Read Mising 1 PITOR 1 Bible Online

1 PITOR 1 - Mising bible

1 PITOR 1

¹Pitorbv, Jisu Kristokc mclvgla ager germonam tani: akonc, Dugpitsula amikc dungko among kvdv:do du:nckvdv:do:pc Pontusdo, Galatia:do, Kapadokia:do, Asiado, odokkc Bitinia:do,

²Ru:ncpvnc Abubv balenna odokkc ru:scgla lc:namc odokkc Yalodokki narc:dopc mopu:la Jisu Kristomc lukam taddopc odokkc Bvk i:dokki abkatdopc: Ayangc odokkc mcnganc nolukkolo bojc bojcla dungka:langka.

³Ngoluk Ru:tum Jisukc Abudc akirba:d pa:ncpc ika:langka! Bvkkc bottcru:nc aya:pc mc:namki ngolu anupc turkangku Jisu Kristokc sikolokkc lckoda turkunamdokki mc:tintvla du:tvnamdo:pc,

⁴odokkc dungkan-dakkansunam lo:pc okodc yogma:ji, narc:ma:pc ila lc:ycji, odokkc sana:ma:ycji, noluk lcgangc taycng amo:to lc:tung.

⁵Sc:kobv Ru:ncpvnckc ilang gvlangki ka:ridagrila lc:dagji mc:jvgki du:tcr ayirdo mopvko lcngkanpc cmna dung.

⁶Cdcm nolu mc:pobadsudo, su:pak asudowongko adji:ong ayirdo nolu angu angu ipusire: pa:daggom,

⁷cdcmpc jc noluk mc:jvgdok mc:jupmcngkamdc, avncmyam arc kaya:dag okodcm jitpakpcnc daggom vmvlo romka:dagji, aipai binapc lenycpc odokkc amin gvnamdc odokkc mcnggcnamdc Jisu Kristokc lendokudo mcnggcycpc.

⁸Bvm ka:begma:pci Bvm nolu aipc mc:dag; su:pak nolu Bvm ka:begmanggomci nolu Bvm mc:jvgdag odokkc mcngkinla odokkc mc:pobadsula mc:podag.

⁹Noluk mc:jvgnamkokki kapc noluk yalokvdv:dok moturcm pa:to.

¹⁰Lungor agom lunckvdv:dc sc:kobulu nolukkcpc ipcnc aya:dcm lungorka moturdok agomcm magongka odokkc tadkuk-tadrugla tadgongka;

¹¹bulu tadkukla tadka oko tani:yc cdcmanggom ayirdcm Kristokc Yalodokki lcngkanbikaji odokkc odok lcdudok amin gvnamdc.

¹²Cdc bulukkcpc lcngkansukang jc bulu av avkc lcgangc agercm gersumangai cmpige:la noluk lcgangcmvn, cdcmpinc agerkvdv:do okodcm nolum su:pak lu tadla lubitagbo:ji cdc sc:kobulu tadpon lutaddcm lubitoji nolum Angunnc Yalodokki tayc:tokkc mclvgla, oko agomkvdv:dcm taycng lutadkvdv:dc ka:lv:la dungai.

¹³Cdcmpidag noluk asinkvdv:dcm kvnggv:pc mc:sutoka, dojup-dokapla doncpc ilangka, noluk mc:tincm Pv:namko nolukkolo:pcjc ayangc pvnga:ycnc mc:tintoka Jisu Kristokc lendokudodo:pc.

¹⁴Kapc agom tadnc ko:kang kvdvvngc, noluk po:pckc kinma:pa:ma:nc mc:nam sagnamdc ajonpc du:tvyok,

¹⁵cmpige:la Bv sc:ko nolum gogtoji angunnc, nolusin anguntoka noluk appvng agerlo gernamlo;

¹⁶cdc kapc adtakji, “Nolu angunnang, kapcnc ngo angundag.”

¹⁷Odokkc jodi nolu Bvk Abukopc gogyc sc:kobv bvkkc bvkkc inamdcmpc akonongcm ka:ma:pc kcbangcm ba:donc, noluk amikc amo:lo yc:bomkosula du:do ayir appv:do pcsokono asinc gcla du:langka.

¹⁸Nolu kindag jc nolu arvsu:ma:nc lambcdokkc gvlatkunckvdv:dok du:pakncdci noluk abukvdv:dokkc dungkonsubomna, yogpakpcnc attarkokkimang cdc silborc cdcmanggom avnc,

¹⁹cmpige:la Kristokc airu:pc arckanc i:dokki, cdc okoloksin tarcko cdcmanggom aimang cmna lunam kama:ncdcm.

²⁰Sc:kobv mo:pvscm mosa:ma:dapc ru:pvlvgtonc cmpigge:la noluk lcgangc ayir du:tcrdo lenmotonc.

²¹Bvkkokki nolukkc Ru:ncpvnckolo mc:pv:namko mc:jvgc dung, sc:kobv Bvm sikolokkc turmotokuji odokkc Bvm amin gvnamdcm bitoji, odomvlo jen noluk mc:jvgclang mc:tinc Ru:ncpvnckolo du:ycpc.

²²Noluk yalokvdv:dcm narc:pc mopu:la:yam nolukkc arodcm lukamdcmpc tadla bvrrang kvdv:dcm mc:juppc aipc mc:mvnsula, akoncm akonc kvnggv:pc asinbokki aipc mc:mvnsulangka.

²³Nolum anupc otungkubong, yogpakpcnc ammolokkcmang cmpige:la yogpakma:nc-kokki,

²⁴cdc turnc odokkc lo:dvscm du:tvnc Ru:ncpvnckc agomdokkimvn kapcnc, “Appvng adin amvrc ncsincmpc odokkc odok appvng kangkannamdc ncsindok appundcmpc-idag. Ncsinkvdv:dc sanpakdag, odokkc appundc opakleddag,

²⁵cmpige:la Ru:tumkc agomdc lo:dv longkvpc du:tvdag.” Cdc agomdc tadponc lutadc okodcm nolukkolo:pc lutadla lubito.