Read Mising 1 TISSALONIANG 5 Bible Online

1 TISSALONIANG 5 - Mising bible

1 TISSALONIANG 5

¹Cmpige:la kapc ayirdo:pclang odokkc lendv-a:dv-kvdv:do:pc, bvrokvdvnga nolukkc o:kosin adlvgbipcnammc kamang.

²Kapila:nc nolu av avkvdv:dc kinsudag aiyo:pc jc Ru:tumkc longcdc pvngayc yummcm dopsongko gva:nammcmpc.

³Cdvlo tani:kvdv:dc luycji, “mc:pomcnganc odokkc kvnggv:la dung,” odo vgcmpc omvg osvgc pvnga:yc bulukkolo kapc ommang pa:dom nc:ngc kidoji cdcmpc. Odokkc odo sc:kosin dugsila:ma:yc.

⁴Cmpige:la nolu kcmolo du:mang, bvrokvdvnga, kapcnc cdc longcdc nolum dopsongcmpc mcngapla:ma:pc imoycpc.

⁵Kapcnc nolu appvngc pva:lok ommangc odokkc longclok ommangc; ngolu yumclokkcmang cdcmanggom kcmolokkcmang.

⁶Cdcmpidag kajc ngolu yubla du:yoka, kapc akke du:dagji, cmpige:la kajc darra du:lai odokkc asinc ansv:la du:lai.

⁷Kapila:nc cdc sc:kobulu yubbdagnc yummcm yubdag, odokkc cdc sc:kobulu tvngvrsudagnc yummcm tvngvrsudag.

⁸Cmpige:la, ngolu longcdokkcpc ila:yam, kajc ngolu asinc ansv:lai, odokkc mc:jvgloklang aipc mc:namlo angkcng torasunancdcm gclai, odokkc tukkudok tornc dumlupko moturdokkcm gclai.

⁹Kapcnc Ru:ncpvncbv ngolum aglv:la palvgnamdok lcgangc lc:mang, cmpige:la ngoluk Ru:tum Jisu Kristokokki moturcm pa:dopc cmna:mvn,

¹⁰sc:kobv ngoluk lcgangc sika:ji odomvlo jen ngolu darra du:daggom cdcmanggom yubla du:daggom ngolu Bvk lcdulo turra du:ycpc.

¹¹Cdcmpidag akoncm akonc asincm pvtamolang odokkc akoncm akonc mosa:lang, kappar nolu ila du:ji.

¹²Cmpige:la ngolu kumna:sola: ludung nolum, bvrokvdvnga, cdc noluk ara:lo ager gernckvdv:dcm mcnggcdopc odokkc nolum Ru:tumkolo noluk tayc:lo odokkc luyirgvyirdagji,

¹³odokkc bulum airu:pc arckancpc mc:la aya:lo buluk agerkvdv:dok lcgangc. Mcnganna du:toka noluk av-avkc ara:do.

¹⁴Odokkc ngolu nolum luyircm ludung, bvrokvdvnga, lo:bagnckvdv:dcm luyirrang, Pcsonckvdv:dcm asincm bottcpc mc:molang, bo:lkama:nckvdv:dcm idumgvdumsulang, bulu appv:dok lcdulo mentvlang.

¹⁵Ka:langka jc nolukkolok sc:kosin aima:pc inamlok aimangcm ikutsuyoka, cmpige:la lo:dcm aincm akoncm akonc imvnsupc cmna malangka odokkc appv:lo:pc.

¹⁶Lo:dcm mc:polangka, mcma:pc kumnangka,

¹⁷appvng inamsa:namlo aipai bilangka;

¹⁸Kapila:nc cdcna Ru:ncpvnckc noluk lcgangc Kristo Jisukolo mcngkamc.

¹⁹Yalodcm midmoyoka, lungor lunamcm mcpagyoka,

²⁰cmpige:la appvngcm anka:la ka:lang;

²¹okodc aidagji kvnggv:pc gagla du:lang,

²²aima:nc ager appv:lokkc gc:rlangka.

²³Mcngannclok Ru:ncpvncbv avdc nolum appvngcm lckko:pc narc:moteika; odokkc noluk yalodc odokkc atma:dc odokkc amvrdcm lujckko kama:dopc anpola du:dopc Ru:tum Jisu Kristokc gvdokudo:pc lcngkanlangka.

²⁴Sc:kobv nolum gogdagji Bv mc:jvgjvrvgncko, odokkc bv cdcm iyc.

²⁵Bvrokvdvnga, ngoluk lcgangc kumnang.

²⁶Appvng bvrokvdv:dcm angunnc dosukki kumtadsulangka.

²⁷Ru:tumkokki ngo nolum lutcmna pesubidung jc sc do:jvgscm appvng bvrokvdv:dcm pobilangka.

²⁸Ngoluk Ru:tum Jisu Kristokc ayangc noluk lcdulo dungka: langka.