Read Mising HIBRIUKVDVNG 11 Bible Online

HIBRIUKVDVNG 11 - Mising bible

HIBRIUKVDVNG 11

¹Su:pak mc:jvgdc attar mc:namlok pa:ycrung cmnamc, ka:begma:nam attarlok mcngkvrungc.

²Kapcnc odokki leke-to:dvkc tani:kvdv:dc jodi taycngtokkcm aiycpc cmna tolvgcm pa:to.

³Mc:jvgkki ngolu kindag jc mo:pvscm Ru:ncpvnckc agomkokki ru:to, odomvlo jen okodcm ka:begdagji cdcmbulum okodcm ka:begma:ji odo attardokki moto.

⁴Mc:jvgkokki Abelbv Ru:ncpvncmc Kainmcyam aiya:pc torvgsunam palvgcm bito, okodokki bv dormokadag cmna lunamcm pa:to, Ru:ncpvncbv lukanbinamcm bito bvk amancm torvgsuge:la; bv sikang, cmpige:la bvk mc:jvgkokki bv su:paksin lutvla dung.

⁵Mc:jvgkokki Inosmc tayc:pc la:sa:to odomvlojen bv sinamcm ka:pa:ma:ycpc cmna; odokkc bvm pa:tokumang kapila:nc Ru:ncpvncbv bvm gvbokangku cdcmpinamc bvm gvbokuma:dapc bv Ru:ncpvnckc kcra:pc du:mvn gvmvnna mc:pomcnganmoto.

⁶Odokkc mc:jvgkama:pc Bvm mc:lvgsumopc mc:lvgsumola:mang. Kapcnc sc:kobvi Ru:ncpvnckc kcra:pc gva:ycnc mc:jvgru:pa:yc jc Bv dung sc:kobulu Bvm madagji.

⁷Mc:jvgkokki Noabv, Ru:ncpvncbv luno:la ansudopc lula a:pcnc agom kvdv:dokkc okodcmbulum ka:begmangaji, aropc ansuto odokkc ollungcm pato bvk cra:dcm turbonapc cmna; odokki Bv rcngamscm aisi:mang cmna kcbang ba:to odokkc dormo kanamlok dungkonsunckopc ikang okodc mc:jvgkokki ika:ji.

⁸Mc:jvgkokki Abrahambv agom lukampc tadto cdvlo bv mo:takkolo:pc gvlenkang cmna goglentoji okodcm bv dungkansunamkopc torvgsupcnamma:ji; odokkc bv gvlenkang, okolopc gvpcnamma:ji cdcm kinma:pc.

⁹Mc:jvgkokki pesubinam amo:do:pc gvto, amikc dungko amo:lo:pc gvkampc, tombu po:yublo Isahakokki du:bomla odokkc Jakob, cdc pesubinamvngdok dungkonsunam kvdv:dc.

¹⁰Kapcnc bv mogabko du:nc nogordo:pc ka:lvgto, okodok moncdc:lang Ru:ncpvncdc.

¹¹Mc:jvkkokki Sarabv avdc amvrro du:namcm du:la:to, bvkkc odo anindo minncidagabong, bv Bvm mc:jvgnc cmna mc:la:yam sc:kobvkkc pesunammc dungaji.

¹²Cdcmpidag tani: akolokkc, odokkc sinamcmpc ainc, ope:ncgvngc do:mvrtok takarkvdvngcmpc lenkang odokkc siycng ru:yilok kvngapla:ma:nam sulli:ycmpc.

¹³Cdc appv:dc mc:jvgloi singapkang, okodcm cdcm pa:ma:pc pesutoji, cmpige:la cdcm kangge:la odokkc mo:tc:lokkc kumrvgsuto, odokkc arro cmna togcsuge:la jc bulu lambclok kinma:nam gvpatnnckkc odokkc mo:pvsokkc gvpakla gvnnc.

¹⁴Kapcnc tani:kvdv:dc sc:kobulu cdcmpc agom ludonc cdcm kinapmodag jc bulu okum dungko amongko mala dungai.

¹⁵Jodi bulu mc:la cdc oko amo:dokkc gvlenkaji cdcm mc:la dungaika, bulukkc gvlatkunam gvpoko du:yai.

¹⁶Cmpige:la cdc kapc itonc, bulu aiya:nc dungko amongko pa:pc cmna mc:to, cdcmyam, taycng dungko ako. Cdcmpidag Ru:ncpvncbv buluk Ru:ncpvnnc cmna gokkosupc anyvtomang, kapcnc Bv buluk lcgangc nogorko mosv:to.

¹⁷Mc:jvgkokki Abrahambv, cdvlo bvm ankang kangkvtoji, Isahakmc bipakto, odokkc bv sc:kobv pesunamdcm tolvgsutonc bvk atcrong awodcm bipakpc mosv:suto, sck agomcm cdcm lutonc,

¹⁸“Isahakkokki nok opvndcm amincm minyc.”

¹⁹Bv mc:to-gvto jc Ru:ncpvncbv tani:kvdv:dcm sikolokkcm turmola:dakku; cdcmpidag tani:ka:begpc lupc, bv bvm pa:lattoku.

²⁰Mc:jvgkokki Isahakbv Jakobkc taycdo odokkc Isaukolo akirba:dcm bikonsuto.

²¹Mc:jvgkokki Jakobbv, cdvlo sidungaji, Josepkc awo appv:dcm akirba:dcm bito, bv lakoti:dcm kumna pesula.

²²Mc:jvgkokki Josepbv, bvk turnam du:tcrdo, Israeldok gvkunamdcm lulento odokkc bvm ago lcngkodcm lukanbito.

²³Mc:jvgkokki Mose:bv, cdvlo bvm otoji, po:lo pvwumkopc bvk anc abukvdv:dc lc:sika, kapila:nc bulu ka:to jc kowawdc kangkanodagai; odokkc bulu migomdok lulvgla lunam agomdcm pcsotomang.

²⁴Mc:jvgkokki Mose:bv, cdvlo bv bottcka:ji, Paraokc omcdok aowo cmna gogkosulv:tomang,

²⁵cdcyam Ru:ncpvnckc tani:kvdv:dok lcdulo aisi:ma:pc ipusire:namdcmci aipc tolvgsuto dc:pakla gvnc pa:plok mc:ponamdcm imangvmannamdcmyam.

²⁶Bv Kristokc lcgangc ipusire:pa:nam-gvnamdcm Igiptolok mitc-mircmdcmyam bottcya:nc mitcmircmpc mcngkang, kapcnc bv amandcm kanggcla ka:to.

²⁷Mc:jvgkokki bv Igiptclcm mcto, migomdok aglv:dcm pcsoma:pc; kapcnc bv menrasula du:to sc:kom ka:begma:ji.

²⁸Bvm ka:la mc:jvgkokki bv gvbatla gvnamdok donam tv-:namdcm doto odokkc i:dcm abkatto, odomvlojen cdc opongarnam kvdv:dcm Mokkeyamncdc bulum mokema:ycpc cmna.

²⁹Mc:jvgkokki tani:kvdv:dc Lv:nc Siyc:dcm tcmpvlok gvdu:ncmpc gvko:to; cmpige:la Igiptolok tani:kvdv:dc, cdvlo bulu cdcmv:pc gvmvnpc cmna gvkvtonc, gvbudamsukang.

³⁰Mc:jvgkokii Jeriko:do bulu kvnvd longckopc gvyetla gvridodokkc bare:kvdv:dc openamkang.

³¹Mc:jvgkokki Rahab beisa:bv agom tadma:nc kvdv:dok lcdulo simvntomang, kapila:nc bv agom lc:sula ka:nc kvdv:dcm ajonpc tomrvgsuto.

³²Odokkc okkomnu bojcyangko luycn? Kapcnc ayirc ngom lungapmoma:yc Gidionkc, Barakkc, Samsonkc, Jepta:kc agomcm, Dawidkc odokkc Samuelkc odokkc lungor agom lunckvdv:dcm —

³³sc:kobulu mc:jvgkokki migom dungko amongkvdv:dcm mopvtoji, arro cmna lunamcm nvnggabla lulvgto, pesubinamcm tolvgsuto, inggo simvn nappangcm mokabamto,

³⁴kvnggv:pc pcsokandopc dornc vmmcm midmoto, madsvglok radnamlokkc basikang, bo:lkama:namlokkc tornamcm pa:to, mimag mokolo kvnggv:pc mopidla:ncpc ikang, ami amo:lok mimag monckvdv:dcm dugammotoku. 3

³⁵Nc:ngkvdv:dc buluk sinc tani:kvdv:dcm turnamkokki pa:lattoku. Akkem moke-moyeto, mclennvgkunammcm tolvgsuma:pc ito, bulu jen aiya:nc turnamkopc tursa:la:ycpc.

³⁶Akedc moki:-moadcm mokosuto odokkc sabukkokki dcmnamcm, odokkc ikoli:ki yc:namcm odokkc makana:lo tumnamcm.

³⁷Bulum vlvngki crketo, bulum tu:nyikopc rvdtu:to, bulum matsvgki paketo; bulu bera sobennok odokkc soben asigcm gcla gvgo:to, okkosin kama:pc gvgo:to, asincm mc:dvrra du:gcm gvmoto,

³⁸aima:pc ito-sa:to — sulli mo:pvlo odokkc adi: adi:lo gvgong gvgo:la, odokkc simvn dungko aru:lo:bulu odokkc mo:pvsok arungkvdv:do:bulu.

³⁹Odokkc cdc appv:dc, buluk mc:jvgkvdv:dokki mc:bomna du:daggom, okodcm pesutoji cdcm pa:tomang.

⁴⁰Kapcnc Ru:ncpvncbv ngoluk lcgangc o:kai aiya:ncko ka:no:bila:yam, jc ngolum mcge:la bulum aiyo:pc aidopc mopcnammang.