Read Mitla Zapotec Mateo 27 Bible Online

Mateo 27 - Mitla Zapotec bible

Mateo 27

¹Che bianij lo guedxliuj, guiraa reni najc rebixhojz ni rnibee näjza rebeṉgool xten rexpejṉ Israel bia'nreni diidx xho gunreni ju'treni Jesús.

²Baliibrenini, guläärenini ro'c, huisa'nrenini loj Poncio Pila't, ni najc gubernadoor. Xho gujt Judas

³Dxejcti Judas, ni bato' Jesús, che bahuiini bacuaquijreni Jesús, basiejch lajzni, guc-huin lajzni, dxejc huidzu'ni gaḻbitzuu meel pla't loj rebixhojz ni rnibee näjza loj rebeṉgool.

⁴Räjpni: ―Banitduxhä lo Dios sa'csi bato'ä te bejṉ ni xhet bejndi. Dxejc räjpreni lojni: ―Xhixh gunnu. Ni'c najc xcuentlu; lujti najn.

⁵Dxejc bacuaa Judas meelga lo yuj neṉ guidoro, biriitini ro'c. Sas huijni, baliibni te duu guejnni, gojḻni lo te yajg, ro'cti gujtni.

⁶Rebixhojz ni rnibee batojpreni meelga, räjpreni: ―Di gac di guizäḻnu meelre neṉ caj gojn sa'csi najcni xcuent xtiejn te bejṉ.

⁷Dxejc bia'nreni diidx con meelga siireni te la' yuj xten te dade' ni runchee guejs te ro'c gucua'tzreni rebeṉzijt.

⁸Ni'cni ṉajli rniireni yujga: “Yurejn”.

⁹Si'c gusojb diidx ni gunii Jeremías, dade' ni gunii xtidx Dios galoo che räjpni: “Cua'reni gaḻbitzuu melpla'tga si'cti basoob rexi'n Israel sajc bejṉga.

¹⁰Con meelga guziireni yuj lo bejṉ ni runchee guejs, sigacni gunibee xtadnu Dios.” Gusuj Jesús nez loj Pila't (Mr. 15:2‑5; Lc. 23:3‑5; <a href='B:500 18:33'>Jn. 18:33‑38)

¹¹Bidzuṉnäjreni Jesús loj Pila't ni najc gubernadoor. Dxejc gunabdiidxni, räjpni lo Jesús: ―¿La luj najc ṟeii xten rexpejṉ Israel, ä? Räjp Jesús lojni: ―Najcni si'cni najlu.

¹²Laḻni cabe'c rebixhojz ni rnibee näjza rebeṉgool rexquej Jesús xhetliidi guniidi Jesús.

¹³Dxejc räjp Pila't lojni: ―¿La di diajglu jiejn guiraa rediidx ni caniireni cagucuaquijreni luj, ä?

¹⁴Per xhetliidi diidxdi basejc Jesús, nicla xcuent tejsi diidx ni bacuaquijrenini. Ni'cni bidxeloduxh gubernadoorga. Gunibeereni guet Jesús (Mr. 15:6‑20; Lc. 23:13‑25; <a href='B:500 18:38'>Jn. 18:38–<a href='B:500 19:16'>19:16)

¹⁵Neṉ redxe lanij rajpreni costumbr rusḻaa Pila't tej bejṉ ni cue rebejṉ loj reni yu' neṉ latzguiib.

¹⁶Neṉ redxejga guyu' te bejṉ ni sääb xtiidxni ni laa Barrabás.

¹⁷Cheni tre' guiraareni ro'c, gunabdiidx Pila't lojreni: ―¿Chuni'c rlajztu gusḻaä́, la susḻaä Barrabás o Jesús ni laa Crist?

¹⁸Sa'csi najn Pila't rdxe'chlajzreni lo Jesús, ni'c bateedrenini lojni.

¹⁹Laḻ ni sobga' Pila't lo yajgxhiil cadro rujnni yäḻguxhtis, baxhaḻ chäälni diidx lojni, räjpni: ―Xhet gundilu dade'ga ni xhet bejndi, sa'csi nuchej nadxuudx gunixcaḻä xcuentni.

²⁰Niluxh rebixhojz ni rnibee näjza rebeṉgool baquiilreni rebejṉ te gunabreni ḻaa Barrabás, näjza te guet Jesús.

²¹Dxejcti gunii gubernadoor stehuält, räjpni lojreni: ―¿Chu tej loj guiro'preni rlajztu gusḻaä́? Dxejc guredxa'reni, räjpreni: ―¡Barrabás!

²²Gunabdiidx Pila't, räjpni: ―¿Xhi gunnää́ Jesús ni laaza Crist? Guiraareni guredxa': ―Bacuaani lo crujz.

²³Dxejc räjp Pila't lojreni: ―¿Xhi latsiaj bejnni? Niluxh laareni guredxa'rureni, räjpreni: ―¡Bacuaani lo crujz!

²⁴Che bahuii Pila't xlia'si caniini, alga gusloj rebejṉ cayujn te bieiduxh, cua'ni nis, gudiibni ṉaani nez lojreni, räjpni: ―Dina xcaquiä xtiejn bejṉre ni xhet bejndi. La'tu coḻhuii xho guntu. Xcuenttitu najcni.

²⁵Dxejc guiraa rebejṉga badzu' diidxre, räjpreni: ―Suxcaquijnu xtiejnni, nuurnu näjza rexi'nnu.

²⁶Dxejc basḻaa Pila't Barrabás, dxejc gunibeeni gudijnreni Jesús dxejc bateednini ladzṉaa rebejṉ te gucuaarenini lo crujz.

²⁷Dxejc huinä resoldaad xten gubernadoor Jesús lo pretoor, yu' cadro rujnreni yäḻguxhtis, ro'c batojpreni guiraa resa'reni.

²⁸Dxejc gulääreni xhajbni, bashuajcwrenini te lad xniaa.

²⁹Dxejc bencheereni te coroṉ guejch, basäḻrenini yejcni, basäḻreni te yabixijl ṉaani, xladbeeni, sas bazuxhijbreni nez lojni guslogajc caguxhisnäjrenini, räjpreni: ―¡Coḻlä'p xpala'n ṟeii xten rexpejṉ Israel!

³⁰Sas batiobxhejnreni lojni, cua'reni yabixijlga te ni'c batiäjlreni yejcni.

³¹Che gulujx baxhiznäjrenini, gulääreni lad xniaa ni najcwni. Dxejc bashuacwsacrenini lagajc xhajbni, sanätirenini te xcajni lo crujz. Bacuaareni Jesús lo crujz (Mr. 15:21‑32; Lc. 23:26‑43; <a href='B:500 19:17'>Jn. 19:17‑27)

³²Cheni sariireni, bidxaagreni te bejṉ ni siääd guedx Cirene, laani Simón, basguureni dade'ga xcrujz Jesús.

³³Che bidzujṉreni te lajt ni laa Gólgota, nani säloj: dan Calabeer,

³⁴ro'c badeedreni bin nu'ch cuanlaa te gu' Jesús. Te bocbäztisni gu'ni, dxejc naaddiruni niä'nini.

³⁵Cheni abacuaareni Jesús lo crujz, gudzujt resoldaad yejc xhajbni, te si'c gudisreni xhajb Jesús cua'reni, te si'c guzojb diidx xten te dade' ni gunii xtidx Dios.

³⁶Gurejtireni ro'c, gusloj canäjreni Jesús.

³⁷Yejc crujzga bacuaareni te guijtz con letrro. Lo guijtzga rcaj xhini'c najc xtojḻ nani cayejt. Lo guijtzga caj: “Dee najc Jesús ṟeii xten rexpejṉ Israel.”

³⁸Näjza tio'p gubaan cuaj lo stio'p crujz con laani. Tejni cuaj lo te crujz xladbee Jesús, steeni cuaj xladbäjgwni.

³⁹Luxh renani sadejd nejzga guniyajreni Jesús, cagusniibreni yejcreni,

⁴⁰cayäjpreni lojni: ―¡Ja'ä! Luj ni nutiexhlu guidoo, luxh choṉtis dxej niunchesacluni; palga gulii najclu Xi'n Dios, biäjt loj crujzga.

⁴¹Näjza rebixhojz ni rnibee, näj remastr xten leii, baxhiznäjrenini räjpreni loj sa'reni:

⁴²―Basḻaani xhidajl bejṉ, xhoxh di gacdi gusḻaani lagajc laani. Palga najcni ṟeii xten rexpejṉ Israel, sujiäjtni lo crujz naṉaj te chalilajznu xtiidxni.

⁴³Huinälajzni Dios, ṉaj sugusḻaa Diosni palga sanälajz Diosni; ni najni: “Narä nacä Xi'n Dios.”

⁴⁴Regubaan ni caj lo recrujz sigajcza guniyajreni Jesús. Che gujt Jesús (Mr. 15:33‑41; Lc. 23:44‑49; <a href='B:500 19:28'>Jn. 19:28‑30)

⁴⁵Dxejcti bicäjy guideb guedxliuj läidxej hasta rcachoṉ gudxej.

⁴⁶Si'cti rcachoṉ gudxej guredxa' Jesús dipduxh, räjpni: ―Elí, Elí, ¿lama sabacatani? ―dee säloj: Xtiozä, Xtiozä, ¿xhicuent gulälazlu narä?

⁴⁷Yu' reni suga' ro'c, che biejn diajgreni räjpni si'c, räjpreni: ―Cabejdx Dade're Elías.

⁴⁸Baxuṉgajc tejreni, huica'ni te sponj, bahuajdxnini loj binagr, bacuaanini yejc te biquii te badzugni binagrga ro' Jesús.

⁴⁹Dxejc reni tre' ro'c räjp: ―Basaan; guidon la siääd Elías te gusḻaanini.

⁵⁰Dxejc guredxaduxh Jesús stehuält, basḻaatini xpritni.

⁵¹Lagajc oṟga biräsya' ladro ni zääb neṉ guidoro, gujcni tio'p la' jiaali hasta lo yuj. Gujc te xuro, sas gusuj bej reguiro.

⁵²Dxejc gubicaj reguij ni niäuu ro' rebaa, luxh gubaṉsac xhidajl xpejṉ Dios ni gujt aguc xchej.

⁵³Dxejcti, che huäjs Jesús lo rebeṉgut, biriireni neṉ baa, baluilojreni lo xhidajl bejṉ ni rbäjz guedx Jerusalén.

⁵⁴Dxejc capitán xten resoldaad näjza resoldaad ni canäj Jesús, che bahuiireni xuduxh näjza guiraa recos ni gujc ro'c, bidxejbreni, räjpreni: ―Guliipacni najc dade're Xi'n Dios.

⁵⁵Zijtru tre' xhidajl regunaa ni biädnajl Jesús che biriini nez Galilee te bahuiirenini. Cadxelojtisreni guiraa ni cayajc ro'c.

⁵⁶Tej regunaaga najc Marii Magdaleṉ, steeni najc Marii xnan Jacoob näjza José, steeni najc xnan rexi'n Zebedeo. Huicua'tzreni Jesús (Mr. 15:42‑47; Lc. 23:50‑56; <a href='B:500 19:38'>Jn. 19:38‑42)

⁵⁷Che gojl gudxej, bidzujṉ te beṉrajp ni siääd guedx Arimatea; laani José. Näjza dade'ga najc tej reni birinajl Jesús.

⁵⁸Huij dade'ga loj Pila't, gunabni tiejxh Jesús. Dxejc gunibee Pila't gudeedrenini lojni.

⁵⁹Cua'ti José tiejxh Jesús, batejbnini neṉ te bariadya,

⁶⁰huitixhnini neṉ xpaapacni. Nacoob baaga, gojnni bidäänni cuä' te guilaj. Dxejc basäuni ro' baaga con guiro, dxejcti siini.

⁶¹Sobga'za Marii Magdaleṉ näjza stee Marii nez loj baa, bahuiireni biga'tzni. Xhi räjp resoldaad ni cuanäj xpaa Jesús

⁶²Che gudejd dxej xten ni gulec-cheereni lanij, bara yääl bidojp rebixhojz ni rnibee näjza rebejṉ ni laa refarisee, bidzujṉreni loj Pila't,

⁶³räjpreni lojni: ―Dad, banaj laaznu xhi räjp bejṉ ni rusgueere. Räjpni: “Che ted choṉ dxej sibaṉsacni loj rebeṉgut.”

⁶⁴Ni'c baxhaḻ chu chacanäj ro' baaga dxejli guisa' choṉ dxej, te di chää rexpejṉpacni chaläärenini tiejxhni, dxejc gäbreni loj rebejṉ: “Agubaṉsacni loj rebeṉgut.” Yäḻrusgueega sajc cuentroru loj ni gujc ganid.

⁶⁵Räjp Pila't lojreni: ―La'tu rajptu te cuaa soldaad; coḻchäj, basäutzu'tz ro' baaga si'ctis ni sajc guntu.

⁶⁶Dxejcti sääreni, basäutzu'tzreni ro' baaga; con resoldaad bacuaareni te seii lojni te rut faḻdini. Dxejc basa'nreni resoldaad canäj ro'c.