Read Mixtec 2 Tesalonicenses 3 Bible Online

2 Tesalonicenses 3 - Mixtec bible

2 Tesalonicenses 3

¹Te íyó ɨnga jnūhun cánuú, hermano. Na cácán tahú rō jehē rī jijnáhan ri, návāha yachī cuitē núu jnūhun máá Jítoho yō, te cuatáhú váha ñayuu, nájnūhun ni cajetáhú máá ró.

²Te suni cacān tahú rō jeē na cácu ri nuū tāca tée cásáha néé jéē cátejnáhan jíín rí. Chi tú ndɨhɨ tēe cácandíje jnūhun ya.

³Te máá Jítoho yō chi vāha squícu ya jeē ni jéjnūhun ya, te sáha ya jeē íje ni tāca ró jiín jnúhun ya, te coto ya rohó núū jeneé.

⁴Te cácucáhnu ni rī sáha máá Jítoho yō, jeē cócuu ró jíín jniñu jeē ní candacu ri nuū rō, te suni cocuu ga rō jiín.

⁵Te ñúhun ni rī jeē maá Jítoho yō steén gā yā ndese coo manī gā rō jiín Yaā Dios nde jiín ini jiín ánuá rō, jiín jéē cuándeyɨ́ ni rō nájnūhun ni sáha Cristo. Jeē cánuú sájniñu yó

⁶Te cándacu ri jniñu nuū rō hermano, chi súcuan ni ndacu máá Jítoho yō Jesucristo, jeē na cújiyo ró núū tācá hermano cájica cúxí te tu cájica vāha de nájnūhun ni castéén rī nuū rō.

⁷Chi je cájini rō ndese cánuú ndacu ró rúhū jijnáhan ri, chi tu ní cájica cúxí rí ná ni cahīyo ri jiín ró.

⁸Ni tu ní cáyeji rī staā ni ɨɨn ró súcuan‑ni, chi ni cachunaa rī. Chi sa ni canducú ndéyɨ́ rí ni casájniñu téyɨ́ rí nduú ñuú, návāha ma stáhān rī ni ɨɨn ró.

⁹Te vēsú íyó derecho rī jeē cacán rī nuū rō nuú, te tu ní cájicān rī, chi súcuan ni casáha ri návāha cuu ri ɨɨn ejemplo nuū rō ndese sáha ró jíjnáhan ró.

¹⁰Chi ná ni coyūcu rí jiín ró, te ni candacu ri jniñu yáha nuū rō: Núu ndé ɨɨn ñayuu tu cúní i sájniñu i, te suni ma cáji i núu súcuan.

¹¹Chi ni canihīn rī jnūhun jeē cájica cúxí sava ró, te tu cásájniñu ró, chi yāha yúcuan‑ni sáha ró.

¹²Te cándacu ri jniñu nuū rohó jéē casáha súcuan, te cástɨ́hvɨ́ ni rī rohó jeē na cóo nayúú ró te sájniñu ró, návāha nihīn rō jeē cáji rō sɨquɨ̄ jníñu sáha máá ró. Chi súcuan ndácu máá Jítoho yō Jesucristo jniñu.

¹³Hermano, ma ndínuu ni rō jijnáhan ró sáha ró táca jniñu váha.

¹⁴Te núu ndé ɨɨn i tu jétáhú i jnūhun jeē cahán rī nuū carta yáha, te condēhe váha ro ndé‑ni i cúu, te ma quijnáhan ga rō jiín i, návāha na cúcanu i te nacani ni i.

¹⁵Te nasūu jéē cóto uhū rō i, chi sa cahān rō jiín i nájnūhun jíín ñani rō jeē na sájniñu vāha i. Bendición jeē sándɨ̄hɨ́

¹⁶Te ñúhun ni rī jeē maá Jítoho yō, Yaā jeē jéhe jnūhun ndeyɨ́ sɨ́ɨ̄ ni, níní na sáha ya jeē coo ndeyɨ́ coo sɨɨ̄ ni rō sɨquɨ̄ tācá‑ni, te coo ya jiín ró jijnáhan ró.

¹⁷Ruhū Pablo, yāhá‑ni cúu jeē tée ri jiín ndaha máá rí jeē cahán rī jeē sándeyɨ́ ni rō jijnáhan ró. Te súcuan jéhe ri firma nuū tāca carta rī, návāha cuni rō jeē carta maá rí cúu. Súcuan cáa letra rī.

¹⁸Te ñúhun ni rī jeē maá Jítoho yō Jesucristo, na sáha ga yā jeē váha ró jíjnáhan ró. Súcuan na cóo. Amén.