Read Mitla Zapotec Marcos 14 Bible Online

Marcos 14 - Mitla Zapotec bible

Marcos 14

¹Riäädx tiop dxej guidzujṉ lanij, dxej ni ruzaa lajzreni guḻaareni ladzṉaa reEgipto. Neṉ redxejga rajwreni yätxtiil nani di saguij. Rebixhojz nani rnibee neṉ guidoo xten rexpejṉ Israel näj rebejṉ ni ruluii leii rlajzreni niniaazreni Jesús con yäḻrusguee, te nugu'trenini.

²Dxejcti räjpreni lo sa'reni: ―Na'c jiennu scree neṉ redxelanij, te na'c gun beṉguejdx biejy. Te gunaa ni basäḻ se't yejc Jesús Betania (Mt. 26:6‑13; <a href='B:500 12:1'>Jn. 12:1‑<a href='B:500 08:1'>8)

³Yu' Jesús Betania, rolijz Simón, nani guyu' guejch ni raḻ tiejxhni. Che sobga'ni lo mex, biääd te gunaa ca' te bo'tguij yu' setnard neṉni. Rlianexhduxhni, sacduxhni. Dxejc gudi'chni yejn bo'tguijga, te basäḻni se'tga yejc Jesús.

⁴Yu'za gaiireni ro'c ni bidxe'ch, räjp loj sa'reni: ―¿Xhicuent banijtni setnejxhga?

⁵Paru nido' se'tga, nijni si'cti choṉ gayuu denar, te nica' meelga rebejṉ ni xhet rajpdi meel. Luxh caguidxa'reni loj gunaaga.

⁶Dxejc räjp Jesús lojreni: ―Coḻsaanni, ¿xhicuent rudxojntu nani cayujn gunaare? Cos sacduxh dee bennäjni narä.

⁷Guideb ni guibajṉtu, su' rebejṉ nani xhet rajpdi lojtu, luxh che rlajztu sajc gacnäjtureni. Narä et xchejdi chu'ä lojtu.

⁸Gunaare abejnni nani gujctis bejnni. Abaslanexhxgaani tiexhä, te chää tiexhä neṉ baa.

⁹Rniliä́pac lojtu, cadrotis guidzujṉ xtidx Dios, guideb lo guedxliuj, siniizareni xcuent nani bejn gunaare, te guinaj lajzreni gunaare. Rlajz Judas guto' Jesús (Mt. 26:14‑16; Lc. 22:3‑6)

¹⁰Dxejcti huij Judas Iscariot, nani najc tej retzubitio'p xpejṉpac Jesús, loj rebixhojz nani rnibee te guto'ni Jesús lojreni.

¹¹Che biejn diajg rebixhojz xtiidxni, bibalajzreni. Räjpreni sudeedreni meel lojni. Dxejcti caguiil Judas xho guto'ni Jesús. Gudauxchej Dad con rexpejṉpacni (Mt. 26:17‑29; Lc. 22:7‑23; <a href='B:500 13:21'>Jn. 13:21‑30; <a href='B:500 01:1'>1Co<a href='B:500 11:23'>. 11:23‑26)

¹²Biu'ti xmaan che rajwreni yätxtiil ni di saguij. Dxej lanijga, rugu'treni xiil, te ruzaa lajzreni dxej ni guḻaareni ladzṉaa reEgipto. Räjp rexpejṉpacni loj Jesús: ―¿Caro rlajzlu chosucheenu te gauulu nadxej, dxelanij?

¹³Dxejc baxhaḻni tiop rexpejṉpacni, räjpni lojreni: ―Coḻchäj neṉ guejdx, ro'c guidxaagtu te niguii ni nuu te re' nis. Coḻchanajl niguiiga.

¹⁴Cadro jiu'ni coḻye'tz loj bejṉ ni najc rolijzni ro'c: “Naj Dad mastr, ¿con yu' cadro ria'n rebiooz, cadro gaunäjni rexpejṉpacni nadxej, dxelanij?”

¹⁵Dxejcti guluiini lojtu te yu' ni sojb jiaaliga yejc sa'ni, ni asuchexgaa neṉni. Coḻyujn xhi guidauunu ro'c.

¹⁶Sas huij rexpejṉpacni, bidzujṉreni neṉ guejdxga. Bidxälreni te yu' si'cni räjp Jesús lojreni. Ro'c bejnreni xhi gudajwreni dxelanij.

¹⁷Che huääz gubijdx, bidzuṉnäj Jesús guitzubitio'p xpejṉpacni.

¹⁸Laḻni sobga'reni lo mex cayajwreni, räjp Jesús lojreni: ―Rniliä́pac lojtu, tej la'tu ni cayaunää́, suto'ni narä.

¹⁹Dxejcti gusloj cayac-huin lajzreni, räjp tebgajreni lo Jesús: ―¿La naräni? Räpgajc steeni: ―¿La naräni?

²⁰Dxejcti guniini, räjpni lojreni: ―La tej retzubitio'p, tej ni cayajw loj xpla'tä.

²¹Sa'csi narä Xi'n Dios nani gujc Niguii, sia'ä, si'cpacni caj loj xtiidx Dios, per xhiza nalajz niguii ni guto' narä. Huentejti na'c niajl niguiire.

²²Laḻni cayajwreni, cua' Jesús yätxtiil, badeedzani xquixhtiooz loj Dios dxejc guḻa'nini, badeednini lojreni. Dxejcti räjpni: ―Coḻca' yätxtiilre. Dee najc si'c tiexhä.

²³Cuagajcni te bas. Che abadeedni xquixhtiooz loj Dios, badeednini lojreni, gu' guiraareni neṉ basga.

²⁴Dxejcti räjp Jesús lojreni: ―Dee najc si'c xtienä ni ruluii diidx ni biä'nnu, nani guixe' xcuent xhidajl rebejṉ.

²⁵Rniliä́pac lojtu, diruna yä'ä bin nani ṟii yejc uub, dxejli yä'äni stehuält loj xcäḻrnibee Dios. Gunii Jesús sinii Pedr dini gumbeeni (Mt. 26:30‑35; Lc. 22:31‑34; <a href='B:500 13:36'>Jn. 13:36‑38)

²⁶Che gulujx biḻreni te dij xten Dios, biriireni, sääreni nez dajne' ni laa dan Oliib.

²⁷Dxejcru räjp Jesús lojreni: ―Guiraatu sibälaztu narä naguxhijṉ, sa'csi si'c cajni lo guijtz: “Sugu'tä baxhtoor luxh suxuṉ rexiil.”

²⁸Che guibaṉsacä loj rebeṉgut, ganidä cha'a Galilee, dxejcti jiäädtu.

²⁹Dxejc räjp Pedr loj Jesús: ―Palga guiraareni cuälazlu, narä dina cuälazälu.

³⁰Dxejc räjp Jesús lojni: ―Rniliä́pac lojlu, lagajc guxhijṉre, nicla gajd guidgaii cuedxa' tiop huält, luj aguiniilu choṉ huält dilu gumbee narä.

³¹Luxh laani sanuutis xtiidxni, räjpni: ―Cadro guetlu setäza, dina guiniä dina gumbeälu. Luxh guiraa rexpejṉpacni gunii si'c. Gunab Jesús loj Dios che yu'ni Getsemaní (Mt. 26:36‑46; Lc. 22:39‑46)

³²Dxejcti bidzujṉreni te lajt cadro laa Getsemaní. Dxejc räjpni loj rexpejṉpacni: ―Coḻcuej ree laḻni chanabä lo Dios.

³³Dxejcru sanäni Pedr näj Jacoob näjza Juan. Dxejc gusloj cayac-huinduxh lajzni, luxh cayu'ni yäḻrsiaduxh.

³⁴Dxejc räjpni lojreni: ―Cayac-huinduxh lazä, an sugu'tni narä. Coḻjia'n ree, coḻtie'ch bacaḻ.

³⁵Sas gusajni tla', bazuxhijbni lo yuj, dxejcti gunabni lo Dios don la niajc nidedcaj nani sacni dxejc.

³⁶Räjpni: ―Abba, xtadä, luj rajc rujnlu guira'ti: badzucaj retrabajwre loä. Xhet si'cni rlazädi narä, bejn si'cni rlajzlu luj.

³⁷Dxejc biäädni gunaaznireni nagayejsreni. Dxejc räjpni lo Pedr: ―Simón, ¿la nagayejslu? ¿La nicla te rate' diniajcdi nutie'chlu bacaḻ?

³⁸Coḻtie'ch bacaḻ, coḻnab lo Dios, te na'c guntu dojḻ. Lastootu rlajz gutie'chtu bacaḻ, luxh tiejxhtu abadxajg.

³⁹Huij Jesús stehuält, binabni loj Dios, guniini lagajc rediidx ni guniini galoo.

⁴⁰Dxejcti biädsacni cadro tre'reni, gunazsacnireni nagayejsreni, sa'csi yuduxh bacaḻ lojreni. Luxh direni nidxäl xhi niniireni lojni.

⁴¹Ni riojṉ huält biäädni, dxejc räjpni lojreni: ―Agojḻ coḻguejs, coḻsilajz, agujc, abidzujṉ oṟ ni ted Xi'n Dios ni gujc Niguii ladzṉaa rebeṉdojḻ.

⁴²Coḻchastie, coḻcho'. Asiäddzuṉgajxh ni guto' narä. Gunaazreni Jesús (Mt. 26:47‑56; Lc. 22:47‑53; <a href='B:500 18:2'>Jn. 18:2‑<a href='B:500 11:1'>11)

⁴³Canisijcni scree, che bidzujṉ Judas, ni najc te retzubitio'p xpejṉpacni, siädnäni xhidajl bejṉ. Ca'reni spaad, ca'reni yajg biriireni lo rebixhojz nani rnibee, näjza rebejṉ ni ruluii leii, näjza rebeṉgool nani najc guxhtis.

⁴⁴Niluxh nani ruto' Jesús abadeedni te seen lojreni, räjpni: ―Nani guchagro'ä, ni'c najc laani. Coḻnaazni, coḻyaptzu'tzni te si'c chanätuni.

⁴⁵Che bidzujṉ Judas, gubigni loj Jesús, räjpni lojni: ―Dad, Dad. Sas bachagro'nini.

⁴⁶Dxejcru gunaazreni Jesús ro'c.

⁴⁷Dxejc tej reni suga' ro'c, gulää xspaadni, gudiḻguijdxni xmos bixhojz nani sajcru, batiu'ni diajgni.

⁴⁸Dxejc räjp Jesús loj rebejṉ: ―¿La siädxhiitu narä con spaad näjza garo't si'c rixiitu te gubaan?

⁴⁹Guiraa dxej guyu'ä lojtu neṉ guidoo, caguluiätu xtidx Dios luxh ditu niniaaztu narä. Scree cayajcni, te soob diidx ni caj lo reguijtz.

⁵⁰Dxejcru rexpejṉpacni gulälazrenini, baxuṉtireni. Bi'n nani baxuṉ

⁵¹Sanajlza te bi'n Jesús, nadejbni ganaxhtis te bariaad. Si'c gunaazrenini.

⁵²Dxejcti baxuṉni, libasa'nni bariaadga, sä'tini xhabäälni. Suga' Jesús loj reguxhtis (Mt. 26:57‑68; Lc. 22:54‑55, 63‑71; <a href='B:500 18:12'>Jn. 18:12‑<a href='B:500 14:1'>14, <a href='B:500 19:1'>19‑24)

⁵³Dxejc biädnäreni Jesús loj bixhojz ni sajcru. Bidojp rebixhojz nani rnibee, näj rebeṉgool ni najc guxhtis, näjza rebejṉ ni ruluii leii.

⁵⁴Luxh Pedr zijt zijt sanajlni Jesús. Che bidzujṉtini lo xle' bixhojz ni sajcru, gurenäjni rebejṉ nani rajp ro'c, cagucha' lajzni lo bajl.

⁵⁵Rebixhojz nani rnibee, näjza guiraa rebeṉgool ni najc guxhtis, caguiilreni xhi tej xquej Jesús nidxälreni, te nugu'treni Jesús, xhet bidxäldireni.

⁵⁶Xhidajl bejṉ gunii didxxhii, räjpreni et laadi rujn Jesús, niluxh di xtiidxreni nile', sa'csi garen garen guniireni.

⁵⁷Dxejc huisulii gaii bejṉ ni guniireni stee didxxhii xcuent Jesús, räjpreni:

⁵⁸―Nuunu biejn diaagnu guniini: “Sutiexhä xyu' Dios ni guc-chee con ṉaa rebejṉ, luxh choṉtis dxej guncheä steeni, ni nac-chee et con ṉaadi rebejṉ.”

⁵⁹Nicla si'c di xtiidxreni nile', sa'csi garen garenza guniireni.

⁶⁰Dxejcti huisulii bixhojz ni sajcru galäii guiraa rebejṉ, gunabdiidxni loj Jesús räjpni: ―¿La digacdi guiniilu xhi guiniilu xcuent requej ni cabe'c reniguiire, ä?

⁶¹Laani niäuutis ro'ni, xhet guniidini. Dxejcti gunabdidxsac bixhojz ni sajcru lojni, räjpni: ―¿La luj ni najc Crist, xi'n Dios nani rliä'p bejṉ xpala'nni, ä?

⁶²Dxejcti räjp Jesús lojni: ―Naräni. Suhuiitu loä, Xi'n Dios nani gujc Niguii, sobga'ä xladbee Dios ni rnibee, siäläza neṉ reza ni tre' xhaguibaa.

⁶³Dxejcru bixhojz ni sajcruga, batiäjsni tla' xhajbni, räjpni: ―¿Xhi jienrunu guidiilnu diidx xcuentni?

⁶⁴Abiejn diajgtu xho guniyajni Dios. N̲aja', ¿xhi najtu? Dxejcti guiraareni räjp nungäjḻpac guetni.

⁶⁵Dxejc yu' reni gusloj cagutiobxhejn lojni, luxh basäuureni lojni, dxejc huääzrenini, räjpreni lojni: ―Gunii, ¿chuni'c huääzlu? Luxh renani canäjni gudajp lojni. Gunii Pedr dini gumbee Jesús (Mt. 26:69‑75; Lc. 22:56‑62; <a href='B:500 18:15'>Jn. 18:15‑<a href='B:500 18:1'>18, 25‑29)

⁶⁶Dxejc suga' Pedr lo yuj, nez lo le'ga, che biääd te xcriaad bixhojz ni sajcru.

⁶⁷Luxh bahuiini cagucha' lajz Pedr, cadxelojni lojni. Dxejcti räjpni: ―Näj luj nadxaaglu Jesús ni siääd Nazare't.

⁶⁸Dxejc Pedr basgueeni, räjpni: ―Dina gumbeäni. Dizana ganä xhini'c caniilu. Dxejcti biriini sääni ro' suaan. Dxejcti guredxa' guidgaii.

⁶⁹Dxejc bahuisac criaadga lojni, räjpni loj renani suga' ro'c: ―Niguiire najc laa tejreni.

⁷⁰Luxh laani basgueeni stehuält. Che gojl stera't, räpsac renani suga' ro'c loj Pedr: ―Guliipacni näj luj najclu tejreni, sa'csi beṉ Galileelu, luxh guyasi riejn rniilu si'c rnii rebeṉ Galilee.

⁷¹Dxejc gusloj canii Pedr: ―Dios gun castiigw narä palga xhet guliidi ni caniä. Dios najc testiigw, dina gumbeä niguii nani caniitu.

⁷²Dxejcti barojp huält guredxa' guidgaii. Dxejc banalajz Pedr nani räjp Jesús lojni: “Che gajdli guidgaii cuedxa' tiop huält, luj gacla choṉ huält aräjplu dilu gumbee narä.” Dxejc guslojni cayoonni.