Read Mising 1 TIMOTI: 1 Bible Online

1 TIMOTI: 1 - Mising bible

1 TIMOTI: 1

¹Poulbv, Kristo Jisukc mclvgla ager gernckonc ngolu Ru:nncpvnckc lulvgkokki ngoluk Moturnc odokkc Kristo Jisubv ngoluk mc:tinc.

²Timoti:kolo:pc, ngok aro awodo:pc mc:jvglo: Ayangc, mc:yinsunamc, odokkc mcnganc Ru:ncpvncnkolokkc Abudokkc odokkc Kristo Jisu ngoluk Ru:ncpvnckolokkc.

³Kapc ngo nom lugablvgla lukanc cdvlo ngo Makedoniangdo:pc gvdungaji, Ipesu:do dungge:la, jc no kapin tani:yckkcm angu angupc astrong agomcm luyirma:pcka cmna lujcmlangka,

⁴cdcmanggom bulu av avkvdv:dc leke do:yvngc odokkc kvtcr kama:nc ope:ncgvng do:yvngcm kvla du:ma:dopc okodc mc:namcm mcnggo:modagnc taycng agom luyirnamdcmyam ima:pc okodc mc:jvglo:ji,

⁵cmpige:la ngoluk lujcmdc aipc mc:namdc cdc narc:nc asinnokkc lennc odokkc aipc mc:jvglokkc.

⁶Kapcikin tani:ckkcnc sokbulukkc gvyotla gvla gvgong gvgo:la dung cmmum agom lugongnamno:pc,

⁷lujvglurodok poyirncpc ilv:la bulu okodcm ludu:ji kindu:ji cdcm kinma:pc cdcmanggom bulu oko agomcm bottapc lugo:du:ji.

⁸Su:pak ngolu kindag jc lujvglurodc aidag, jodi akonc lujvglurodokkcmpc imv-gvmvlo,

⁹cdcm mcngkinge:la, jc lujvglurodcm dormokancdok lcga:pcmang cmpige:la lujvgluro kama:ncdok lcgangc odokkc lukamdcmpc tadma:ncdok lcgangcmvn jvgtang, dormokama:nc odokkc pa:p inckvdv:dok lcgangc, angunma:nc odokkc napvnarc:ma:nc kvdv:dok lcgangc, abukvdv:dcm mokenckvdv:dok lcgangc odokkc anckvdv:dcm mokenam lcgangc, tani: pakenckvdv:dok lcgangc,

¹⁰aima:nc ager gernckvdv:dok lcgangc, yitsunckvdv:dok lcgang, tani:dopso:nc kvdv:dok lcgangc, yadgo:nc kvdvng, lume:pc lula pesunckvdv:dc, odokkc okodci aropc aronc astrong agomdokkc angudagnc,

¹¹Ru:cpvnckc akirba:d pa:nc tadponc lutaddokkcmpc ima:ji ngom okodokki lugablvgtagji.

¹²Ngo Bvm aipai bido sc:kobv ngom sc tornamscm bitu:ji odok lcgangc, kapila:nc Bv ngom mc:jvg-jvrvgncko cmna kcbangba:to Bvk agerlo ngom gerdopc togc:lvgla,

¹³ngo po:pcbong Bvm nindaikagom odokkc ipusire:ka odokkc luka:la luka; cmpige:la su:pak ayangcm pa:tobong kapila:nc ngo kinma:pa:ma:ru:pc mc:jvgma:pc gerto, odokkc ngoluk Ru:tumkc

¹⁴aya:dc ngok lcga:pc bi:pokkang Kristo Jisukc mc:jvgclang aipc mc:namkokki.

¹⁵Lunamdc arorungc odokkc torvgsupc arckannc, jc Kristo Jisubv papi:kvdv:dcm moturkapc mo:pvso:pc gvka.

¹⁶Odokkc ngo papi:kvdv:dok pa:pkayangarncdc; cmpige:la ngo mc:yinsunam ayangcm odok lcgangc pa:to, jc ngokkolo, kayangarncpc ila, Jisu Kristobv Bvk pv:dannnc mentumsunamdcm kanggod akopc lcngkanpc ila cdc sc:kobulu cdcmbulum Bvm lo:dv longkcm turyarla turnamdok lcgangc mc:jvgpcnamcji.

¹⁷Dv:takkvdv:dok migomdo:pc, sima:nc, ka:begma:nam, Ru:ncpvnc akko:dc, mcnggcma:namclang amin gvnamc lo:dv-longkv lo:dv longnkvpc dungka:langka. Amen.

¹⁸Sc lujcmscm ngo nom lulvgdung, Timoti:ya, ngok aowa, lungor lunamdok lukamdcmpc okodc nokkolo:pc sudkandagnc, jc cdc bulukkokki ilanggvlangcm pa:la nolu ainc mimagcm motoka, mc:jvgdcm mcnggabbomla odokkc ainc mcngc-saggcm mcnggabbomna.

¹⁹Mcngc-saggcm mcpakge:la, tani: akke buluk mc:jvgkvdv:dok siycng ollungcm jvngangammoto,

²⁰odokbuluk ara:dok Himenaeiubv odokkc Alekjandarbv, sc:kom ngo Satanlo:pc tolvgto jc bulu nindaima:ycpc.