvnggv:pc tornamc, cmpige:la adindok mcngkamgvkamdcm motumpc atv arrc kamang.