Read Mitla Zapotec 2 Tesalonicenses 1 Bible Online

2 Tesalonicenses 1 - Mitla Zapotec bible

2 Tesalonicenses 1

¹Narä Pabl, näjza Silvan näjza Timoteu, cacuaanu guijtzre lojtu, rebejtznu ni yu' guidoo lo guedx Tesalónica, reni yu' lo Dios Xtadnu näjza lo Dad Jesucrist.

²Gacnäj Dios Xtadnu näj Dad Jesucrist la'tu, guscuecdxizareni lajztu. Gun Dios yäḻguxhtis loj rebeṉdojḻ che guibi' Jesucrist lo guedxliuj

³Bejtznu, rudeednu xquixtios lo Dios xcuenttu, si'c riäjḻ jiennuni, sa'csi xcäḻrililajztu siädroobru, näjza yäḻrinälajz ni rajp tejgatu näjza sa'tu siädroobruni.

⁴Ni'cni rliä'pnu xpala'ntu neṉ reguidoo xten Dios. Rbaa lajznu sa'csi rsiudzu'tztu sanuutis rililajztu xtidx Dios mase rdejdtu trabajw, rusacsí bejṉtu.

⁵Dee ruluiipac xcäḻguxhtis Dios najc laaca, ni'c rnii Dios riäjḻ jiu'tu lo xcäḻrnibeeni sa'csi cadejdtu trabajw xcuent yäḻrnibeega.

⁶Sa'csi rujn Dios xhigab riäjḻza quiix reni bateedtu trabajw xtojḻreni, ni'c suteedzani reni'c trabajw.

⁷Niluxh la'tu ni cadejdtu trabajw, sujn Dios gusilaznäjtu nuure che guluiiloj Jesucrist, siriini xhaguibaa siädnäjni rexanglni ni sajc, ni rnibeduxh.

⁸Lo te balduxh siäädni, dxejc guisloj susacsíduxhni reni di gaṉ Dios, dizareni gusoob xtidx Dad Jesucrist nani rudzucaj dojḻ.

⁹Guiraareni sidejdreni trabajw, par tejpas agunijtreni, zijt chureni lo Dios, lo yäḻrdimbicha' xten xcäḻrnibeeni.

¹⁰Che jiääd Dad guiriini xhaguibaa, dxejga siliä'p rexpejṉni xpala'nni, sidxelojza renani huililajz laani näjza la'tu, sa'csi huililajztu diidx ni basule'nu che guyu'nu lojtu.

¹¹Ni'c rniabtisnu lo Dios por la'tu, rniabnu lo Dios guinaj lajzni nabajṉtu si'c riäjḻ guibajṉ reni guleni. Rniabzanu guniidx Dios lojtu guntu guiraa redzunsa'c ni rchaglajz Dios guntu, gacnäjzani la'tu con xcäḻrnibeeni te guntu redzuun ni rujntu sa'csi rililajztu.

¹²Te chä'p xpala'n laj Dad Jesucrist si'cni nabajṉtu, te laani guiliä'pzani xpala'ntu, xcuent yäḻrinälajz xten Dios näjza Dad Jesucrist.