Read Mizo Lushai Genesis 49 Bible Online

Genesis 49 - Mizo Lushai bible

Genesis 49

¹Jakoba chuan a fate chu a ko khâwm a, “Nakin hnua in awm dân tûr ka lo hrilh ang che u, lo kal khâwm rawh u,” a ti a.

²“Jakoba fate u, lo kal khâwm ula, ngaithla rawh u, In pa Israela thu hi ngaithla teh u.

³Nang Reuben, ka fa tîr, ka chak ka vânglai fa, Mi dang aia chungnung leh zahawm i ni.

⁴Tui lian anga awm hle hle thei lo, Mi dang aiin i chungnung tawh lo vang, I pa khumpui i kaia, Ka khum i tihbawlhhlawh avâng khân.

⁵Simeona leh Levia hi unau phîr ang mai an ni, Dân bawhchhiat hi an hna a ni;

⁶An remruatah ka tel lo vang a, An punkhâwmnaah kei chu ka awm ve lo vang. An thinur a, tual an that a, An nawm an mâkin bâwngchal thate an chhat.

⁷An thin a chhiat êm avâng leh An thin a ram êm avângin Jakoba zîngah ka sem darh ang a, Israel-te zîngah ka tidarh ang.

⁸Juda, i unauten an fak ang che; I hmêlmate chu an ringah i rêk ang a, I unaute i hmaah an kûn ang.

⁹Juda zawng sakeibaknei tuai, Sa seh zo hlim, pûka lawi, Bawka zi awr awr ang hi a ni; Tu man an titho ngam lo va,

¹⁰Lal tiang a thlah lo vang a, A thlahte pawh an lal reng ang a, A ke kâr ata rorêltu tiang a insawn hek lo vang. Silo-a a lo kal hma chu miten a thu an awih ang.

¹¹Grep hruiah sabengtungno a thlung a, A no ṭha chi chu grep rah tui ber kûngah. A kawr uain-ah a chiah a, grep tui senin a puan a su.

¹²Uain avângin a mit a sen rûm a, Hnutetui avângin a hâ a vâr.

¹³Zebulun chu tuifinriat kamah a awm ang a, Lawng rual tân chawlhhmun a ni ang, A ram chuan Sidon a ri ang.

¹⁴Isakara chu sabengtung chak tak, A puak phurh tûr kâra a bawk reng ang hi a ni,

¹⁵A chawlhna hmun chu ṭha a ti a. phur tûrin a hnungzâng a tihniam a bawih angin an chhawr ta.

¹⁶Dana chuan a mite ro a rêlsak ang a, Israel hnam dang ang bawk an ni ang.

¹⁷Dana chu kawngsîra rûl ang a ni, Rûlrial, kalkawng laia mi chu. Sakawr ke a chu a, hnung lamah a chungchuang a sêp thla.

¹⁸Aw LALPA, min chhandam hlân kan va han nghâkhlel em!

¹⁹Gada chu sumdâwng rualin an bei ang a, A bei lêt ang a, a ûm nek ang.

²⁰Asera chu a chênghnâwng hle ang, Lal ei tlâk thil tui a nei rei rui ang.

²¹Naftali hi zukpui tla chhuak No duhawm tak nei ang hi a ni.

²²Josefa hi ram sakawr tui awmna rama sabengtung no, tlâng panga ram sabengtung tla ang a ni.

²³Thal kâptuten an bei a, Thal nên an ûm nek mai.

²⁴Mahse, a thalngul chu a che ngai lo. A ṭuan lah a ṭha, Jakoba Mi Chaka thahrui leh Israela Lungpui, Vêngtua vâng chuan.

²⁵I pate Pathian chu a ni pui ṭhîntu che, El-Sadaia a ni, malsâwmtu che. Chung lam aṭanga malsâwm ruah, Lei hnuai aṭanga malsâwmna tuihna, Ran vulh leh fanauva hmuingîlna chu.

²⁶Thil pâr leh buh vuia malsâwmna, Tlâng hlun malsâwmna te, Tlâng sânga thil duhawm tinrêng te, Josefa lu chungah awm rawh se, A unaute zînga thlan chhuah lu chungah chuan.

²⁷Benjamina hi chinghne koham ang a ni, A sa seh chu zîngah leh tlaiah a tlân reng mai,” a ti a.

²⁸Chûng mite chu Israel hnam sâwm leh pahnihte chu an ni; anmahni thlah nân chutiang chuan an pa chuan thu a sawi a ni; a mal malin a âwm tâwk zêlin mal a sâwmsak a.

²⁹An hnênah hetiang hian thuro a chhiah bawk, “Ka laichînte hnênah min hruai lawk dâwn tawh a. Ka pate phûmna pûkah min phûm ve ang che u. Chu pûk chu Hit mi Efrona lova awm a ni.

³⁰Makpela hmuna pûk, Mamre zâwn, Kanan rama mi, Abrahaman Hit mi Efrona hnên aṭangin thlân atân a lei a nih kha.

³¹Chutah chuan, Abrahama leh a nupui Sari chu an phûm a, Isaka leh a nupui Rebeki pawh an phûm a; kei pawhin Leaii ka phûm a ni.

³²Chu pûk leh a bula lo chu Hit mite ta lei a nih tawh kha,” a ti a.

³³Jakoban a fate thu a chah zawh chuan khumah a ke a hlâng kai a, a hnuk a chat ta a; a laichînte hnênah hruai a ni ta a.