Read Mising LUNGOR LUNAM 4 Bible Online

LUNGOR LUNAM 4 - Mising bible

LUNGOR LUNAM 4

¹Odok lcdupc ngo, odokkc ka:toka, taycngamo:tokkc yabgo ako moge:namko ka:to! Odokkc lupongarnc gomugdc, okodcm ngo tadbegtonc tu:lungko muddagncmpc ngom lula, luto. “So:pc gvtoka, odokkc ngo nom okodc sok lcdulo lenycru:ji lcngkanyc.”

²Vgcmpc ngo Yalodo dungai, odokkc ka:toka, taycngamong migom dungkoko lenkang, akonc migom dungkodo du:la tedangkang!

³Odokkc sc:kobv odo tedangka:nc do:nycmpc unnc moni:ycmpc odokkc Sardi:olok moni:ycmc idag, odokkc migom dungkodok dunggo:ycgo:pc lc:bangko sa:la cdc geyomnc vlvng moni:ycmpc ka:dag.

⁴Migom dungkodok yedrila vyvngkolang appi:ko migom tedko dungai, odokkc migom dungkodo tednckvdv:dc vyingkolang appi:ko abv:nc tani:yc dungai, kamponc attarcm gcla: gcla, avn dumlubcm buluk mittukvdv:dc gcla.

⁵Migom dungkodokkc mcrulok rua:dc lendag, odokkc gomugc odokkc do:mvr marbangc bc:lendag, odokkc migom dungkodok kcra:do vmv mcru kvnvdkopc romtung, okodc:bulu Ru:ncpvnckc yalo anggodc:ji; odokkc.

⁶Migomdungkodok kcra:do cdc kapc dungaji siycnglok yalo ka:sunancko, amo:bo:pc ka:pv:namcmpc. Odokkc migom dungkodok yedrila, kekonkesag appv:do, turnc simvn dorpi:ko dung, amigc bi:danpc kannc kcra:do odokkc lamkupc:

⁷Turnc simvn du:pongarncdc inggompc incko, dorkondc turla du:nc simvndc vbo so:bokoncmpc incko, dorumnc turla du:nc simvndc tani: nappang kancko, odokkc dorpi:nc turla du:nc simvndc dc:la gvnc go:nor pcttangcmpc incko.

⁸Odokkc turra du:nc simvn dorpi:dc, appv:dokkc alap akkcng akkcngko dung, kekon kesag appv:do odokkc ara:do amigc, odokkc longgcmna: yummcm cdvlosin ni:tomcm mongasumang: “Angunnc, angunnc, angunnc, cdc Ru:tum Ru:ncpvnc Ilang-glangarya:ncdc, Sc:kobv dungaji odokkc sc:kobv:ji odokkc gvpcncdc.”

⁹Odokkc cdvloi cdc turra du:nc simvnkvdv:dc amin gvmonammc odokkc mcnggcnammc odokkc aipai bidagji Bvm sc:kobv migom dungkodo teddoji odokkc Bvm kumdagji sc:kobv lo:dv longkvpc turra du:dagji;

¹⁰cdc vyvngkolang anyi abv:nc tani:kvdv:dc Bvk kcra:do owa:dag sc:kobv migom dungkodo dunga:dagji odokkc Bvm kumdagji sc:kobv lo:dv longkvpc turra du:dagji, buluk migom dumlubcm bulu migom dungkodo lc:dag,

¹¹“No arckancrungko, ngoluk Ru:tuma odokkc Ru:ncpvnc, amin gvnamclang mcnggcnammc, kapcnc no appvng attarcm ru:to, odokkc nok mcngkamki bulu du:dag odokkc ru:tungai.”