Read Mitla Zapotec Marcos 16 Bible Online

Marcos 16 - Mitla Zapotec bible

Marcos 16

¹Che gudejd sabd, dxej ni rusilajz rexpejṉ Israel, Marii Magdaleṉ näj Marii xnan Jacoob näjza Salomee gusii setnejxh te chatääbreni se'tga tiexh Jesús.

²Che biu' xmaan, rsildooru, che calejn gubijdx, biäädreni ro' xpaani.

³Cayäjp loj sa'reni: ―¿Chu gudzucaj guiroga ro' xpaani te jiu'nu?

⁴Che gudixhlojreni, bahuiireni alagubicaj guijga, luxh najcni te guiroduxh.

⁵Che biu'reni neṉ biliääga, bahuiireni lo te bi'n sobga' ladbee neṉ biliääga. Najcw bi'nga te ladnol ni najc siool. Dxejc bidxejb regunaaga.

⁶Dxejcti räjp bi'nga lojreni: ―Na'c guidxejbtu. Caguiiltu Jesús ni siääd Nazare't, nani cuaj lo crujz. Rutiruni ree. Agubajṉni lo rebeṉgut, coḻtahuii cadro gudixhreni tiejxhni.

⁷Coḻchäj, coḻchaye'tz lo rexpejṉpacni, loj Pedr, ganidla Jesús guidzujṉ Galilee, dxejcti guidzujṉtu. Ro'c fiitu lojni, si'cni guniini lojtu.

⁸Biriitireni ro' biliääga, racsejslireni sa'csi cadxejbreni. Rut lojdi guniidireni sa'csi cadebduxhreni. Baluiloj Jesús loj Marii Magdaleṉ (Jn. 20:11‑18)

⁹Gubajṉ Jesús loj rebeṉgut rsildooru che biu' xmaan. Baluilojni galoo loj Marii Magdaleṉ, nani agacgulääni gajdz beṉdxab neṉ lastooni.

¹⁰Dxejcti huij Marii Magdaleṉ, huiye'tzni loj renani cuansanäj Jesús, renani cayac-huin lajzni, cayoonreni.

¹¹Che biejn diajgreni ahuäzsac Jesús lo rebeṉgut, luxh Marii abahuii lojni, di lajzreni nilii. Baluiloj Jesús loj tiop xpejṉpacni (Lc. 24:13‑35)

¹²Ste'ca najc Jesús baluilojni loj tio'p renani sasaj sääreni lo nejz.

¹³Dxejcti gubi'reni, huiye'tzreni loj sgaiiga, luxh nicla xtidx reni'c di lajzreni nilii. Baxhaḻ Jesús repost (Mt. 28:16‑20; Lc. 24:36‑49; <a href='B:500 20:19'>Jn. 20:19‑23)

¹⁴Lult baluilojni loj guitzubiteebreni che sobga'reni lo mex. Gudidxa' Jesús lojreni, sa'csi di lajzreni nilii luxh guyaa lajzreni. Di lajzreni nilii xtidx renani bahuii loj Jesús che gubaṉgajcni loj rebeṉgut.

¹⁵Räjp Jesús lojreni: ―Coḻchäj guideb lo guedxliuj, coḻnii xtidx Dios lo guiraa rebejṉ.

¹⁶Nani chalilajz luxh tiobnisni, siḻiaani loj dojḻ; biäda nani di lajzni chalii sinijtni lo dojḻ.

¹⁷Niluxh remilagwre jiannäj renani chalilajz: sibääreni beṉdxab xcuentä; siniireni ste'ca diidx;

¹⁸guiniaazreni bäḻ con ṉaareni; masque yäreni xhicos ni rugu't bejṉ, xhet gacdireni; susujreni ṉaareni yejc rebeṉracxhuu luxh siajc rebeṉracxhuu. Huä'p Jesús xhaguibaa (Lc. 24:50‑53)

¹⁹Gulujxti gunii Dad Jesús si'c lojreni. Dxejc huäjsni sääni xhaguibaa. Ro'c huicueni cuä' Dios ladbee.

²⁰Dxejcti laareni bire'chreni, guniireni xtidx Dios guiranejz. Lagajc Dadga gucnäjreni, bejnni milagwr te gucbee bejṉ laapac xtidx Dios ni caniireni. Sugacni si'c.