Read Mitla Zapotec Mateo 14 Bible Online

Mateo 14 - Mitla Zapotec bible

Mateo 14

¹Lagajc neṉ redxejga Herodes, ni laaza tetrarca, biejn diajgni diidx xcuent ni cayujn Jesús.

²Dxejc räjpni lo rexmosni: ―Dee najc Juan Bautist. Pet agubaṉsacni lo rebeṉgut, ni'cni rajpni yäḻrnibee te rujnni remilagwr.

³Si'c gunii Herodes sa'csi laani basäuuni Juan neṉ latzguiib. Niluxh gunibeeni biliibni con cadeṉ neṉ latzguiib xcuent Herodías, ni gujc chääl bejtzni Felipe.

⁴Bidxe'chni sa'csi räjp Juan lo Herodes: ―Et laadi rujnlu rbäznäjlu chääl bejtzlu.

⁵Rlajz Herodes nugu'tni Juan, luxh rdxejbni rebeṉguejdx, sa'csi guiraareni rniireni Juan najc te niguii ni rnii xtidx Dios.

⁶Dxejc che gojl laj Herodes gujc lanij, birii xindxa'p Herodías te baya'ni nez loj regolnejdx. Luxh sa'csi bidxaglazduxh Herodes baya'ni,

⁷räjpni loj gunaaga: ―Gunab xhitis ni rlajzlu, sa'csi gudix lazä gunidxä ni guiniabtislu.

⁸Dxejcti gunaaga, abalijdx xnannini, räjpni lo Herodes: ―Loj te platóṉ baniidx bitiuyejc Juan Bautist.

⁹Diidxga benhuin lastoo ṟeii Herodes, per sa'csi abia'n diidx, niluxh abiejn diajg rebejṉ, gunibeeni gudeedreni nani guiniab gunaaga.

¹⁰Dxejcti gunibeeni biru' yejc Juan Bautist neṉ latzguiib.

¹¹Sas biädnäreni yejcni lo te platóṉ, badeedrenini loj gunaaga. Dxejcti gunaaga badeednini lo xnanni.

¹²Dxejcti bidzujṉ rexpejṉ Juan sanäreni togoolga te huicua'tzrenini. Dxejcru huisa'nreni diidx loj Jesús. Bayaan Jesús gaii miḻ bejṉ (Mr. 6:30‑44; Lc. 9:10‑17; <a href='B:500 06:1'>Jn. 6:1‑<a href='B:500 14:1'>14)

¹³Che biejn diajg Jesús xhi guzajc Juan, xtebni huä'pni neṉ te barcw huijni stee laad nez lo reyubijdz. Che gucbee rebejṉ caro sääni, huinajlreni Jesús lo yuj. Guiraa neṉ reguejdxga biriireni.

¹⁴Che birii Jesús neṉ barcw, bahuiini loj xhidalduxh bejṉ, dxejc balazlajznireni, basiajcni rebejṉ nani racxhuu.

¹⁵Cheni acayu' guxhijṉ, gubig rexpejṉpacni lojni räjpreni: ―Rut rbäjzdi nez lo reyubijdzre, niluxh agudxej ṉaj. Basadiidx rebejṉ te jiireni nez rerench te chasiireni xhi gaureni.

¹⁶Räjp Jesús: ―Xhicuent jiireni. La'tu coḻgudeed xhi gaureni.

¹⁷Dxejcti räjpreni: ―Xhetru rajpdinu ree. Gaiitis yätxtiil näjza tio'p bäjl rajpnu.

¹⁸Laani räjpni: ―Coḻtanäni ree.

¹⁹Dxejcti gunibeeni gurej rebejṉ lo guixa'. Dxejcti cua'ni guigaii yätxtiil näjza guiro'p bäjl, guläsni lojni xhaguibaa, badeedni xquixhtios lo Dios, dxejcti gula'ni reyätxtiil. Badeednini loj rexpejṉpacni. Dxejcti rexpejṉpacni gudisrenini loj rebeṉ xhidajl.

²⁰Guiraareni gudajw, gudxaj xque'reni. Dxejcti batie'reni yätxtilbiujy nani bia'n. Si'cti tzubitio'p dxijm̲ gudxajni.

²¹Renani gudajw najcreni si'cti gaii miḻ niguii, xhet näjdi regunaa niclaza rebiuux bigab. Gusaj Jesús lo nisdoo (Mr. 6:45‑52; <a href='B:500 06:16'>Jn. 6:16‑<a href='B:500 21:1'>21)

²²Sas gunibee Jesús biu' rexpejṉpacni neṉ barcw te ganidreni tedreni stee lad nis laḻni casadiidxni rebejṉ.

²³Che gulujx basadiidxni rebejṉ, huä'p Jesús yecdajn te xtebni guninäjni Dios Xtadni. Che gojl guxhijṉ, ro'c sugaxteb Jesús.

²⁴Luxh barcw galäii lo nis sasaj. Cagusnibduxh reoḻ barcw, liriääzni lo nis sa'csi cabi' beduxh cadro sääreni.

²⁵Rsildooru gubig Jesús, bidzujṉni lojreni, siädsajni lo nisdoo.

²⁶Che bahuii rexpejṉpacni siädsajni lo nisdoo, bidxejbreni, räjpreni: ―Coḻhuii te fantasmni ―guredxa'reni sa'csi bidxebduxhreni.

²⁷Dxejc gunii Jesús lojreni, räjpni: ―Na'c guidxejbtu, laa naräni; coḻsutijp lastootu.

²⁸Dxejcti gunii Pedr lojni, räjpni: ―Dad, palga lujni, gunibee jiälä lojlu nez lo nisre.

²⁹Räjp Jesús: ―Gudaa pues. Dxejcti birii Pedr neṉ barcw gusajni lo nis te sääni nez loj Jesús.

³⁰Che bahuii Pedr beduxh ni cabi', bidxejbni, dxejc gusloj cayääzni neṉ nisdoo. Guredxa'ni, räjpni: ―Dad, ¡gulää narä!

³¹Lagajc dxejc gunaaz Jesús ṉaani, räjpni loj Pedr: ―Guxii rajplu yäḻrililajz. ¿Xhicuent guctio'p lajzlu?

³²Che huä'preni neṉ barcw, guläzgajc bej.

³³Dxejcti renani sää neṉ barcw bazuxhijbreni nez loj Jesús räjpreni: ―Guliipacni najclu Xi'n Dios. Basiajc Jesús rebeṉ racxhuu guedx Genesare't (Mr. 6:53‑56)

³⁴Che gudejdreni lo nis, bidzujṉreni nez lo reyuj xten Genesare't.

³⁵Che biembee rebeṉ ro'cni, batie'chreni diidx guideb gabi lajdxreni. Dxejcti biädnäreni guiraa rebeṉ racxhuu lojni.

³⁶Gunabduxhreni gusaanni caṉreni ro' xhajbtisni. Dxejcti guiraa renani gudajn xhajbni, biajcreni.