Read Mizo Lushai Genesis 46 Bible Online

Genesis 46 - Mizo Lushai bible

Genesis 46

¹Israela chu a neih zawng zawng nên a chhuak a. Beer-seba a lo thleng a, hetah hian Pathian, a pa Isaka Pathian hnênah inthawina a hlân a.

²Zânah chuan Pathianin Israela chu inlârnaah a ko va, “Jakob, Jakob,” a rawn ti a. Ani chuan, “Eng nge ni?” a ti a.

³Pathian chuan, “I pa Pathian ka nih hi, Aigupta rama chhuk chu hreh suh;

⁴Aigupta-ah chuan ka kal thlâkpui ang che a, keimah ngeiin ka hruai kîr leh ang che. Josefa ngeiin a dawm hlum ang che,” a rawn ti a.

⁵Jakoba chuan Beer-seba chu a chhuahsan a, Israela fate chuan a chuanna tûra Farawa tawlailîr rawn thawnah chuan an pa Jakoba chu, an nupuite leh an fanaute nên an chuantîr a.

⁶An ran rualte chu an khalh a, Kanan rama an awm chhûnga an thil neih zawng zawng nên, Jakoba leh a thlahte chuan Aigupta ram chu an thleng ta a.

⁷A fapate, a tupate, a fanute, a tunute, a thlah zawng zawngte chu a rawn hruai vek a.

⁸Aigupta rama pêm, Israel mi, Jakoba leh a thlahte chu hêngte hi an ni:

⁹Jakoba fa tîr Reubena leh a fate chu: Hanoka, Palua, Hezrona leh Karmia.

¹⁰Simeona leh a fate chu: Jemuela, Jamina, Ohada, Jakina, Zohara, Kanan hmeichhe laka a hrin Saula te an ni.

¹¹Levia fate chu: Gersona te, Kohata te, Meraria te hi an ni.

¹²Juda fate chu: Sela, Pereza, Zera; a fa upa Era leh Onana chu Kanan ramah an thi tawh. Pereza chuan fa Hezrona leh Hamula a nei.

¹³Isakara fate: Tola, Pua, Joba, Simrona.

¹⁴Zebuluna fate chu: Sereda, Elona, Jahleela.

¹⁵Chûngte chu Leaiin Padan-aram-a Jakoba a hrinsakte chu an ni; a fanu Dinaii nên, an vaiin sawmthum leh pathum an ni.

¹⁶Gada fate: Zefona, Hagia, Sunia, Ezbona, Eria, Arodia, Arelia.

¹⁷Asera fate: Imna, Isva, Isvia, Beria, an farnu Seri nên. Beria fate chu: Hebera, Malkiela.

¹⁸Chûng chu Labanan a fanu Leaii tân chhiahhlawha a pêk Zilpaiin Jakoba a hrinsakte chu an ni; an vaiin sâwm leh paruk an ni.

¹⁹Jakoba nupui Rakili fate: Josefa, Benjamina.

²⁰Josefa chuan fa pahnih On puithiam Potifara fanu Asenathi hrinsak Manasea leh Efraima.

²¹Benjamina fate: Bela, Bekera, Asbela, Gera, Naamana, Ehia, Rosa, Mupima, Hupima, Arda,

²²Hêng hi Rakili thlah, Jakoba fate chu an ni, an vaiin sâwm leh pali an ni.

²³Dana fa: Husima.

²⁴Naftalia fate: Jazeela, Gunia, Jezera, Silema.

²⁵Hêng hi Labanan a fanu Rakili tân chhiahhlawh a pêk Bilhaiin Jakoba a hrinsakte chu an ni; an vaiin pasarih an ni.

²⁶Jakoba ruala Aigupta rama pêm thlahte chu: ama fa ngei, an nupuite chhiar telin, mi sawmruk leh paruk an tling a ni.

²⁷Aigupta rama Josefa fa pahnih leh Jakoba ho Aigupta rama pêm thla chu a lu nungin sawmsarih an ni.

²⁸Jakoba chuan Juda chu Josefa hnênah Gosen rama lo kal hmasa tûrin a tîr a. Gosen ram an lo thlen chuan,

²⁹Josefa chuan a tawlailîr a buatsaihtîr a, a pa Jakoba hmuak tûr chuan Gosen ramah chuan a kal ta a. A va hmuh veleh a pawm chawt a, rei fe a ṭap a.

³⁰Israelan Josefa hnênah, “Nungdamin i la awm a, i hmêl ka hmu leh ta a, tûnah chuan duh leh thi tawh rawh i,” a ti a.

³¹Josefa chuan a pa leh a pa chhûngte hnênah chuan, “Ka kal ang a, Farawa ka va hrilh ang e. ‘Kanan rama awm ṭhîn ka unaute leh ka chhûngte chuan min rawn pan a,

³²berâm vulh mi an ni a, ran vulh mi rêng an ni. Ani berâmte leh an ran rualte leh an neih zawng zawng pawh an rawn chhawm,’ ka va ti ang a.

³³Faraw-an a koh che ua, in hna thawh ṭhinte a zawh hunah che u chuan

³⁴‘hmânlai aṭang tawhin tûn thlengin i chhiahhlawhte hi ran vulh mi kan ni, keini leh kan pate pawh,’ ti ang che u; tichuan, Gosen ramah a awmtîr dâwn che u nia, Aigupta miten berâmpute hi an ten êm êm a ni,” a ti a.