Read Mitla Zapotec Apocalipsis (de Juan) 8 Bible Online

Apocalipsis (de Juan) 8 - Mitla Zapotec bible

Apocalipsis (de Juan) 8

¹Che batiäjsni ni rajc gajdz seiiga, gucdxi xhaguibaa si'cti med oṟ.

²Dxejcti bahuiä loj guigajdz xangl Dios ni suga' nez loj Dios. Lojreni badeedreni gajdz trompe't.

³Dxejctiru biääd stee angl, ca'ni te bacue ni najc ganax oor, bazujnini nez loj piändxan. Badeedreni lojni naclejn yaal te cachaagnini loj guiraa rextidx xpejṉ Dios ni rniireni che rbedx-rniabreni lo Dios, te checni lo piändxan ni najc ganax oor, ni yu' nez loj yagxhilroga.

⁴Dxejcti gujxhga nägajc rextidx rexpejṉ Dios, birii ladsṉaa xangl Dios ni ca' bacue, huä'preni nez loj Dios.

⁵Dxejcti lagajc anglga cua'ni guiboo ni dzuub lo piändxanga, bachajni bacue, dxejcti baslojnini lo guedxliuj. Dxejc guyu' te guziduxh, bidinyaduxh, gujcza te xuduxh. Retrompe't

⁶Dxejcti guigajdz rexangl Dios ni ca' guigajdz retrompe't, guzusiṉreni te guisloj goḻreni retrompe'tga.

⁷Che biḻ trompetganid, guixob näj guiboo nu'chreni rejn gusloj cayajbreni loj guedxliuj. Dxejcti huejc ni riojṉ la' guedxliuj, huejcza ni riojṉ la' reyajg näjza guiralii recuaan.

⁸Che biḻ ni ṟojp xangl Dios trompe't ni ca'ni, ascanu yu' chu bacuaani biajb si'c te danro ni cayejc loj nisdoo. Dxejcti gujc ni riojṉ la' nisdoo si'c rejn.

⁹Dxejcti gujt ni riojṉ la' rebäjl näj guiraa reman ni yu' loj nisdoo. Gunitlojza ni riojṉ la' rebarcw ni sazaj lo nisdoo.

¹⁰Che biḻ ni riojṉ xangl Dios trompe't ni ca'ni, biajb te balro xhaguibaa, cayejcni si'c te balguejd. Bitejbni loj ni riojṉ la' regueuu, näjza cadro rliejn nis.

¹¹Laj bajlga najc Ajenjo, ni säloj te cos ni naṉladuxh. Ni riojṉ la' nis gujc nis naṉladuxh. Dxejcti gujt xhidalduxh bejṉ xcuent nisnaṉlaaga.

¹²Che biḻ ni rdajp xangl Dios trompe't ni ca'ni, guxhijṉ ni riojṉ la' gubijdx, näjza ni riojṉ la' bäii, näjza ni riojṉ la' rebal xhaguibaa, bicäjyreni. Dxejcti dirureni guzanij ni riojṉ la' dxej, näj ni riojṉ la' yääl.

¹³Dxejcti bahuiä xhaguibaa, biejn diagä si'c te bisij cagutajt nez galäii xhaguibaa. Biejn diagä cabedxa'ni, caniini rediidxre: ―¡Aii! ¡Aii! ¡Aii! Riaduxhä rebeṉ guedxliuj che guisloj goḻ schoṉ rexangl Dios retrompe't ni ca'reni. Sidejd rebeṉ guedxliuj trabajwduxhru.