Read Mising KOLOSIANG 4 Bible Online

KOLOSIANG 4 - Mising bible

KOLOSIANG 4

¹Ru:tumkvdvnga; nolu pagbokvdv:dcm aropc odokkc aikampopc lula:mc:langka, nolukkcsin taycngamo:tc Ru:tumko dung cmna kinna.

²Mcmangke:ke:pc kumtvla du:langka, aipai binamdcm bitvla;

³odokkc ngoluk lcgangcsin kumnangka, Ru:ncpvncbv ngolukkcpc yabgoko moge:biycpc agomdok lcgangc, Kristokc mcngapla:manam agomdcm lugo:bipc, okodok lcgangc ngo makana:lo tumnampc idu:ji;

⁴jc ngo cdcm kinapmoycpc, kapc ngo agom lupcnammcji.

⁵Mo:rongolok tani:kvdv:dcm nolu kinnc-pa:ncpc ila ila:sa:langka, appvng ayirkvdv:do aiyo:pc.

⁶Noluk agom kvdv:dcm lo:dvscm ayangabo kamolangka, aloki yonnampc, odomvlo jen nolu kinycpc nolu appvngcm kapc lutalsupcnammcji.

⁷Tikiku:bv lubiycpc nolum ngok turnamsok appvng agercm; bv aipc mc:bomsunam bvroko odokkc mc:dapdarapnc migom ager gerncko odokkc Ru:tumkolo ager gerjonko.

⁸Ngo bvm nolukkolo:pc cdc agomru:dok lcgangc mclvgtung, jc nolu kinycpc kapc ngolu idagji odokkc jc bv noluk asinkvdv:dcm bottapc mc:moycpc.

⁹Odokkc bvk lcdulo Onesimu:bv, mcdapdarapnc odokkc aipc mc:bomsunamdc, sc:kobv nolugvngkcji. Bulu nolum oko okko sido ika:ji cdc appv:dcm lubiycpc.

¹⁰Aristarku:bv ngok makana:lo du:jondc nolum kumtadsudag, odokkc Barnaba:kc ka:kvdok awo Markbv (sckkc agom lcgangc nolu luyircm torvgsutonc — bv nolukkodo:pc gvmvlo, bvm torvgsulangka,)

¹¹odokkc Jisumc sc:kom Justu:s cmna gogdagji. Cdc taniongkvdv:dc sc:kobulu ngok ager gerjonkvdv:dok gadpuknamdok Ru:ncpvnckc migomdok amo:dok lcgangc odokkc bulu ngokkcpc mc:pomoncpc ikang.

¹²Ipapra:bv sc:kobv nolukkologvng akoncji, Kristo Jisukc pagbo akoncji, nolum kumtadsudag, lo:dv:scm airu:pc bvk kumkolo mc:pa:la, jc nolu kinncpa:ncpc du:ycpc odokkc Ru:ncpvnckc appvng mcnggodlo pv:namkopc arro cmna mc:la.

¹³Kapila:nc ngo bvm lukancm lubido jc bv kvnggv:pc agercm gerto noluk lcga:pc cdc Laodikia:dok du:nckvdv:dok lcgangc odokkc Hierapoli:dok lcgangc.

¹⁴Lu:kbv cdc aipc mc:bomsunam kinamka:ncdc odokkc Demabv nolum kumrvgsudag.

¹⁵Ngok kumrvgsunamcm Laodikia:dok bvrokvdv:dcm kumtadbilangka, odokkc Niampa:mc odokkc bvk okumdok mondoli:dcm.

¹⁶Odokkc cdvlo sc do:jvgscm noluk ara:lo poycji, cdcm Laodikia:dok mondoli:do:sin pobilangka; odokkc ka:langka jc nolu do:jvgdcm Laodikia:dokkcsin polangka.

¹⁷Odokkc Arkipu:mc lulang, “Ka:langka jc nolu migom agerdcm gerpvnnang okodcm Ru:tumkolokkcm nolu pa:toji.”

¹⁸Ngo, Poulbv sc kumtadsunamscm adtung ngok avkc alagki. Ngok ikoli: rvbvkvdv:dcmbulum mc:pa:langka. Noluk lcdulo ayangc dungka:langka.