Read Mixtec Mateo 17 Bible Online

Mateo 17 - Mixtec bible

Mateo 17

¹Yūcuán na te nuū iñú quɨvɨ̄ te Jesús ni jeca ya Pedro jiín Jacobo jiín Juan ñani Jacobo, cuahān sɨ́ɨn ya jiín de ɨɨn yucu súcún.

²Te yūcuán, tucu ni nduu ya nuū de. Chi ni ndindēe núū yā nájnūhun niāndii. Te sahma ya ni nducuíjín quɨyɨ ndasɨ́, nájnūhun nduva luz.

³Te ni cajito‑ni de jeē Moisés jiín Elías, tēe ni cahīyo jenahán, cándajnūhún de jíín yá.

⁴Te ni cahān Pedro jiín yá: Nacā jeē váha jeē cáhīin ná yáha. Te núu cúní ni te na sáha ná únī vehe ramada, ɨɨn cuu máá ní, ɨnga cuu Moisés, te ɨnga cuu Elías, achí de.

⁵Te níní cáhán gā de, te ni quiji vicō nūhun jéē yaa ndasɨ́, ni jesɨ‑ni nuū de. Te nuū vicó un ní cahān ɨɨn jnūhun: Yāha cúu Sēhe ri jeē maní ndasɨ́ rí jiín, te cúsɨɨ̄ ni rī jiín. Na cúni nahín ró jnūhun cáhán yā. Achí.

⁶Te jeē súcuan ni cajini sōho tēe cáscuáha ún, te ni cajecava ndeyɨ de, chi yōhyo ni cayūhú de.

⁷Yūcuán na te ni quee Jesús, te ni soó yá ndaha ya sɨquɨ̄ de. Te ni cahān yā: Ndocuɨñɨ̄, te ma yūhu ró jijnáhan ró, áchí yá.

⁸Te ni candacoto de, te tuá tēe un ní cájito de, chi máá ɨɨn na Jesús.

⁹Te ni cananuu de jíín yá yucu ún. Te ni ndacu ya jniñu nuū de: Ma cáchi rō nuū ní ɨɨn jeē súcuan ni cajito ró, chi nde na nátecu maá rí, Yaā ní nduu tēe, áchí yá.

¹⁰Yūcuán na te tēe cáscuáha jíín yá, ni cacajnūhún de ya: Núu súcuan te tēe cástéén tutu ley Yaā Dios, ¿najehē cácahān de jeē cánuú ndiji Elías xīhna gā, te sáá te quiji Yaā cúu Cristo? achí de.

¹¹Te ni cahān Jesús jiín de: Jendaá cúu jeē xíhna gā quiji ɨɨn tēe cuu nájnūhun Elías, te sátūhva de ndɨhɨ, áchí tutu.

¹²Te cáhán rī jiín ró jeē jé ni quiji tēe ni cuu nájnūhun Elías, te tu ní jíní ñayuu jeē suu de cúu. Te ni casáha ndevāha ñayuu jiín de ndɨhɨ jeē ní cacuu ni maá i. Te suni súcuan stóho i ruhū, Yaā ní nduu tēe. Achí yá.

¹³Yūcuán na te tēe cáscuáha un, ní cajecūhun ni de jeē cahán yā jeē Juan tēe scuándute, ni cuu de nájnūhun Elías. Jeē ní nasávāha ya ɨɨn sūchi jíhí yɨ̄hɨ́ (Mr. 9.14‑29; Lc. 9.37‑43)

¹⁴Te ni najinū yā jiín de nuū ñáyuu cuehē ún. Te ni quee ɨɨn tēe, ni jecuɨñɨ̄ yɨtɨ́ de nuū yā, te ni cahān de:

¹⁵Cundáhú ni ni séhe yɨɨ́ ná, chi yōhyo xeēn ndóho i cuehyɨ̄ jíhí yɨ̄hɨ́. Te je ni cuu cuehē jínu cótúú i nuū ñuhún jíín núū ndúte.

¹⁶Te ni quindeca ná i nuū tée cáscuáha jíín ní, te tu ní cúu sávāha de i, áchí de.

¹⁷Te ni cahān Jesús: Ñayuu yōhyo nīhni ni cácuu ró chi tu cácandíje ró jéē cuu nduvāha i. ¿Nasaa ga quɨvɨ̄ condee rī jiín ró? ¿Te nasaa ga quɨvɨ̄ cuandeyɨ́ ni rī jiín ró? Cuáquihin sūchí un na quíji i, áchí yá.

¹⁸Te ni cahān yā nuū tachí, te ni quenda‑ni ini sūchí un. Te ni nduvāha‑ni i máá hora un.

¹⁹Yūcuán na te tēe cáscuáha un, ní cacajnūhun sɨ́ɨn de ya: ¿Najehē tu ní cúu quenehen ná tachī un jíjnáhan ná? achí de.

²⁰Te ni cahān yā: Sɨquɨ̄ jeē tu cácandíje nīhin ró jéē cuu sáha ró. Chi jendaá cahán rī jiín ró, jeē núu candíje ró vēsú ɨɨn tíhlí‑ni, cūhva nájnūhun ɨɨn ndɨquɨn mostaza, te cuu sáha ró táca‑ni jniñu yɨɨ́. Chi cuu cahān rō jeē na cújiyo yucu yáha quihīn ɨnga lado, te cujiyo‑ni. Te tācá‑ni jniñu chi cuu sáha ró, te núu candíje nīhin ró jéē cúu.

²¹Te ɨɨn tachī súcuan chi ma quénda cuɨtɨ quihīn, te núu tu cacān tahú rō te coo ndite ni rō. Achí yá. Jeē ni cáhān tucu ya jeē cúū yā (Mr. 9.30‑32; Lc. 9.43‑45)

²²Te jíca cuu Jesús jiín de jíjnáhan de región Galilea, te ni cahān yā jiín de: Máá rí, Yaā ní nduu tēe, nastúu i ruhū nuū tāca tée xeēn.

²³Te cahni de ruhū, te nuū uní quɨvɨ̄ te natecu rī, achí yá. Te ni canducuíhyá ndasɨ́ ni de jeē ni cáhān yā jnūhun yáha. Sɨquɨ̄ xúhun cuajníñu ini templo

²⁴Te ni jinū yā ñuu Capernaum jiín tée cáscuáha jíín yá. Te tēe cástútú xúhun templo ni quecoo de, te ni cacajnūhún de Pedro: Te maestro maá ró jijnáhan ró, ¿á tú cuāha de xūhún cuajníñu ini templo, chí naún? áchí de.

²⁵Te ni cahān Pedro: Cuu, áchí de. Te ná ni quɨ̄vɨ de ini vehe, te xīhna gā Jesús ni cahān yā jiín de: ¿Ndese jéni ni rō, Simón? Tāca tée cácuu rey ini ñayɨ̄vɨ yáha, ¿ndé núū cájicān de xūhun renta jiín xúhun cuajníñu ñuu? ¿A núū séhe de chí núū ñáyuu sɨ́ɨn vehe? áchí yá.

²⁶Te ni cahān Pedro: Nuū ñáyuu sɨ́ɨn vehe, áchí de. Te ni cahān Jesús: Núu súcuan te tú na ɨnga cujéhnu nuū séhe rey jeē cacán xūhún un núū i. Súcuan ni cahān yā jeē cujéhnu ya cúu ya Sēhe Yaā Dios. Te ni cahān yā:

²⁷Te na chúnaa yō, návāha tu squɨ́tɨ́ ni yō de. Núu súcuan te cuáhán ndé yumar, te scáne ró gancho jeē jnɨ́ɨ chācá, te tava rō chācá jéē jnɨ́ɨ xīhna gā. Te ndɨca rō yuhu tɨ, te yūcuan níhīn rō ɨɨn xūhun jéē cánda chunaa rō jeē cájicān de. Te quindēca ró núū de jeē cúu ruhū jiín róhó. Achí yá. Ndé ñáyuu cúu jeē cujéhnu ga (Mr. 9.33‑37; Lc. 9.46‑48)